|
متزوجة من 12 سنة و زوجي لا يراعي مشاعري
اخواتي في الله : اكتب لكم قصتي وكلي امل منكم في ان تطرحوا علي بعض الحلول في قضيتي تزوجت وعمري 18 سنه وزوجي كان عمرها 30 سنه زوجي كان متزوج من قبل وحدثت له بعض المشاكل الزوجيه من ماادى الى الانفصال ولديه ولد واحد لي الان 12 سنه من تزوجت لكن المشاكل تلاحقني في كل يوم وساعه ودقيقه انا احببت زوجي من قلبي وكنت لا استطيع الفراق عنه لكن هو من اضطرني الى الذهاب الى بيت هلي وترك شقتي المهم انجبت طفلتين منه المشكله زوجي عصبي لدرجه فضيغه حدا ماعنده اي حنان مشاعره كلها انه مغتلج مني ومن هالزواج حاولت اني اسيطر عليه بحبي له لكن لايغيد اي مشكله يضربني ويدق على اهله ويقوول لهم ترى قالت زوجتي عليكم كذا وكذا زوحتي ماتبيني اجيكم زوجتي ماتحبكم وهم بدوورهم يجووون الى مكاني ويواجهووني رجال وحريم تعبت من الصياح من حرارة زوجي طلقني مرتين لم يبقى لدي الا طلقه واحده تعبت وانا اتحمل واصبر الكل يخاف على شعوور زوجته وهو لا لو اي شي في البيت يدق يريد تخويفي باهله تعبت يمكن تقوولون صبري بس مااقدر ادري اني اذاا خانقني اردعليه من قهري بس مليت مره ودي كان مرِه يحس فيني كل اللي حوله يحبوون زوجاتهم ويخافوون على شعوورهم هو لا مستعد يجيب الكل عشان يفشلني كم مره لاحظت عليه يكلم بنات وسكتت مصروف يدي مايرضى الا بالموووت وهو في حاله مستقدره مره حاولت افهمه انا هذي الحركات سوف تبعدني عنه لكن لا جدوى تعبت من المشاكل اصبحت الان اعاني الكل من اهله كرهني بسببه صغير ام كبير احاول اعزم اهله لكن يضيع بعد كم يوم تخيلوا لو طفل في اهله اتكلم عليه او اقوول اي كلام من باب السوالف بعد كم يوم يجيب اهل الطفل يحاججوني على كلامي اتكلم وعيووني تنهمر شذنبي اني تزوجته هل ذنبي يسووي لي كذه بناتي يكسروون خاطري من تزوحت انا وياه كل سنه بصير في بيت هلي شهر شهرين اتعبت نفسيتي ونفسيت بناتي الحين انا في بيت هلي الان جيت من يومين بعد ماشتمني وضربني وجاب بنت اخوه وزوجها وعحوزها لي بالسيارة يواجهووني ويقوول لهم زوجتي قالت عنكم كذا وكذا ويقوول لهم طوول اليوم اهي تتكلم عنكم وانا نفس اليوم كنت مخترب نومي ونايمه وبعدها رحت للمستوصف لسني انقهرت ادري انا مشاكله هذي نفس مشاكل زوجته اللي قبلي بس اللي قبلي اطلبت الطلاق في خلال 3 سنوات من زواجهم لكن انا لي الان 12 سنه من تزوجت وكنت كل مره هلي يرجعووني ويقووولون مايصبروون الا الحريم والمره تصبر عشان عيالها مادري شسووي والله ماودي بالطلاق وبرضوا مااحب اني اهان حتى بناتي يوم نزلناهم يجيبون ملابس لهم ماحبهم ولاباسهم بالعكس جلس يتكلم علي يمهم ويسبني ويسب ابووي شالحل قوولوا لي ........ ولاتقولون بيتغير لاني لي 12 سنه ماتغير ساعدوووني |
لا حول ولا قوة الا بالله...
