|
اشعر بضيقه وقهر بسبب فسخ الخطوبة
كيفكم يااخوان ويااخوات ,, مدري من وين ابتدي ,, احس اني منقهره مررررره انا كنت مخطوبه لمدة 7 اشهر بس خطبه بدون ملكه وخطيبي كل ساعه والثانيه عندنا والله تعلقت فيييه مرررررره وانا مااجلس معه بس اراقبه من بعيد والحين بسبب مشكله تافهه من ابوه وامه في البديه قبل النظره الشرعيه قبل حتى التحاليل شرط اابوي ان العرس يكون عندنا ومايكون في المدرينه اللي ساكن فيها هو ورضوا اصلا المفروض مانشرط (لان هذا الاصول ) وكان شرطي الثاني ان العرس بعد سنه والملكه قبل العرس ب3 اشهر او بداية الاجاه الصيفيه ووافقوا لاني في اخر سنه في الجامعه ولو تزوجت بسكتن في مدينه ثانيه اكيييد بتستغربون لان هذي كلها مب شرووووط ابدا ,, انا ماتشرطت ولا طلبت والله ولا شي ولا تشرطت لان ابوي وابوه عيال خاله لكن بعد النظره صارت امه تقول ابي عرس كبير قلنا لها خلي العرس صغير والناس مايعجبها العجب وعندنا في الشرقيه الاعراس غاليه عيت قالت هذا اول ولد لي وابي افرح وانادي الكل قلنا بكيفها تسوي اللي تبي لكن بعدها صار الولد كل ماجا عندنا يقول ابي احجز لللصاله , لكن عرس الرجال بحجز في مدينتي ,, ويوم يدق يقول هاه خلاص انا دفعت عربون للصاله ان العرس بالحسا وصار يجنن فينا مدري وش المقصد هل هو يبي ينسحب وامه دقت عليها امي ماترد وابوه شال يده وصار الولد هو اللي بالوجه وهو جابيتنا يعني يبي يتوصل لحل , وضرب صدره وقال خلاص العرسين هنا وحددنا في شهر 11 عشان اخته حامل , ويوم جا بعدها بيوم دق على ابوي قاله خلاص انا حجزت عندنا بمدينته !! انا مدري ليه كذا يسوي قاله ابوي شوي واكلمك استخرت وقلت لابوي السالفه صارلها 4 اشهر وحنا على ذا الموضوع للي ماتوصلنا له بحل مع اننا شرطنا وخلاص قوله اني انسحبت , بعدها بكيييت كلمه ابوي قاله البنت انسحبت ,,وهو ساكت ثاله وان شاء الله اني اول الحاضرين لعرسك ,, وهو ساكت مايقول ولا حرف صار ابوي يقوله الله يرزقك بنت الحلال اللي تسعدك ,, وظل ساكت طفش ابوي وقاله في امان الله وهو ساكت مايتكلم ,, انا انهرت صحيح ان الرفض جا مني لكن امه ذبحتني كل ساعه تغير رايه مجرد مايروح عند اهله يقلب كل شي ,, انا وش ذنبي انا ماتشرطت ولا طلبت معجزات ولا طلبت ولا شي مع انه ولد عمه افضل منه بالوظيف والمركز وتقدم لي وابوي بداه هو على كل الناس لا التفت لولا شي قالي هذا ولد خالتي ومعدنه طيب ,, ابوي طيييييييييييييب في كل شي الموهم بعد هذي السالفه ,, دق ابوه يوم الاربعاء وهو طول الايام يدق على ابوي وابوي مايرد عليه لانه سحب يده في البدايه والحين يوم رفضناهم جا يدق قلت لابوي كلمه ولا تخلي مواضيع زي كذا تفرقكم مب حلو وانا امري لله والله اني ماابين لابوي اني متضايقه , كل ساعه والثانيه جاي يطل علي وانا اسوي نفسي اني عااادي وانزل لهم والبس لهم كانه العيد , وأذا جا بالليل جلست لحالي اطالع الورد اللي كان جايبه لي يوم النظره وانها ر ,, احس بضيقه مب طبيعيه , واحس خلاص ماعاد ابي اتزوج ابد , لاني فعلا مااكذب عليكم احبه واعرف ان كل اللي صار لي خيره ولله الحمد بس ساعدوني كيف انسى ابي انسىىىىىىىىىىى وكل مااحسيت نفسي نسيت شوي القى ابوه داق , ولا احد يدق يسال امي وش صار ليه انفصلت الخطبه ادعولي وانصحوني كيف انسى ابي انسى احس متضااايقه حييييييييييييل !! |
