الخطاب والسفر الى الخارج!
 

مساء/صباح الخير


كيفكم يالغالين ان شاء الله بخير معليش أحس اني كاثرة هالايام:d س حبيت نتناقش وناخذ أراء بعض بظاهرة انتشرت بالفترة الاخيرة وهي سفر الرجال للخارج يعني ألاحظ ان اكثر المتقدمين لخطبتي سواء انا اوغيري يكونون كد سافروا للخارج وهذي بنظري عيب بالرجل يعني مثلا لما يتقدم واحد تروح تشوف الجوزات وتاخذ برنت عن سفرياته تلاقي ماهو عجيب وغريب هذا مايثير الشك بذالك الرجل طبعا بعظهم يكون مسافر لدراسه أو دورات تعليمه هذا ممكن نلتمس له العذر لكن اللي بس هوس سفريات!!!!! طيب السؤال هل من حق البنت رفض رجل كد سافر للخارج واعتباره عيب فيه أولا؟؟؟؟

والله يا اختي السفر انواع .. سفر للدراسة أو العمل هذا خارج القاعدة او ماشوف فيها شي ابدا .. لكن سفر السياحة على حسب الدولة يعني شخص يسافر لدولة معينة والدولة هذي مفاسدها الظاهرة اكثر من محاسنها اكيد هذا عليه العين او يكون تحت الملاحظة في سلوكياته ,, ومن الناحية الثانية حلو الشخص يكون عنده معرفة وثقافة ويكون زار دول كثيرة هذا الشي يوسع المدارك ويهدي النفس وما ادري احس يعطي الشخص ميزة عن غيره اللي ما سافر ,, وياما ناس كثير ماسافروا وهم افسد الناس والعكس صحيح

لاتعارض بين الخطبة والسفر على اساس ان لايزيد مدة الغيبة في السفر اكثر من سنة الا اذا كان للدراسة

او العمل باتفاق الطرفين

اما الخوف من السفر للخربطة فهذا يعتمد اساسا على اخلاقية الخاطب وليس على السفر اومكانه

شبيه السيل_صقر الجنوب أشكركم على ارائكم ومروركم على صفحتي
لكن المشكله ان الرجل زي مايقولون عيبه بجيبه والله ماراح احد يدري وش يصلح بالسفر هذا اللي يخوف وأعتقد ان الدول اللي يسافرون لها الشباب معروفه

السفر الخارجي ليس مشكله

ربما سافر للدراسه أو مهمة عمل أو سياحه

هل هذا عيب ؟؟ !!

الذي فهمته من طرحك للموضوع أختي الكريمه أنك ربطتي السفر الخارجي بفعل مشين يرتكبه الشخص

صدقيني اللي يبغى الحرام واللعب والبزوطه يحصلها ببلده

والآن كل شي متوفر والله المستعان

الأهم أن يكون ذا دين وخلق

وإن شاء الله يكون مافيه دوله حول العالم ما زارها

لأن اللي يحط أمام عينه مراقبة الله تعالى لن يعصيه أينما حل وارتحل

السفر للخارج لغير عمل أو دراسة ينظر فيه من جهات:
1) إلى أي بلد يسافر؟. هل هي من البلاد المعروفة بالفساد الأخلاقي ومن عادة الشباب السفر إلى تلك البلاد من أجل الحرام.
2) من رفقته في السفر؟ هذا مهم جداً لأن الطيور على أشكالها تقع.. وقلي من تصاحب أقل لك من أنت... فمعرفة رفقته مهم جداً.

أنا استثنيت من موضوعي المسافرين للعلم والدراسة المقصود غير ذلك

من وجهة نظري اعتبره عيب

وللي رجله خفيفه وهو مامتزوج ينخاف منه