|
للأسف خنت ربي واهلي ونفسي
السلام عليكم ورحمته وبركاته
صباح\مساء الخير أنا جديده بمشاركتي أول مرره أشارك بس متابعتكم من زمان وتقريبا أعرف أغلب الأعضاء هنا قبل ماأدخل بمشكلتي بطلب منكم طلبين أولا 00الدعاء لي بالستر والمغفره ثانيا00قولوا الحمد لله الذي عافنا مما أبتلاك به لا تستحقرونني فيوم ما كنت مثلكم أجرحوني بالكلام مو مشكله عسى الله يبدل حالي بعد كلامكم ويحيى قلبي الذي مااات أو شبه مااات أو في طريقه الى الأحتضار الله المستعان قبل كل شي والله أني من عائله محافظه سمعتها زي العسل يضرب الناس فينا بالامثال عمري مامشيت الغلط الحمدلله لا ببداية شبابي ولا بمراهقتي يمكن تكون لي بعض الهفواات البسيطه جدا فأنا بشر لست بملاك بس بالأشياء الكبيره مالي فيها وأخاف الله سابقا فيها أنا متزوجه عمري 27 وعندي أبناء الله يحفظهم لي ولايوريني فيهم مكروه بس تاركه زوجي من سنتين لأسباب خاااصه لاأستطيع ذكرها ليسى لشي بس أخاف أحد بالمنتدى من معارفي ويتعرف علي ومابي الفضيحه دام الله ستر علي بدخل بالمشكله من جيت لبيت اهلي وبسبب كثرة مشاكلي وبسبب الضغوطات اللي مريت فيها تعرفت للأسف للأسف جدا على شاب من جيراننا من بعيد وكنت أحادثه بالجوال والله كانت مكالمتنا جدا رسميه وماكان ببالي شي سوى التسليه والهروب من مشاكلي كانت مكالمتنا مافيها الا الاحترام الشديد وهو أنسان ضعيف وطيب كنت أتركه لما احس بتانيب الضمير واطلب منه تركي وعدم الأتصال بي وهو يفعل كما أريد بس لما أمر بضغوطاات ألجأ له لاني واثقه فيه وأثق أنه ماراح يسوي بي شي غلط مرت الايام وأنا مره اتركه ومره أرجعله وهكذا كنت واثقه بنفسي أنو ماراح أسوي غلط وان مكالمتنا ماراح يسير فيها شي قربنا من بعض أكثر وأكثر بالمكالمات ونسيت قول الله ولا تتبعوا خطوات الشيطان ووثقت بنفسي وااغتريت فيها بيوم أثناء حديثنا سحبنا الكلام وتكلمنا بما يسير مابين الازواج كلمه وراء كلمه وسؤال وراء سؤال الين وقعنا بالمحظور وسمع مني مايسمعه الزوج من زوجته بعدها حسبي الله ونعم الوكيل ندمت وخوف وبكيت وتبت واستغفرت ومرت الايااام ورجعت له بغرض معرفة اخباره الشيطان قالي كذا والباطن اللي بصدري عكس الظاهر تقربنا هالمره من بعض اكثر عكس المرات الاولى وأعترف لي بحبه الشديد وأغتريت بكلامه ووقعنا بالمحظور مررره ثانيه وندمت بعدها وتركته ورجعت مررره اخرى وكل ماارجعله تتطور علاقتي معاه ونتقرب من بعض أكثر واضفته عندي بالماسنجر وارسلي مقاطع أباحيه انا طلبتها منو ماكان ببالي شي كان بس مجرد فضووول لأن زوجي كان دايم يقولي انتي بارده وجاهله وكنت بشوف العالم الخارجي والناس اللي حولي بشنو يزيدون عني وشنو الشي اللي مو عندي وعند غيري وصرت أتكلم معاااه بجراه مطلقه وانزع مني الحياااء وماعاد يهمني أحد العلاقه كلها مكالمات وهو والله العظيم عمره ماشافني او شاااف جزء مني اللحين تركته من فتره وفهمته أن هالشي مايصير وهزئته وجرحته بالكلام وجرحت نفسي بس قلبي مااات مو مثل أول صح أني احس بالذنب وبالغلط بس مو حاسه أنه شي كبير وأنكسرت نفسي بعيني وصرت أشوف أني أنسانه حقيره مااستاهل شي طيب حتى عباداتي أهملت فيها مالي وجهه أطالع في لله وأحس أني منافقه لأني اتوووب واندم وأستغفر