|
للرجل... هل تغضب من اعتماد زوجتك على مالها؟
السلام عليكم ورحمة الله
مثل ماهو باين من العنوان هل تغضب اذا زوجتك اعتمدت على نفسها في الصرف على حاجاتها؟ قبل كم شهر احتجت اشتري شغله ب 3 الاف ريال .. فبدون ما اشاوره سحبت من مبلغ عندي .. وقصدي ما اكلف عليه ابداااااااااااااااااا طالما اقدر انا اتحمل الموضوع ... الحين جتني حاجه كمان ب 3 الاف .. جاني امس قال هاه من وين بتجيبين فلوس؟ قلت . عادي من عندي قال . ايه كمليها من عندك قلت ليه اكملها وش قصدك ؟ قال . قبل فتره انتي سددتي من نفسك ولا طلبتيني .. الحين كملي مشوار اعتمادك على نفسك !!!!! قلت له انت زعلان يعني ؟ ( كنت بأتجنن ساعتها ) قال لا مو زعلان .. وحده زوجها جنبها وتروح تضيق على نفسها وما تطلبه تقوم تصرف من فلوسها على حالها !!!!!!!!!!!!!!!!!!!!! قلت خلاص اذا بتزعل ماعاد استخدم المبلغ .. قال لا كملي منه ... سكتنا شوي .. قلت ما كنت ادري انك متضايق..( والله البكوه كانت قاب قوسين او ادنى.. ) شهور وساكت !!!! طالعني قال وش المطلوب يعني ؟ قلت وانا امزح .. تسدد لي .. قام يأشر على عيونه قال من عيوني..استحيت منه قلت له لالا امزح .. قال الشكوى لله !!!!!!!! قلت له في الاخير انا ماقصدي الا اخفف عنك واذا متضايق خلاص انا اسدد من عندي .. ومباشره غيرت الموضوع الحين افكر وقت ما احتاج التسديد فعلا رح اطلبه اذا دفع جزاه الله خير وهذا درس .. واذا مادفع فأنا استاهل وبرضو هذا درررررس ... لكن اخر حاجه كنت اتخيلها ان الرجل يزعل من زوجته اذا هي صرفت على نفسها من مبلغ عندها وهو قايل لها سوي فيه اللي تبين ....!!!!!!!!!!!! وش هي الحاله اللي ممكن اصرف فيها بدون مايزعل وبدون ما ارجع له؟ اسفه ع الطواله بس فعلا تلخبطت .. :( |
مشكلتي اصدق
اتوقع زوجك حابب انه يحس انك محتاجه له او يمكن على الاقل تعطيه خبر شوفي انا بشتغل ومع هيك مابصرف من مالي الا وانا مخبراه قبل يعني لو بدي اصرف لو 300 ريال اقله انا بدي اشتري هل الشي فيهم مع انه من راتبي .. فيه رجال مابيهتموا يعني اكتر يلي بعرفهم اصلا زواجهم مابعرفوا هم وين رايحين اما انا زوجي من الاول قالي خبريني بمصاريفك اوك خلص انا بخبره عادي بما انه زوجك بحب تطلبيه اول اطلبيه اول ان دفع كان بها وان ماحب قوليله عندي بدفع بالعكس احسن الك دام انك مابتشتغلي ليه انت متزوجه مش من حقك يصرف عليك خلص خليه براحته موفقه تحياتي |
مشكلتى لاعاد تحطين مواضيع متل هيك بالمنتدى ولا تقولينها لحد
حابه تستفهمى حبيبتى ابقى اكتبى موضوع عام لاتحكين شوما بيصير معك الله يرضى عليكى انتى اختى اخاف عليكى من الحسد الله اكبر الله اكبر ابو وليد بيحبك ربنا يديم عليكم السعاده ومنقهر منك لانك اتصرفتى من مالك وهو ربنا يديه الصحه عايش هو راجل يا مشكلتى رااااااااااااااااااااااااااااجل وجوزك راجل بجد يارب تفهمى بقى صباح الفل |
