|
زوجتي عند اهلها من 8 شهور ولم تفكر ترضيني
حدث خلاف بيني وبين زوجتى
بدا بصراخها في وجهي وهذه ليست اول مره بل دائما لاتتفاهم الا بالصراخ والتحدي بأني لااستطيع ان افعل لها شيئ . وتقف احيانا في وجهي وتصارخ .. وفي يوم من الأيام طفح الكيل ... فضربتها ضربا مبرحا .. فغدرت بي وابلغت الشرطة وتم سجني يوم واحد وتنازلت عني بتعهد ... ولكن حقوقي كزوج اصبحت مهانه ولم اعد افكر في ارجاعها بعد ذلك .. واتيت بزوجتي الثانية ووضعتها في بيت الزوجة الأولى بسبب زيادة مشاكل الزوجه الاولى وزياده هجرها لبيتها كثيييرا بسبب حبها لأهلها وقلت الإهتمام بي .. فتركتها في بيت اهلها معلقة ولم تطلب مني الطلاق .. وهجرتها ثمانية اشهر حتى اولادي اطلبهم كل شهر وتاتي امها بهم ولا تتكلم بشيئ وكان شيئ لم يحدث ولم تفكر بالإعتذار عما فعلت بي .. فماذا تشيرون علي ان افعل فلقد تمردت هذه الزوجه جدا جدا واهلها لايردون لها طلبا ومدلله عندهم واصبحت لاتبالي بي وتأخذتها العزة بالإثم ... لاتقولو لي بادر انت فقد سبق ان فعلت ذلك ولكن اصبحت دائما تمنني بذلك وتقول انت الذي تترجاني لكي ارجع اليك ..وانا تعبت من هذه الزوجه وعنادها وكبريائها فماذا افعل ؟؟؟... |
تم النقل إلى القسم الأنسب.. |
اخووي ليش ماتجعل وسيط بينكم ... وتشووف ليش مطنشه كل هالشهووور والله ثمانيه شهوور كثيييييير ...
يمكن لانك ضربتها ماقدررت تنسى وتخااف تكررها ... او يمكن مالها وجه بعد مادخلتك السجن ... خخخخخخخ الله يوفق بينكم ويكتب لكم الخير |
:(
ضربتها ضرب مبرح ووتبيها تجي تعتذر منك واهنتها يوم تجيب زوجتك الثانيه بيتها يااخي بلاش تكابر وتشوف نفسك صح |
معذوره مالقت الا الشرطه تاخذ حقها ومسكن الثانيه في بيتها وهاجرها 8شهور ومهمل عيالك وماتشوفهم الا بالشهر مره !! وتبيها تعتذر !!
انت اللي المفروض تعتذر عن كل شي وهي اللي تقرر !! |
يا سبحان الله اخوي ضربتها واهنتها وجبت زوجتك الثانيه وحطيتها في بيتها وتبغاها بعد هي الي تراضيك والله من صدق آخر زمن .
يا معشر الرجال ايش تفكرون الحرمه كائن يعيش ليسعدكم ويلبي طلباتكم ويشوف راحتكم وين واذا تقدرون بعد يشيلوكم فوق راسهم عشان ما تتعبون من المشي ما يقصرون بعد صح !!!وتربي العيال وتدرسهم وتشوف طلباتهم وتهتم بالبيت والطبخ والنفخ وتولع اصابعها العشره شمع واذا قصرت لو بس اشوي حرمه قليلة حيا وما تستحي طقها بالثانيه الشرع حلل لك اربع ولا ترفع صوتها واذا هاه اذا ازعلت وقالت انا اظن انه عندي اهل وعزوه اروح لهم تصير هي الغلطانه والغلط راكبها من ساسها لراسها ولازم ترجع البيت وتعتذر من سبعها الي زعلته وكدرت خاطره مع انه عنده حرمه ثانيه ومو قاصره شي بس ولو ما يصير تخليه ددددددددقلبها مليان الاخت ههههههه الكلام موجه لكل الرجال انتبهوووو ترى محد باعكم بنته ولاهن جواري عندكم اتقو الله في نسائكم وترى الحرمه عندها احساس ومشاعر اكثر منكم واذا طفح الكيل قسم بالله مستعده الوحده تخلي زوجها وعيالها في سبيل كرامتها ولا تنزل لها دمعه. |
مشالله وبوسط المعمعه هاذي مانسيت تتزوج !!!
|
كلكم غلطانين
حاول تصالحها عشان الأولاد |
ترى إلي سويته في بنت الناس مو سهل
الله في كتابه الكريم قال ( واللاتي تخافون نشوزهن فعضوهن واهجروهن في المضاجع واضربوهن ) وانت الله يهديك نطيت للضرب ومو إي ضرب خالفت توضيح الرسول صلي الله عليه وسلم للضرب (بأن يكون ضرب غير مبرح).. << وانت كما قلت فضربتها ضربا مبرحا .. وماانكر انو هي غلطت بحقك بس انت رديت لها الصاع صاعين الله يهديك يااخي العزيز زوجتك الثانيه استأجر لها بشقه بعيد عن بيت زوجتك الاولى وحاول ترجع زوجتك وعيالك وتلم شمل عائلتك الأولى ولو كان على حساب كرامتك |
اخوي
رغم اني اايد الزواج بالثانية اذا الزوجة الاولى مو راضية تحترم زوجها وتقدره لكن .. احس في تفاصيل ناقصة بقصتك .. جزء من الخطا عليك .. مسكن زوجتك الثانية ببيتها .. عالجت الخطا بخطا .. وتتوقع رجعتها ! يا ترى هل حاولت تفهم وش الي يضايقها ويخليها تصارخ بوجهك وماتحترمك ؟؟ ولو عرفت السبب هل حاولت تطبق كذا خطوة علاج .. ولا جمعت بقلبك لين جا يوم ضربتها فيه ؟؟ اتمنى ما تكون انت السبب الرئيس بمشكلتك |
| الساعة الآن 05:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©