بس أرجع ولأن اهلي أحسهم ماخذين فيني مقلب يقولون هاذي العاقله اللي تخاااف ربها وماتطلع منها العيبه ويثقون فيني وللأسف ثقتهم ماهي في محلها غير كذا سابقن كنت أدخل شاتات واتكلم مع شباب في العلاقه الخاصه واثريهم بالكلام مو علشان أنا أبغى هالشي لا والله الله أعلم بنيتي كان مجرد فضول مثل ماقل سابقن بأعرف وش الناقص فيني ومو عندي وعند غيري والسبب زوجي سابقن اللحين وشلون أتوب كل مررره أتوب وأعاهد ربي أني ماارجع وارجع وهالمره والله صااادقه ماابي أرجع ولا أبي طريق الغلط وشي ثاااني ملازمني خوووف بأن الله بيبتليني بفعلتي بنفسي أو باولادي واني ماراح أشوف خير أيضا وشلون أنسى وأمحي الغلط اللي سويته من بالي وشلون أرجع ثقتي وأحترامي لنفسي000 وبس أدعولي بالستر والمغفره وأعذروني على ركاكة أسلوبي لانه خرج من قلبي من غير ترتيب لكم مباشرة وجزاكم الله كل خير |
أولا انا مو لاقيتلك أي عذر هذا أولا
ثانيآ لابد من البحث عن الأسباب والجذور التي توقعك في هذه المعاصي ومن ثم اجتنابها. ولابد من السعي للبعد عن هذه الأسباب وإغلاق الأبواب . ولكن أكثر شي حرقلي دمي هو اثارتك للشباب ..... أعوذ بالله اعوذ بالله اكبر مصيبة هي استسهال الشي اللي نقوم به وهو عظيم انتي عارفة لو انهم زنوا بعد اثارتك لهم او مارسوا أمر محرم بسبب ذلك الكلام المثير الذي تلفظتي لهم به فانك ستكتسبن اثم ذلك العمل الذي اقترفوه وكلما تذكروا ذلك الكلام الخبيث او قرأوه { فلربما حفظوه عندهم في الكمبيوتر او الجوال وتداوله فيما بينهم } فانها ستكون بمثابة سيئة جارية او ذنب جاري . شوفي كم واحد استقبل كلامك الفاحش وكم واحد ارسله لواحد ..................... وكان المصدر والاساس { انتي } كمن يحمل أوزاره و أوزاراَ من أوزاره ولو مو خايفة على سمعتك وسمعة عيالك خافي على سمعة اهلك اللي مالهم ذنب وخافي من الفضيحة ونظرة ابن جيرانكم لاهلك وهم يضرب بيهم المثل وهو عارف حقيقة بنتهم اذا لم تكوني قادرة على فعل الخير فعلى الاقل على الاقل ما تعملي الشر يعني مثل ما يقولون اكفي خيرك وشرك عن البشر ... وباعترافك كل علاقاتك انتي المبادرة فيها ... اتقي الله وقابلي عيالك . ام العيال ماتلقى وقت حتى تحك راسها لو راعت شئون عيالها 24 ساعة على اكمل وجه واخيرآ عليكي الاستكثار من الطاعة والتقرب إلى الله فإن الحسنات يذهبن السيئات |
استغفرو الله العظيم
الله يهديك ويستر عليك بس يااختي سؤااال ماشاءالله انتي مرا كبيره وعندك عياال ومتزوجه عندك وقت ماشاء الله تتكلمي مع رجال غريب وتسولفي بالجوال وتتدخلي نت وكذااا؟؟؟؟؟؟ وانتي جالسه تتكلمي مع الغريب وتقولي اللي ينقاال بين الزوج وزوجته ماخفتي ان ربي يسمعك؟؟؟؟ مثل ماقالت سعاااااد اثارتك لشباب!!!!!الله يصلحك حتى بعد ماتتركيه مجرد يتذكر كلامك ويفعل مايفعله الشباب ذنبه برقبتك!! كان استغليتي بذا الوقت بعبادة الله سبحااانه ولا بتربية عياالك تربيه صااالحه!! وبدااال ماتكلمي هذا الرجااال كااان تكلمتي مع زوجك وسويتي اللي نفسك فيه مب مع غريب!!! عموما اللي حصل حصل!! الحين اول شي تسوينه تغيرين رقم جواالك والايميل وتخاااافي من اللي خلقك لان كما تدين تدااان!! وقولي الحمدالله ان ربي ستر عليك للأن بس تأكدي لأستمريتي بتنفضحين واذا فعلا عندك وقت فاااضي اشغلي نفسك بتحفيظ ولا بشي مفيد ينفعك بدنياك واخرتك واذا انتي مررره محتااااجه ونيس ارجعي لزوجك هو ونيسك حلالك واذا صعب تروحين صومي عليك بصيااام واجلسي ادعي ان ربي يهديك ويصلح حالك بصلاتك واخيرا الحمدالله اللذي عافانا ممن ابتلاك وفضلنا على كثير من خلقه تفضيلا |
