|
حان وقت طلاقها .. بشروها بورقة طلاقها
السلام عليكم ورحمة الله وبركاته صباح الخير للجميع كيفكم ان شاء الله بخير انا موضوعي جدا غريب وهو انني تقدمت لخطبة احدى البنات فوافقت علي وما عندها اي مشكلة وجلست تقريبا سنة على بال ما قرب موعد الزواج علما بأنها كانت سمن على عسل معاي ولا لاحظت عليها شيء قبل الزواج بالعكس كانت تسعدني بسماع صوتها ومسجاتها جت ليلة الزواج في شهر 2 من عام 1430 فرجت بحمد لله لكن حصلت المفاجاه !!! زوجتي تغيرت من اول ليلة بالزواج واخذت تبكي المهم من بكره الوضع اخذ بالتطور وصارت ما تطيقني ابداً ويشهد علي رب السموات ما جاء مني قصور ابدا حتى ما حصل مجال نسولف مع بعض عشان تعرف وش عندي دايم منعزله لحالها اجيها اكلمها تروح لغرفه ثانيه ورفعت ضغطي وقلة أدبها علي وانا ما قصرت بشيء معها وبرضوه تحملت كل هالاشياء قلت يمكن رهبة ولا شيء من هالقبيل لكن بدون فائدة لا احد يقولي ما انت رومانسي ولا شيء :d بالعكس ما حصل مجال للرومانسية ابداً فأقولكم الوضع اخذ بالتطور سلباً جلسنا قرابة 15 يوم مع بعض ولا نتكلم الا قليل فقلنا احتمال عين او سحر وطلع ما فيها لا عين ولا سحر حسب كلام المشائخ وصبرت شهور عشان تراجع حساباتها لكن بدون اي تغير ع العموم انظروا سبب تغيرها اللي جعلني ما اتردد بتطليقها الا وهو صديقاتها المقربات كانوا مقهورين انها تزوجت واخذوا يعبون راسها وهي مسكينة ما تعرف تتصرف _ خايفه تخسرهم وبنفس الوقت ما عندها جرأه تقول مالكم خص بحياتي الزوجية المهم انها لبت رغبات صديقاتها وطلبت الطلاق انا شفت الوضع كذا قلت هذي مو كفو تصير زوجة مستقبل لي وام لعيالي اللي يغيرون رأيها البنات الحاسدات فقررت اطلقها بلا رجعة وغير مأسوف عليها وخلاصة الموضوع تأسيس البنت كان غلط في بيت اهلها وكانت مدلعه وانا ما كنت ادري عن هالاشياء ( ويا كثرهن في هالوقت الله لا يكثر هالنوع ويبعد الرجال الطيب عنهن ) لكن ربي يعوضنا يكفي انها تحمل كلمة ( طالق ) ونظرة المجتمع ما ترحم والناس ما تخلي احد في حاله انتظر ابداء وجهات نظركم ... واعذروني الموضوع الموضوع كتبته بشكل سريع والسلام عليكم واحب اضيف شيء يا اخواني المقبلين على الزواج ابتعد عن الزوجة ذات المظاهر لا تستعجل بالزواج نصيحة اخو لكم شف رغباتك وين ... ولا تسمع كلام خواتك ترى الاخوات حتى لهن نظره تختلف عن نظرتك شف لك بنت عندها استعداد تتحمل المسؤولية واسأل عن البنت قبل كل شيء من عدة نواحي واهمها/ هل هي في بيت اهلها تشتغل وتطبخ او انها تتكل على الخادمة المنزلية ( هذي نقطة مهمه ) ونشوف آراء الاخوان |
امحق عقل!
