ساعدوني حياتي بخطر((مستجدات الرد 12))
 

سلام الله عليكم كيفكم وحشتووووني بأختصار قبل تصحى بنتي
ابشركم ولدت وبنتي صار عمرها شهرين المهم رجعت بعد الاربعين لبيتي ولقيت زوجي متغير
يقولي كلام غريب اكرهك شكلك مو حلو جسمك متغير ما يعجبني اكلك , لبسك مو حلو المهم مو طااااايقني ابدا , وهددني بالمسدس المهم مشاكل مشاكل على اشياء تافه جدااا
قلت له جيب شيخ يقرا على البنت لانو ما تنام كويس
كل ما ااجلس مع ابوها شي يزعجها وتقوووم تصرخ زي الكبار المهم جاب شيخ كويس وقال انو البنت مافيها شي لكن زوجي قالها اللي يصير بينا فقاله عندك مس عاشق يعني في وحده تحبه بسم الله علينا وانا فكرت بالطلاق لان هذي ثاني مررررا تجيلو الحاله بعد السنه الاولى حاسه حياتي مو مستقره
وتعبت نفسيتي خاصة اني طالعه من عملية قيصريه تعبت والله وخايفه على بنتي والحين هوا يغسل بمويه زمزم وانا عند اهلي لمدة 7 ايام , احداث كثيره ما ااقدر اختصرها , علما بأني اموووت في زوجي لكن لا تلوموني نفسيتي تعبت كل يوم اسمع تهديد بالطلاق على اقل شي , بس هل سمعتو بقصه زي كدا وتعالج منها احد لانو والله تعبت تعبت تعبت وكل يوم بكاااااااااااء خاصة انو مالنا سنتين و6 شهور واغلبها تعب لكن مااانكر انو لما يكون طبيعي يكون كووويس وكمان نسيت اذكر انو طبعا كااااره الجماااع يعني صايمين ,الله المستعان بس دعواتكم افيدوني كأخت لكم بدون تجريح

أختي الفاضلة جداوية

اسال الله أن يصلح حالك كلة

أن ما يبعد المس المحافظة على الصلاة مع الجماعة وأذكار الصباح والمساء والمداومة على سورة البقرة.

وأن شاء الله خلال 3 أيام من المداوم سوف تشهدين التغيير بإذن الله

زوجك بلا شك محتاج الي طبيب نفسي شااااطر ..

وان كنت من سكان الرياض اذهبي الي الدكتور طارق الحبيب ..

فلا تعودي له الا بعد ان يتعالج و تطمئني على صحته .. فالتهديد بالسلاح امر جدا خطير و ما ينسكت

عنه ...

لا تترددي في العلاج النفسي ابدا ..

و طمنينا عن اخبارك ..

وهذا المس العاشق هو الذي جعله يرفع المسدس في وجهك؟



سبحان الله!

يعني هذه الجنية خلاص لم يعد يعجبها أحد من أهل الجن حتى تبحث عن الحب عند الإنس؟!!!!

اعذريني يا أختي .. ولكنني أشعر أن حكاية المس العاشق هذه أصبحت تُطرح بكثرة تدفع للتساؤل!!



عزيزتي..

مسألة تغير الزوج بعد ولادة زوجته ونفوره من تغير جسدها أمر شائع بين بعض الرجال .. وهذا النفور (الجنسي) قد يدفعه للنفور من أمور أخرى مثل كلامها وأكلها ومجالستها .. والسبب في رأيي هو أن هذا النوع من الرجال غير واقعي ويتوقع من زوجته أن تظل العروس باربي مهما كانت ظروفها وأحوالها .. ولا يفهم أن الأمومة والأبوة لهما ضريبة يجب أن يدفعها كل من الأم والأب على السواء.





على كل حال .. أتفق مع العزيزة أميرات .. فأياً ما كان يعانيه زوجكِ فوضعه بالتأكيد خطير مادام وصل به الأمر إلى حمل السلاح .. لذلك احملي ابنتكِ واذهبي إلى بيت أهلكِ ولا تعودي حتى يُعالَج وتتأكدي أنه ليس مصدر خطر عليكِ وعلى ابنتكِ.

شكرا لردكم
لكن زوجي يصلي ويتحصن وانا كذلك
وموضوع انو مافي مس عاشق الله اعلم
لكن انا عانيت السنه الاولى من زواجي وما دخل عليا لين اتعالج من السحر عند شيخ معروف في جده
ومن الاعراض اللي فيه وهو نايم اسمع صوت ضحكة وحده واشوف وجه يخوووف يعني لا علاقة للمرض النفسي خاصة اني متخصصه علم نفس كل ما يفعله معي انعكاس لشي يحرضه ضدي انسان او جني لا اعلم المهم هناك شي غير طبيعي في زوجي لانو لما كان يزورني في بيت اهلي كان جدااا عادي , وكمان نسيت اقولكم انا لما اكون راجعه من مشوار لبيتي احس بضيقه وبكاء شديد واحس بخووووف كأني داخله سجن
ماادري ايش الموضوع لكن بأختصار انا تعبت من عدم الاستقرار والشعور بعدم الامان
لكن صبر جميل والله المستعان

يا اختي هناك امراض نفسيه كثيره مثل الفصام و الذهان تجعل الرجل يتحدث مع نفسه و يسمع

اصوات تكلمه و تحرضه على فعل امور خطيره ..

الضيقه اللي تحسي فيها هي بسبب وضعك الغير مستقر و حزنك على زوجك ..

اذهبي انت و زوجك لطبيب نفسي و لا تتأخري انت مو خسرانه شي بذهابك للطبيب النفسي ..

اللي يقول مافيه مس عااشق مو صح

فيه مس عاااشق ولاازم زوجك اخت جداويه يداوم على الرقيه وهي في النهايه ماراح تضره ان نفعته والا مامنها ضرر

يروح لشيخ ثاني ويقراء واسال الله له الشفاءالتاام