اقتباس:
الله يغفرلي ويستر علي وشكرا على ردك |
حبيبتي اسال الله لكي الهدايه يارب
نصيحتي لك غيري ايميلك وعاهدي نفسك معاد ترجعين له عشان الاشخاص اللي تكلمينهم تنسيمهم عالاخير حتى رقم جوالك وامسحي رقم ولد الجيران وتوبي توبه نصوحا .. واشغلي نفسك باي هوايه تحبينها واكثري من القراءه والرياضه واهتمي باطفالك وتثقفي بطرق التربيه الحديثه وطبقيها عليهم وبتجدين متعه في هالشي وابعدي عنك التفكير في الماضي .. واستري على نفسك لانو في حديث بما معناه واذا بليتم فاستتروا اهم شي كل ماحسيتي انك فكرتي تفكير شين اوحرام وانك راح تغلطين عاقبي نفسك باشياء ايجابيه مرغوبه في الدين مثلا تتصدقين عالفقراء واذا غلطتي بعدها عاقبي نفسك عقاب اقوى من السابق مثلا تصدقي عليهم وتابعي احوالهم دايم انا سمعت هالكلام من اطباء علم النفس وطبقته ونفع معي لاتضيقين صدرك كل انسان بغلط في الحياة اهم شي الواحد يعرف انه غلط ويدور الحل ويبدا من جديد الله يستر عليك ويهديك الا مايحبه ويرضاه |
السلام عليكم ورحمة الله وبركاته.............أختي حزنت بعدما قرأت موضوعك وسوف أسرد ماعندي وأتمنى أن تعملي به
بالبداية على مافهمت من أسلوبك انك انسانه ضعيفه جدا ولاتستطيعي التغلب على نفسك وشهواتك وهذا أمر يحتاج للدعا والاصرار بالدعاء ان ربي يقوي قلبك ويعصمك عن المعاصي وعلى مابدر لي انك بسبب زوجك السابق أصبحتي تظهرين بطولات بما كان ينتقصك فيه فاسمعي ياأختي أنا لم أكتب هذا الكلام السابق لالتمس لكي العذر أبدا لكن لاوضح لكي ماتمرين به فاعلمي أيضا أن الشباب أو الرجال بعضهم ضعيفين مثل ماتكون بعض النساء ضعيفات هذا كله من البعد عن الله والان اعززززمي على التوبه الصادقه مع الله وباب التوبه مفتوح والله غفور رحيم وشديد العقاب والحمدلله أيضا انتي ماكتبتيه من أمر محزن لكن يحتوي أنك تحملين أيضا مشاعر الخير وهذا دليل على ترددك وخوفك فانتي عززي هذا الجانب ولالالالالالالا تضعفي أمام الشيطان وانشغلي بأبنائك فهم بحاجه اليك وارفعي واستعيدي سمعتك أمام نفسك وأهلك ودعواتي لك بالثبات وأيضا أعيدها لك مره أخرى الجئي لربك وادعي لنفسك بالثبات وادحري الشيطان الرجيم |
اقتباس:
|
لالالالالالا ياحبيبتي لاتثقي بابن جيرانكم أبدا فاحذفي هذا الايميل فالشيطان يسري بابن ادم مسرى الدم
|
اقتباس:
الله يعلم اني تبت لله وأني متندمه أشد مايكون وهالشي أنعكس على نفسي وكلامك عن الصدقه بطبقه بأذن الواحد الأحد جعلها الله بميزان حسناتك |
اقتباس:
فعلا مثل ماقلتي أنا انسانه ضعيفه جدآ ومثل ماحللتي شخصيتي يشهد علي ربي أني ماكنت كذا بالعكس كنت أستحقر البنات اللي يسوون كذا واقول وين عقولهم وكنت قايمه بعبادتي على اكمل وجهه ماأزكي نفسي الله يشهد على صدق كلامي سبحان مقلب القلوب |
| الساعة الآن 01:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©