|
عندي مشكلة اتمنى من الرجال مساعدتي"الكرش"
السلام عليكم جميعا واسعد الله ايامكم عندي مشكله نفسية وفي نفس الوقت شكليه انا طبيعه جسمي ضعيف نسبيا"نحيف" وبسبب الخمول لكم سنة فالبيت وطبعا من غير احساس مني الكرش بداء يظهر فيني ومخرب كثير على شكلي ومظهري الخارجي ما انه كبير"فعيني انا كبير" بس تعرفوا الناس ولسانهم الي ما يرحم فلان طالعلك كرش فلان مادري شو وهالشي مضايقني وانا الحين افكر اني اخطب بنت الحلال دخلت النادي وتدربت خفيت وزني نقص بس ظهرت مشكله ثانيه وجهي صار ضعيف وبالمره ما حلو يالله الناس من جديد فلان وجهك ضعيف ما حلو"بعد ما قللت الاكل واكثرت من الرياضه" والحين فالبيت اشيل اوزان بس الكرش الي ظهر ما يبي يروح حاس ان السبب الرئيسي ان الكرش ما قل هي الاكلات الي اكلها معضمها زيوت"اكلات البيت" ولو قررت اني ما اكل بجوع لان مافي شي ثاني فغصب عني لازم اكلها:( فابي حل من قبلكم اخواني يغنيني عن الذهاب للنادي لانه بعيد جدا وما ياخذ من وقتي الكثير لاني طالب وفي اواخر ايامي فالكليه ابغي طرق ولو واحد عنده هالمشكله سابقا وراحت زين يكلمني عنها اتحمس لاني فعلا مليت وضاع وقتي هباء |
نقل إلى ركن الحمية وضبط الوزن
حيث مكانه المناسب |
ماحد من الشباب رد
افضل طريقه للكرش الماء الدافي والشاي الاخضر بي الزنجيبل وتمارين البطن وبعدين خلى اهلك يطبخولك اكل صحي وخفف قد ماتقدر وبالتوفيق |
اقتباس:
اهلا اختي شكرا رديتي علي انا بالقصد طرحت الموضوع في عالم الرجل عشان يشوفوا الموضوع هني ما اضن الكثير من الاعضاء يدخلوه فمحد بيشوف موضوعي من ناحية اكل البيت فالبيت ما همهم يكون في كرش ولا لا فمحد له بارض يطبخلي اكل خالي من الزيوت عائلتنا كبيرة جدا ما شاء الله اما تمارين البطن فسمعت واحد يقولي لا تسوي لان العضلات الي فبطنك بتكبر"الي تحت الكرش"فالكرش كانه بيبرز زياده بسبب نموا العضلات تحت الجلد فتوقفت عن ممارستها بالمره |
السلام عليكم
اخوي افضل شي للكرش هو الرياضه بس بشررررررررررررررط انك تستمر عليها لانو اذا ماستمريت راح تنشد عضلات بطنك واذا تركتها راح ترتخي وتترهل انا دخلت نادي وجربت تمارين البطن وبطني صغير بس من اول اسبوع حسيت ان بطني صار قاسي واشرب مويه دافيه عالريق سمعت انها تخفف الكرش وفيه طريقه انك تذوب فازلين وتحط معه زنجبيل وتحطه على بطنك..<<<طبعا بعد مايبرد يعني يكون مثل الكريم مو لازم يكون حار عادي لو يكون الكريم بارد يعني بعد ماتذوبه تخليه في علبه وتستخدمه يوميا بيساعدك على تخفيف الكرش وبتحس بحرقه لانو الزنجبيل يحرق الدهوون بس لاتنسى الرياضه لانها تشد البطن سوي الرياضه في البيت مو لازم نادي وحاول قد ماتقدر تستمر عليها وبما انك رجال على طول بيبان فيك لانو العضلات عندكم بسرعه تنشد لانو اغلب جسمك عضلات والله يوفقك يارب |
| الساعة الآن 11:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©