|
كيف ارجع مشاعري اللي فقدتها
السلام عليكم ورحمة الله وبركاته صباح ومساء الخير طبعاً إحنا بشر وتتغير مشاعرنا مع الوقت ويمكن طول الفترة يساهم بشكل كبير في تغير وجهة نظرنا للأشياء .. واحساسنا فيها ومشاعرنا وأنا جاية ومعي سؤال يمكن يقدر يفيدني ويجاوب علي من جرب هذا الشيء . ماادري ليش فقدت اهتمامي بالأشياء فالشيء اللي كان البارحة يهمني صار اليوم ولا شيء الشيء اللي كان قبل يسعدني اليوم عادي وجوده أو غيابه مايفرق عندي المشاكل اللي كنت اشوفها قبل كبيره اليوم نقطه في بحر .ولا تهزني ولا تضايقني كثير ويمكن هذه نقطه ايجابيه . أول كنت اهتم بالوقت ويعني لي كثير اليوم الوقت أخر همي تأخر أو تقدم عادي . قبل كنت اداري الناس العزيزه على اليوم كيفهم رضوا ولا جعلهم مارضوا عادي . وهنا أقصد اخواتي وصديقاتي واخواني .. امي رضت خلص الباقي ما أسأل فيهم . أول الحياة ااستطعم تغيرها .. اليوم حاسة العيد والمطر زي بعض .. الحر مثل البرد . قبل لما احس بالملل ادور امي أو اخواني واخواتي أو صديقاتي اسولف معهم وضيع وقت فراغي ... لكن اليوم عادي حتى لوجلست طول اليوم ما سولفت مع احد مومشكله حتى اهلي ملاحظين لأن حديث اللي كانت تجهز كل شي لوقت سواليفها . اليوم لو قالوا لي وش رايك ياحديث المطعم ولا البحر ... عادي مايفرق لو البيت بعد وين المشكلة . حماسي فقدته . سؤالي لكم وخاصة اللي مرت عليه مثل ذي الحالة . هل هذه المشاعر وقتية ؟ وبعدها ارجع مثل أول . هل الطلاق له دخل ؟ كيف ارجع حديث أول .؟ الي اللقاء :30: |
أختي حديث
مريت بهذا الشئ ، بس للأسف ماهو وقتي بالنسبة لي ،، مستمر .. يمكن من كثر ما شفنا بالحياة ، و تعلمنا .. قمنا بنينا جدار حوالين قلوبنا ؟؟؟؟ يعني بنحصن نفسنا ضد الصدمات ؟؟؟ للدرجة اللي قتلنا فيها مشاعرنا .. و الله أعلم .. لإني أنا حاليا ، مو أنا اللي قبل 3 سنوات .. و لا اللي قبل :) |
من كثر الصدماات ومن كثر ماشوفنا
خلااااص تعبنا والله كل شيء سار عاادي أجلس وحدي أجلس مع أحد عاااتي وربي حتى الطلعه من البيت ماعاد لك نفس فيهااا حتى لما تجي تسولفي مع أحد أو تضحكي تحسيهااا مو طالعه من القلب الله يسامح اللي كاان السبب اليوم لو قالوا لي وش رايك ياحديث المطعم ولا البحر ... عادي مايفرق لو البيت بعد وين المشكلة .>> عني تجيني أوقاات زي كذا ... الله يعينا وبس |
أنا أنتهز الفرص لأرفه عن نفسي بس فرص الترفيه مع الاسره قليله
أنتهز الأوقات لأجلس مع الأهل في اجتماعهم لكن بمجرد أن تصدر حركه في بداية اللقاء حتى تفسر من قبلي على كذا تفسيرر فيصبح شغف اللقاء كره وانسحاب حسبنا الله ونعم الوكيل اختي حديث حاولي ان تتاقلمي مع وضعك الحالي وتنسي مافات ولاتبرمجي نفسك على ان الوضع طبيعي انتي في داخلك تري عكس ذلك لذلك حاولي كسر هذه الكآبه وانتهاز الفرص في السرور والسعاده فلم تدم لأحد فغدا ستقولي مافيه شيء يستاهل ان حزنت عليه بالامس لذلك عيشي يومك واسعدي نفسك ومن حولك ولاتحاولي ولو دقيقه ان تقولي انا غير تمنياتي لك بحياه ملؤها التفاؤل والسعاده |
