|
أرسل لي رسالة تهديد كيف أتصرف؟
السلام عليكم وربي مو عارفة كيف ابدء بس إلي اعرفه اني كنت بمنتدى وصارت مشكلة كبيرة بيني وبين واحد حسبي الله ونعم الوكيل فيه وين مايروح وعسى ربي يشغله بنفسه بمصيبه تبعده عني المهم هذا الشيطان ارسل لي رسالة على ايميلي وجالس يهدد ويتوعد فيه وماراح يرحمني وانه راح يجيبني من خلال رقم جهازي كتبلي رقم مكون من 5 ارقام وقال يقدر يطلع ارقامنا ساعدوني يقدر ولا لأ !؟ وكيف اتصرف ؟؟ اكلم الهيئة ولا اصبر شوي ولا ايش اسوي ؟؟ والهيئة بتستر علي وتتصرف بكل هدوء ولا فيها شوشرة وفضايح مال امها داعي ((يارب انقذني )) لاتقولو كلمي اهلك وماادري وشو لا مستححححححححححححححححيييييييييل اسويها انا سمعتي عند اهلي حلوة والكل يضرب بي المثل وخصوصا امي رافعتني لفوق مااقدر مااقدر مااقدر انا ماابغى انفضح عند امي وخواتي وربي هما وثقين فيه ولما وحده من خواتي تغلط انصحها واعلمها الصح من الخطأ ماابغى يجي اليوم هذا إلي اكون فيه مفضوحه عند اهلي ارجوووكم ادعولي بأن ربي يشغل هالمخلوق بأي مصيبه تبعده عني يارب ساعدني وإذا بيدكم بعد الله مساعدتي في نصيحه او تصرف او دعاء أو اي شي ساعدوني لاتقصرو معاي وربي انا نفسيتي تعبانه وعلى اعصابي ابغى ارتاح بإجازتي بس موقادرة صار هالموضوع زي الشبح يطاردني |
الله يشغل في نفسه والله مادري ايش اقولك بس ان شاء الله يفيدوك الاعضاء وانتي ادعي ربي يصرفوا عنك
|
ما يقدر قوليله اعلى مابخيلك اركبه ههههههههههه يحسبك لعبه
والا هدديه انتي انك كلمتي الهيئة وانهم مراقبين ايميله علشان يمسكونه متلبس ايش الهباله هذه خليكي قويه ولا يحس ضعفك الا اذا انتي غلطتي معاه بصور او صوت هذا شي ثاني واذا كلمتي الهيئة ترى الهيئة كويسين يبهذلون امه اللي جابته |
اقتباس:
وعليكم السلام ورحمة الله أختي الكريمة حسب ما فهمت من كلامك أنه عرف ايميلك لأنك واضعته في ملفك الشخصي هل كلامي صحيح ؟!! وهل مشكلتك معه بالمنتدى ؟؟؟ وهل أن بينك وبينه تراسل خارج المنتدى ؟؟!! وهل هو عضو أم مدير أو إداري وإلا وش منصبه بالمنتدى ؟؟؟ هل يعلم أي معلومات عنك مثلاً ؟!! الله يكفيك شره عزوبي:22: بس:d رجل:30: |
يمنع المشاركة بغير اللغة العربية.. |
الله يشغل في نفسه والله مادري ايش اقولك بس ان شاء الله يفيدوك الاعضاء وانتي ادعي ربي يصرفوا عنك
^ ^ آآآآآآآآآمين يارب جروح تبتسم لا الحمدلله لا صور ولا شي لكن فكرت اقوله كذا بس خفت يتحدى اكثر وانا ماني قده صراحه فكرة الهيئة شوي متخوفه منها حتى لوبغيت اكلمهم لازم اجيب رقم من دون اسم علشان محد يعرفني وانا خلاص ماابغى ماابغى أضطر لذي الأشياء عزوبي بس رجل كان عندي بالماسنجر بس حظرته من زمان ومشكلتي معاه بالمنتدى كان بيني وبينه تراسل بالجوال لكن كان الرقم من دون اسم لكن هالكلام من قبل 6 شهور ورميت هالجوال وانا تبت لربي وخلاص مالي في هالأشياء من زمان لكن قريب صارت المشكلة وهل هو عضو أم مدير أو إداري وإلا وش منصبه بالمنتدى ؟؟؟ عضو لكن اكيد له معارف من المراقبين وانا بغيت اكلمهم بس خفت يوصله خبر بأني خايفه وهو يزيد بهالرسايل هل يعلم أي معلومات عنك مثلاً ؟!! ابدا مايعرف عني شي نهائيا لكن لو صار لاقدر الله ودق على بيتنا وقال معرفي وايميلي حنعرف انه انا وانا ماابغى كذا الله يكفيك شره آآآآآآآآمين يارب ماأجمل الطفولة آآمين يارب اتمنى تدعولي في صلاتكم انو ربي يساعدني ويصرفه عني والله ماني قد الفضيحه |