صباح الفل والنور والسرور والياسمين والورد الجوري و كل الورد الجميل والغالي والمسك والعود والعنبر وووو -- كل شي يهبل ويجنن في الدنيا على عيون كريستال وفتوشي
كريستال .. هو معطيني مبلغ عشان اصرف منه .. لما صرفت زعل !!!!!!!!!!!!!!! حليها ؟ فتوشي ياشيخه انا بجد احبك .. كذا من الله .. اجل لو انتي قدامي واعرفك بشكل شخصي ! يسعد لي قلبك والله ينولك اللي في بالك ويعوض عليكي بعيالك يارب ويعلي مراتبك يختي من ناحية العين انا فيني عين خلاص مناعه اما انها تجي من النت فعندي شك مو مقتنعه .. ومقتنعه برضو ( حليها بأه ) اما ليش كتبت الموضوع وماخليته عام . عشان لو احد سأل من الاعضاء اقدر ارد .. وبالعكس الموضوع مأزمني مرررررررره لأنه بجد لخبطني .. اعطيكي فلوس اصرفي منها ... واذا صرفت زعل ... ويكتم ويشيل بخاطره !!!!!!!!! مدري ازعل من مين منه والا مني ؟ احس ان الرجل ( وكذا موضوع وكذا قصه في الحياه الواقعيه مرت علي ) يحب الحرمه اللي تتعبه !!!!!!!!!!!!!!!!!!!!!!!! |
من وجهة نظري كرجل
فعلا ما عملتيه يضايق فإذا كان الرجل متكفل بكل احتياجاتك فلا داعي لهذا او على الاقل كان يجب ان تستشيرية وتستأذني منه فهو قد يستشعر أنك تقولين له ((انا لا أحتاجك ويمكنني التخلي عنك لأني قادرة على حياتي من غيرك)) هذا من وجهة نظري الخاصة طبعا. |
شارك
حتى لو هو اللي قال فلوسك اعملي فيها ما تحبين؟ الفلوس من عنده حيجي يوم تخلص بعد . ومبلغ مقطوع قاعد ينقص مايزيد. يعني لا انا مستغنيه عنه ولا ابي استغني عنه اصلا .. هذا اللي ملخبطني .. ياليت تفهمني كرجل .. لأن احس انه فهم اني مهمشته .. وهذا اخر شي افكر فيه .. يعطيني شي ويزعل اني استخدمه ؟ هذي مره مو فاهمتها |
مشكلتي .. ما الذي اشتريتيه بالضبط؟؟
ربما يعتمد الأمر على طبيعة الشيء الذي اشتريتيه .. يعني ربما زوجكِ أعطاكِ النقود وقال لكِ تصرفي فيها قاصداً الكماليات .. أما الأساسيات والضروريات فهو المتكفل بها حتى لو كان عندك مصروفكِ أو مالكِ الخاص. |
اختي مشكلتي اصدق طبعا سوف ارد رغم اني امراة وليس رجل بما اني امراة عاملة
زوجي لا يغضب ابدا ان اعتمد على نفسي في مصروفاتي ومصروفات اولاي والمشاركة في مستلزمات البيت |
مشكلتي أصدق ,, :d
حين تريدين شيء قولي لزوجك في البدايه أنك تحتاجين مالاً لكذا وكذا ,, وإذا أخبرك أنه لايستطيع وعليه مصاريف إذن قولي له سوف تدفعي من الذي معك بطريقه رومانسية وبذلك تكونين قد تجنبت أي سوء فهم يحصل لاحقا ,, |
ببساطة
ابلغية بأنك تريدين شراء الشيء وبس حسسية انك تستأذنية وتطلبي موافقته حتى لو هو من اعطاك المبلغ وكل الحرية اللازمة يعني ارضي رجولته أو غروره الرجولي ودمتم بسلامة |
| الساعة الآن 07:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©