الحين عشان صديقاتها تخلت عن حياتها الزوجيه! اللي اعرفه العاده العكس يصير اغلبهن عقب الزواج يتخلن عن صديقاتها عشان رضى الزوج ماعلينا،، الله يعوضك خير ويرزقك باللي تقدر الزواج ومسؤولياته بس عندي نقطه،، اهميه شغل وطباخ البنت في بيت اهلها،، ترى الاغلب يعتمدون عالخدم هالايام بس هالشي مايمنع الوحده انها تتعلم لو بعد الزواج اللي تبا زواجها ينجح وتبا رضى زوجها بتسوي كل اللي تقدر عليه حتى لو ماكانت تعرفه قبل :25: <-- تتكل عالخدم وايد وسلامتك خيو |
وعليكم السلام اخوي الكريم عندي استفسار عن هذه النقطة اقتباس:
يعني كيف عبوا راسها ، وغيروا رأيها ؟!!!! اتفق معك ان البنت التي ما تربت وتعلمت شغل البيت في بيتها اهلها ما يرتاح لها الشاب المتقدم لكن بعض الفتيات تستحي على نفسها شوي وتبدأ تعرف الذي لها وعليها كزوجة .. وبعض الفتيات قبل الزواج ما تعرف من المطبخ إلا إسمه ،،،:d لكن بعض الزواج تتغير 180 درجة ، وتصبح زوجة اسماً على مسمى أتوقع مشكلة هذه البنت ، ان ما لها شخصية ورأي وتفكيرها ضيق، وتتأثر بكلام من حولها ، والله أعلم والله يكتب لك الخير ويعوضك بالزوجة الصالحة الودود الولود عزوبي:22: بس:d رجل:30: |
اقتباس:
ايش قصدك بالضبط بالمقتبس اعلاه .... ممكن توضيح اكثر ايش قالوا لها صديقاتها لدرجة انها تخلت عن زوج واسرة مقابل ما سمعت منهن ؟؟؟؟؟؟؟؟ حقيقة ما اقدر اجيب رأي دون توضيح هذه النقطة المهمة لانه ربما سمعت شي معين عنك مثلا جعلها تنفر وتخاف والله اعلم |
أسأل الله لك التوفيق والسداد والسعادة في الدنيا والآخرة
طيب أخوي أنا عندي استفسار أيضا هل إنت طلقتها الآن؟ وإذا ما طلقتها كيف حالها معاك الحين بعد سنة تقريبا؟ هل فيه تغير؟ هل تقوم بحقوقك وتعتني ببيتها؟ هل بينكم أطفال؟ لا تستعجل وأنا أخوك في الطلاق لأن مو دايما الخير يكون فيه (وعسى أن تكرهوا شيئا وهو خير لكم) |
اقتباس:
نصيحة مهمة جدا اتفق معك تماما بالاضافة للتاكد من اشياء اخرى قد تؤثر على الحياة المشتركة مستقبلا مثل عادات وتقاليد معينة التي تعيش عليها الفتاة والتي قد تختلف عن عادات وتقاليد الشاب المتقدم لها ... و اهتماماتها وكيف تقضي وقتها واشياء اخرى ويجب على الاخوات او الام اذا كانوا هم من سيختارون ان لا يستعجلوا ولا يكتفوا بزيارة او زيارتين للتعرف على الفتاة والحكم عليها .... |
المعذرة بس آنا عندي ملاحظة صغيرة بخصوص هذا الكلام
اقتباس:
احسك بهذا الكلام ظلمت الكثير من الفتيات ,, واولهم آنا ! لأني كنت في بيت اهلي مدللة كثيرا ً اعتمادية ولا اعمل شيء بنفسي امي ترفض دخولي للمطبخ , هي من تغسل وتطبخ وتعمل كل شيء (على فكرة الماما ما عندها شغالة) مع هذا ما تطلب منا دخول المطبخ لخوفها علينا وتزوجت وآنا ماعرف شلون اطبخ ارز وهو اتفه شيء ممكن اسويه ,, ولكن ما شاء الله لا قوة إلا بالله ,, من بداية زواجي تحمست للمطبخ وشقتي والحياة الجديدة الي دخلتها .. وبدأت اتعلم الطبخ وبدأت الطبخ في طبخات غير بسيطة وغريبة ... حتى اهلي والماما كانوا يستغربون من التغيير الي صار وجرئتي في طبخ اشياء هم ما حربوها .. كنت اسعد في تطبيق دروس الطبخ كثيرا ً .... وحتى من فرحتي احط اطباقي بهذ المنتدى الرائع وكانوا العضوات يشجعوني ولا صدقوني اذا قلت إني اول مرة اعمل هذا الطبق, حتى حصلت على وسام مبدعات المائدة (انظر اسفل اسمي) هذا الي حبيت اقوله ... لكن هذا ما يعني ان كلامك فيه نسبة كبيرة جداً من الصح ,, لأن مو كل البنات راح تكون مستعدة تدير مملكتها من بعد ما كنت مدلعه في بيت اهلها .. |
بالنسبة لصديقاتها كانوا يمازحونها بأسلوب يتبين من خلاله انهن ما يبون لها الخير عبر المكالمات او المسجات يعني بشكل اوضح يتبعن اسلوب السخرية مني كزوج ( الحسد يأكل الحسنات كما تأكل النار الحطب ) وبالسؤال عن تلك البنات اكتشفت انهن قبل ارتباطي بها كانوا مقهورات لانهن اكبر منها بالسن ولا احد تقدم لهن وهي اصغر ووفقها الله بزوج صالح ولا نزكي انفسنا ابداً انا انتظر المال يرجع واطلق ( لسه ما طلقت ) |
الاخت منت عاجبني كلامك سليم لكن انا اتكلم عن الغالبية في مجتمعنا تربيتهن غير جيدة مع الاسف واقصد في ذلك تأهيل الزوجة لخوض الحياة الزوجية وتثقيفها بكل الامور مالها وما عليها من قبل الاسرة . تصدقين يا اختي ان في احد المحافظات قبل سنة تقريبا صار 36 زواج فشل منهم 18 في اول ايام الزواج وهذي نسبة كبيرة جدا جدا وهذا يدل على ان البنت في بيت اهلها مع احترامي الشديد لهم لم يأخذوا بيدها ويوجهوها التوجيه السليم وبالتالي تتنافر الطباع ويحصل الطلاق بالتالي والله يوفقك اختي ويتمم عليك بخير |
اخوي المتهندم هي عند اهلها من بعد الزواج اي حقوق واي واجبات !! وما فيه بيننا اولاد |
| الساعة الآن 07:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©