|
كيف أقنع زوجي بسفرنا ؟
إخواني أخواتي ..الكرام السلام عليكم ورحمة الله وبركاته إخواني زي مابتعرفوا إن السفر لبلاد الدنيا يفرح القلب ويزيل الهم خاصة لو كان سفر وفيه مرضاه لله عزوجل لرؤية أرض الله الواسعه والتأمل في خلق الله والتعرف على بلدان غير البلاد اللي عايشين فيها طيب ابغى مشورتكم ..أنا نفسي اسافر بالطياره لساعات طويله أو قصيره المهم نفسي ومنى عيني وبأدعي الله ليل ونهار إني أسافر لدول شرق أسيا وبالتحديد ماليزيا أو سنغافوره أو حتى الصين الشعبيه كل سنه أطلب من زوجي السفر مايرضى ..صحيح سافرت قبل كدا للأردن ..وسوريا ..وتركيا ..بس سفره كانت بالسياره ..والعام الماضي سافرت لليمن ..والكل قالي مالقيتي غيراليمن :24:..والله صحيح هي بلد ......................روعه من ناحية الجو ..وجمال الطبيعه بالذات في منطقة إ بــــــ الجو والجمال والأمطار..وفيها تغيرجو بس ماأبغى أسافر بالسياره ..نفسي أطلع بالطياره ونحن عيله كبيره أنا وزوجي وأولادي وراح تكلفنا السفره ..بس على قولهم مره في العمر ..والحمدلله مستوانا المادي ممتاز ونقدرنطلع لو له رغبه عيب زوجي أحسو إنوبخيل ومايبغى يدفع فلوس ..يعني يضرب لكل شئ حساب ودائماً يحسب كم صرف ..وكم بقي هو ماهو مقصر معانافي مستلزمات البيت وأحياناً يجيب الشئ بعد طلوع الروح لكني راضيه بنصيبي ..وصراحه بخله ماهو بس على السفر ودفع تكاليف السفر وفيه طبع وحش أناني ومايحب غير نفسه إلآحتى لو شئ غالي يعمل فيها حكايه ..مثلاً لو جيت أخذ فستان في نظره غالي 1500 يقولي حرام وإسراف وتبذير ومايصير فيضطرني إني أخذ فستان أرخص ممكن ب800 ريال والحمدلله برضي أشوفه حلو ونعمه من ربنا بالله أشيروا علي كيف ممكن أقنعه لو أبغى منه أي شئ ومابيرضى ..زوجي مخه حجر ومايقتنع بسرعه ولي كام شهر أحاول أقنعه بالسفر بالطياره ولدول إسلاميه ماهو راضي ..حتى لدول الخليج ماهو مقتنع يقولي في الصيف بتكون حر آسفه على الإطاله بس نفسي تشيروا علي الإشراف : تم تعديل العنوان ليتناسب مع المضمون |
أختي على حسب دخله المادي
لا تحملينه مالا طاقة له به .. وأعينيه على هموم الحياة ومستلزماتها |
والله يا أختي السفر بالسيارة متعة لا يعرفها إلا من فقد السيارة في السفر.....
بسيارتك راح تتنقل في كل مكان وكل ساعة وعلى حسب مزاجك... أما سفر بدون سيارة بصراااحة ما أدري اش راح يكون؟؟؟؟ عموماً هذي وجهة نظري كرجل يحب السفر عن طريق البر... أتذكر مرة سافر لليمن بالطائرة بس ساعة ونصف-أو أكثر قليلاً- إلا وأنا داخل صنعاء. لكن لما سافرت مرة أخرى مع الشباب عن طريق البر كانت متعة وخصوصاً لما ذهبنا لمدينة إب |
اقتباس:
ماشاء الله مستوانا المادي ممتاز جداً بس هو مايحب يخسر لأننا عيله تعتبر متوسطه أب وأم وستة أبناء ماشاء الله راح تكلفنا السفره أقل شئ 60 الف ريال سعودي وعشان كدا شايل فكرة السفر لبعيد ومايبغى هادي التكاليف الغاليه ..بس وربي نفسي أغيرجو بهالمناطق الله المستعان شكراً على مرورك الطيب |
سافرتي كل هذه البلدان وفي الاخير طلعتي زوجك بخيل
حسبنا الله ونعم الوكيل فيكم |
اقتباس:
حتى اليمن ماشاء الله كانت سفرتنا لها حلوه لولآ وعورة وضيق الطريق ...وغير الأولاد ماعجبتهم لأنها ماهي متطوره ..أنا وزوجي عجبنا فيها الجو خاصة في إب ..وتعز ..وصعناء متطوره شوي طيب فين ممكن نسافر بالسياره هل نكررنفس الأماكن الله المستعان |
اقتباس:
مدري ليش ضحكت من الرد وليه الحسبنه ..بخيل في دفع تذاكرسفر بالطياره لكن بالسياره مافي أي مشكله ..والله لو دول شرق آسيا يروحوها بالسياره ماعندو أي مشكله |
صراحه الطايرة رووعه احلى شي تشوفي الدنيا من فووق وغير كده راحه من جلسه السيارة حاولى تقنعى انتى واولادك اختارى وقت يكون في تخفسض على التذاكر يعنى ايام الحج وصلت سعر التذكرة 400 ريال شي خيالي يعتب وفي الاجازة 2500 فرق شاسع
لمن يطلع بالطايرة راح يبطل من السيارة الله يسهل امورك ويقنع زوجك |
ينقل الموضوع لمكانه الانسب
قسم المتزوجين |
اقتباس:
على أي حال .. خذي الامر من وجهة نظر مختلفه بتسافروا بالسياره .. اوك معلش اقبليها .. بس اكيد الفلوس اللي رح توفروها من قيمة التذاكر رح تستمتعوا فيها أكثر أثناء الرحله .. يعني فندق أفضل ... نزهات أكثر .. الخ وبعدين السياره أكثر أمانا من الطائره .. ما تشوفي كل شويه تسقط طائره |
| الساعة الآن 05:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©