احس بضيقه مب طبيعيه
يمكن لإنه الخير لك ، زواجك من الشاب هذا ؟؟؟؟ لو كنت حاسة براحة ، كنا قلنا لك خير بإذن الله بس أحسك تهورتي و تصرفتي بعجلة ؟؟؟؟؟؟؟؟ موضوع جدا تافه ، يفرق ما بينكم ؟؟؟؟؟؟ عشان عرس و مظاهر كذابة و ليلة وحدة ، تقوموا تفركشوا كل شئ ؟؟؟؟؟؟ بعدين ، أحس أبوك إنت تمشيه على كيفك ؟ مع إنه المفروض العكس .. و نحن عندنا في عيلتنا ، الزواج يصير في المدينة اللي فيها العريس مو العكس ؟؟؟ أختي ، لا تدققي بالأشياء الصغيرة هذه و لا ما راح تتزوجي أبدا و إن تزوجتي ما راح تتهني كذا |
الله يربط على قلبك ويكشف لك وجوه الحقائق
|
حبيبتي طيب ليش ابوه رجع يدق؟
يمكن يبي يستفسر من ابوك عن السبب ويعدلو اوضاعهم وترجع الامور من جديد |
اللي ماله كلمه
والكل يلف عقله أصلح لك تتركيه وإن شاء الله خير لك وله والله يرزقك باللي يسعدك ومن ناحية نسيانه الزمن كفيل بمسحه من ذاكرتك |
اختي سعاد انتي مافهمتي صح ,,
حتى لو ابوه رجع يدق ليه مطنش طول 7 اشهر ومخلي ولده كأنه مب راضي على الزواج هذا سااااكت ساااكت مب صريييح ابدا خالي أختي روح الطير انتي تقولين ان العرس يصير في مدرينة الرجل على حسب العادات والتقاليد حنا من عاداتنا العرس في مدينة البنت الشي الثاني بغض النظر عن الاعادات والتقاليد انا هذا شي من حقي والمسلمون على شروطهم انا شرطت اقولك قبل النظره وقبل حتى التحاليل ليه من البدايه ماقالوا لا وانتهينا ليه كذا يخدعونا ,, وبالنسبه انتي تقولين العرس والبذخ ..والكلام هذا ,, هذا كله مب مني انا هذا من امه امه هي اللي مسزيه زحمه وتبي عرس كبيير , بالعاده البنت اللي تتشرط تقول ابي عرس كبير , اقولك انا قلت لهم ماابي الا عرس صغير عائلي , بس هي اللي عيت ,, انا اعرف ان الناس مايعجبها العحب والبذخ مب زين وبالنهايه انا وهو المتضررين بعد الزواج , بس امه مب صريحه ابدا , وهو يجي يقولك كلام بعدين يرجع عند اهله ويقلب ماكانه قالنا شي مااعرف ليه ,, مااقول الا حسبي الله ونعم الوكيل وبالنسبه لردي السريع بالرفض اقولك جلسسسسسسسسسسسست طولت فترة هذي السالفه مارضت تنتهي , ويمكن خيره من ربي لاني استخرت قبل اتصرف ولله الحمد لان من جد كلمته مب ثابته اذا سالفه سخيفه زي كذا ومن حقي مايثبت في كلامه كيف في الاسياء الثانيه ,, مااقول الا حسبي الله ونعم الوكيل لاني مااكذب عليكم من جد والله اني احبه الى الان بس الحمد لله على كل حال |
خيره لك اختي وبتحصلين اللي بيسعدك ويقدرك
|
الله يعوضك يارب بي الافضل يمكن خيره لكي
|
لاتندمين على قراراك ابد ابد
هذي خيره من ربي سبحان الله احيان تجي اشياء تافهه تفركش الموضوع لانه ربي اراد انه مايكون نصيبك ولوهو شاريك كان قال عادي ابتنازل واسوي العرس في مدينتكم او رجع اتصل وحاول انه يتمم الخطوبه مدام انتو اتفقتو من البدايه المفروض يحترم الاتفاق الى بينكم الحمدلله انك ماملكتي ترا راس مالها خطوبه وماتمت لاتنكدين على نفسك حاسه فيك والله عسى ربي يعوضك |
الخيره فيما أختراها الله لكِ
عسى ربي يجبر بخاطرك ويرزقك بالي أحسن منه الله يصبرك ويعيينك .. |
| الساعة الآن 12:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©