وصلتيها للجوال؟
الله يهدييييييييييييييييك وبس ياشيخه ياليت اللي يعرف شي يفيد المسكينه |
طيب أنت وش منه خايفة ؟؟ أمش عدل يحتار عدوك فيــك ! الله يستر على الجميع |
مشكلتي اصدق زمان كنت اكلمة بس قطعته من زمان ولا يقدر يوصلي لان جوالي كان من دون اسم
الوان اخواتي يعرفو معرفي ويعرفو المنتديات إلي ادخل عليها ويعرفو اميلي فلو قالها الي مايخاف ربي راح انفضح عندهم وراح اصغر بعينهم بيقولو فين هذيكا إلي كانت تنصح وتعلمنا الصح والخطأوهي ولا شي علشان كذا خايفه مو منه خايفه لاوالله مايطول لكن خايفه على سمعتي قدام اهلي وبسسسس |
السلام عليكم والرحمة اهلا ومرحبا بك اختى الورديـــهـ قرأت مشكلتك وهي بسيطة جدا جدا ولا خوف منها مطلقا:17: اولا / ان حدث وحصل لي امر مشابهة لقصتك هذه تماما ولكن استعنت باخ واب ذي ثقة وتمت المشكلة على خير ثانيا / سوف اقدم لك بعض النصائح وعليك بها 1- استمري في حضره عزيزتي واياك والتحدث اليه مطلقا مطلقا 2- ان كان لا يزال يبعث او يتصل عبر الجوال فعليك ان لا تجيبي عليه مهما قال وهدد وتوعد 3- بالنسبة الى الايميل تستطيع الدخول الى الاعدادات الخاصة بك غاليتي واعتباره من الغير موثوق بهم فمهما ارسل اليك لن يصلك اي شي منه << يعني يتعب نفسه من فراغ وانت ارتاحي عوضا عن ان كل مرة يرسل لك وتبداي بالتخوف وهو يرسل وانت تجيبي 4- لما الخوف عزيزتي ما يملكه مجرد رقم جوال لا صورة ولا صوت ولا اي شي اخر مطلقا وكل فتاة يمكن ان تقع فيما وقعت انت به غاليتي الكريمة فهوني الامر عليك :d واليك بعض الطرح والعروض اختى الكريمة للتخلص منه نهائيا 1- قلت انك انتهيت من الهاتف وتبتي الى الله اذن لا خوف عليك يمكن الاتصال بشركة الاتصالات وابلاغهم بحضر اي رسائل من رقمه تصل اليك وهذا ضروري جدا جدا جدا افعليها 2- او اخبري شخصا تثقين به جدا وعلى ثقة كامله به ويفهمك جيدا ويتولى مهمة الاتصال به شخصيا 3- ان لم تكوني جريئة بما فيه الكفاية لفعل هذا استطيع غاليتي مساعدتك وساخبر اخي بالامر ان كنت لازلت تحتفظين او تعرفي رقم هاتفه او سيتصل به على اعتباره انه اخاك وسترين النتيجة .. او بامكان احد الاخوة الاخيار هنا ان يتقدم بهذا ويكف شره عنك (نرجو هذا بشدة) اخيرا ان لم تعرفي كيفية حظرة من بريدك ابلغيني وساشرح لك وان اردت مساعدتي ابعثي لي برقمه واسمه الاول فحسب واخي سيتصرف معه وابلغك بالنتيجة فانا حدث لي نفس الامر كما حدث لك والاهم من هذا كوني كالميت له :25: اتركيه يتعب يرسل يتصل يهدد وانت كالميت وصدقيني سيتعب جدا اساسا هو ضعيف وغبي وليس بمقدورة حتى ان يقول ااااااااه لذا لا تقلقي ابدا ابدا ابدا صمتك لا يعني خوفك بل ردك له كلما حاول استفزازك سيثيره جدا وسوف يستمر حتى تنصاعي له والاهم ايضا اي رسالة ان كان ما زال يرسل في الجوال لا تردي عليها لان لاحقا يمكن لشركة الاتصالات التحقيق في الامر والتحقيق معه هذا فقط فقط فقط ان استطاع اساسا فعل شي :17: وتذكر ي انا في الخدمة ارجو لك التوفيق دعواتي تصحبك غاليتي :22: |
| الساعة الآن 11:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©