|
هل أكلم خطيبتي أم لا؟
مرحبا بكم يا اخواني واخواتي المشرفين والاعضاء
بدون مقدمات ,خلوني ادخل بالموضوع على طول الحمدلله والفضل لله تمت بحمد الله ملكتي ولكن تدرون العادات والتقاليد الغبيه الي منعتني انا والبنت من الشوفه قبل وبعد الملكه وطبعاً لضروف اختلاف البلدان وبعد المسافه يمكن راح يكون عائق في طريقي لكي اتواصل مع البنت او اهلها والمشكله مو هنا الحين انا ابي شوركم اذا جتني فرصه وحصلت رقم زوجتي وطلعتا عن طريق زوجة اخوي لن اخوها متزوج اخت زوجتي الكبيره وهي عايشه بالكويت الي هي اخت زوجتي واما زوجتي من اهل الرياض ادري لفيت فيكم لفه طويله^_^ فأنا ماردي اطلب رقم زوجتي من زوجة اخوي واكلمها ولا انتطر لين يوم العرس منها نشوفها ونكلمها مثل ماشارو علي بعض الناس والله محتار وقول داخل خاطر حتى لو خذت رقمها وش راح اقول وانا ماعرف عنها اي شي كيف راح يكون موقفي ارجوكم صارحوني... |
حاول ان تحصل على رقمها بأي طريقة وان تتعرفا على بعضكما قبل الزفاف لأن هذا من حقكما معقول احنا ب2010 ومازالت هذه العادات البالية موجودة!!!!!!! الله يكون في عونك بس كيف تمت الملكة من دون نظرة شرعية؟؟؟وعلى اي اساس ؟؟؟:( |
والله انا زيك عندنا عادات غريبة بس اول ماملكت مسكت اخوها ع جنب وقلت هات رقمها ههههههههههه
ماعليك لاتستحي اطلبة من اهلها امها والا ابوها والا اخوها والا خلي اختك تجيبو لك من عندهم . |
لو كنت عقدت عليها اطلب رقمها ... هذي زوجتك..
أما قبل العقد فلا |
غريب كيف تاخذ وحده وانت ماشفتها بس ماعلينا الاهم اللي هو سؤالك انك تكلمها او لا ؟شوف حاول تدبر رقمها وتكلمها ولاتقول ماعندي كلام مجرد ماتكلمها راح تكلم عليها وتسألها وتطلع السواليف الله يوفقك يارب ويتمم لك بخير
|
والله أختي زيك مملكه من فتره قصيره ولا بينها وبينه شي لاتصال ولاشوفه ولاحتى هدايا ..
على قولة الاخت الان 2010 والعادات السقيمه موجوده .. أخوي أنت حاول تكلم أختك أو قريبه لك من طرف البنت وتاخذ رقمها لانك زوجها الان ولك حق الله ييسير أمورك ويتمم لك على خيرر , |
ماقصرتزا يا اخوان وكلامكم صحيح الناس طلعت على سطح القمر وحنا للحين نزداد بتخلف والتشدد الي ما امه داعي يمكن حتا قبل عقود كانت الامور افضل من الحين ولكن جيل بعد جيل يزداد تخلف وتشدد
|
حقك . ولا حول ولا قوة الا بالله على تلك البدع البالية التي تنافي سنتنا الجميلة
وبالتوفيق اخوي |
مافي شوفه قبل الملكة ولا بعد دا مو من الدين ايش العادات الغبيه دي
خد رقمها وكلمها مبديئا اسال عن حالها وبعد كده راح تتكلمو عن حياتكم ومستقبلكم الله يعين |
فعلا عادات غريبه وما زالت موجوده واكثر اللى اعرفهم صار معهم كذا ومع ذلك مبسوطين وعايشين حياتهم
توكل على الله وحاول تاخذ رقمها وبالتوفيق |
| الساعة الآن 02:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©