12 سنه واهله ما عرفوا اذا انتي بطاله ولا طيبه مدامه على نفس الموال... محد طفش منه ومن مشاكله.... طيب 12 سنه ما عرفتي انتي تردي بوجههم وبوجه..... الله يكون بعونك |
اسمحي لك اقولك ضعف شخصيتك
وتجاوزك عن اخطائه هو الي خلاه يتمادى المفروض تركتيه من زمان بس الحين عندك عيال بس بصراحه ماادري ايش الحل مع ذا الرجال دام العصبيه هذي طبع فيه صعب يتغير انتي لازم تبعدين عنه فتره حتى تلاقين حل لمشكلتك اتمنى من الاعضاء المتزوجين يفيدونك الله ييسر امرك اكثري من الدعاء ان ربك ييسر لك امورك ويهدي لك زوجك |
زوجك لن يتغير .. وانت كأنك عايشه في ساحة معركه الكل يحاربك زوجك مع كل عاااائلته ..
وانت وحدك حتى اهلك يقولون لك اصبري .. والكثره مثل ما يقولون تغلب الشاااجعه .. حتى لو كنت شجاااعه في مواجهة الكل لكنك لن تصمدي طواااال عمرك في هذه الحرب الشرسه .. طلاق و تطلقتي مرتين و خايفه من الثالثه و توقعي انه يطلقك في اي لحظه و من الصعب ان يعيش الانسان في قلق .. والحياه الزوجيه التي ينقصها الامان و الاستقرار وش فايدتها ؟؟ هذا بالاضافه الي الطرد و الضرب و الاهانه و عدم التقدير و الاحترام .. انت لماذا خايفه من الطلاق ؟؟ هل انت مستعده ان تعيشي مع بناتك في هذا الجحيم على طوول ؟؟ هل انت موظفه ؟؟ او عندك دخل مادي ؟؟ انت ماذا تريدي بالضبط ؟؟ |
اتوقع زوج مثل كذا اظن انه به حاله نفسيه والعياذ بالله
شنو يجيب احد من اهله ويواجهك فعلا مجنون ... واسفه على هذا الرد |
و الله يا أختي لولا بناتك كنت يمكن انصحك بالطلاق
لكن صبرتِ 12 سنة و حرام تتشتت بناتك بين بيتين و خصوصاً أنه أبوهم غير عاطفي قرأت قصة في احد مواقع الاخبار عن امرأة انصلت عن زوجها و الزوج ظالم حرمها من شوفة بنتها و الأدهى و الأمرّ انه زوج البنت لصديقه اللي بعمرها أبوها او جدها و البنت عمرها 12 سنة طفلة بريئة لم تبلغ اشترطوا على زوجها عدم الدخول و الزوج لم يفي بالعهد و اغتصبها و الطفلة تكتب رسائل لأمها لا تعلم ماذا تفعل ضحكوا عليها بألعاب و ملابس جديدة حتى تقول أمام القاضي انها موافقة قصة أدمت قلبي و صراحة هالقصة تعتبر درس و عبرة لكل زوجة لا تطلبي الطلاق من أجل بناتك طالما زوجك انسان غير متوازن فخافي على بناتك و ابقي على عصمته حتى تحميهم من مستقبل غامض و طبعاً لكِ الأجر يقول الله تعالى " و بشّر الصّابرين" اصبري يا أختي و احتسبي الله يخليلك بناتك و يصلح زوجك آمين |
ادعواا لنا
وادعوا لبناتي |
اتمنى ردوود اكثر تريح قلبي
|
حاولي ان تتجنبي الكلام على اهله واقاربه لانه يثور ويعمل لك مشاكل معهم وتجنبي ماينرفزة حتى تستمر حياتك الزوجيه ولو من اجل بناتك والله الهادي .
|
اسئل الله إن يسخر لك ملائكة السماء وسلطين الارض
|
| الساعة الآن 06:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©