سبحان الله نفس الحاله صارت :25:عندي وما زالت وزيادة عليها لما اشوف احد يضحك والا مبسوط اقول ليش يضحكون وش الي يبسطهم وهذا ردة فعل طبيعي على اللي صار فيني من طلاق مرتين ومرض وحسبنا الله ونعم الوكيل والله يعوضني ويعوض كل محرومه :24:
|
اقتباس:
أنا الحالة هذي ملازمتني من تخرجت من الثانوي للحين ..يعني تقريبا من 3 أو 4 سنوات .... لدرجة قبل كم يوم ولدت أختي والبيت كله فرحااااان فرح مش طبيعي ( هو طبيعي بس أنا اللي أشوفه مو طبيعي ) يوم قالوا يالله نزورها قلت مايحتاج ..تطلع وتجينا .. بعدها جلست مع نفسي وقلت ياوجه إستح وش تقول عني إختي على الأقل جاملي وفعلا رحت وأنواع المجاملة ما أعتقد إنه وقتيه شوفي أنا من متى الحين بتخرج من الجامعة ــ بإذن الله ــ و لاتعدلت صحيح تخف وأحيانا تختفي بس تعود وبشدة :) اقتباس:
اقتباس:
بالتوفيق غلاتي |
وعليكم السلام ورحمة الله وبركاته ..
الموضوع يخص كثيراً النساء والمطلقات بشكل ادق .. لكن باقول رائي.. باتكلم حسب معرفتي ... الانسان يصيبه الملل في فترات لسبب تكرار السيناريو اليومي فتره طويله الروتين في ( العمل ، الجامعه ، المدرسه ، المنزل ، الاصدقاء ) مما يسبب رتابه في داخل نفسه وهالشيء يحصل للكثير من الناس في بعض الفترات .. وممكن مع ضغط اختباراتك وحرصك وبالإضافه لوضعك مع طليقك أثرت بشكل او آخر على مشاعركـ لكن مع الإجازه إن شاءالله تهدأ الاعصاب بعد عناء الدراسه وضغط الاختبارات ... سؤالي الدايم / انتي وزوجكــــــــ للان مارجعتوا لبعض !!!!!!!!! اؤكد في كتاباتي على كلمة زوجك لانه إن شاءالله ستعودين إليه .. اسال الله ان ييسر رجوعكم لبعض ويبعد عنكم كيد الكائدين |
نفس حالتي ماعاد فيه شي بهالدنيا يسعدني كل الأيام والسنين مثل بعضها ولي سنين على هالحال ولاأتوقع بيتغير شي؟
بشريني عنك ايش صارلك مع طليقك دايم هالسؤال ببالي؟ |
حبيبتي حديث هذا والله اعلم من كثر تراكم القلق والضغط وصعوبات واجهتك في حياتك في نفسك فأدى بك الى هذه المرحلة...اسأل الله العظيم رب العرش العظيم ان يهدي بالك ويصلحك امرك وينزل السكيننة والطمأنينة على قلبك ويعوضك كل خير.
|
اقتباس:
وش فيك خوفتيني اجل مو وقتي معقول اظل طول عمري كذا الحياة لاطعم ولا لون والله شفنا كثير ومن بدري من سن 19 والحياة قامت تقلب علينا الحمد لله فيه رب يعينا اسعدني تواجدك ياورده ويارب ترجعي مثل قبل 6 سنوات |
| الساعة الآن 01:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©