|
كيف أتصرف وأنهي العلاقه بشكل نهائي ؟
بسم الله الرحمن الرحيم
السلام عليكم بصراحه شفت المنتدى حقكم وعجبني بالحيل وبصراااحه عندي مشكله انا عمري 20 سنه مخطوبه بس ماملكت انا ماعندي اخوات ولا احد ينصحني يمكن لما كان عمري 15 تعرفت على شخص وحبينا بعض بجنون وجلست معاه الى مادخلت الجامعه وبعدين تركته لان بصرااحه كنت اعرف صاحباتي وكانوا يشجعوني على العلاقه وماعمر احد نصحني او قال لي هذا الشئ غلط لما دخلت الجامعه وتفرقنا وبصرااحه تعرفت على بنات ماشاء الله عليهم المهم انا تاثرت فيهم كثير وعرفت باللي كنت اسويه غلط المهم اني التزمت وتركت الشخص اللي كنت اكلمه وقلت له ان عندي مشااكل ولاااقدر اكلمك ولي تقريباً سنه مطنشته ومن غبائي اعطيته صور لي وبصرااااااحه انا مرررررره خايفه لان انا اتفقت مع بنت خالتي قلت لها قولي له عندها مشااكل كثير وكل بعد فتره اتصل عليه واكذبي عليه وقولي له اني اسلم عليه وتقريباً جلسنا شهرين مايتصل على بنت خالتي وهي صارت اطنشه ماتتصل عليه المهم اليوم اتصلت عليه وقالت لقيت له اكثر من 15 مكالمه قلت له طيب كلميه عشان مايحس بشئ او يعرف اني ماابيه قالت طيب المهم اتصلت عليه وكلمته وقال لها وين الناس ماتتصلون ولا تسالون قالت بنت خالتي معليش انا عندي ظروووووووف ومشاكل مااقدر اتصل عليك قال ظروف ولا تغطين على صاحبتك طبعاً احنا مفهمينه انها صاحبتي قالت لاوالله بالعكس كل يوم تتصل عليه وتقول سلميلي عليه بس انا مااتصل تقول بعدين قلت له انا عندي ظروف ولااقدر اكلمك وقفلت بوجهه واقسم بالله اني ندمااااااااانه على كل شئ سويته ولما اتذكر اجلس ابكي كيف عصيت ربي واستمريت معاه بالحراااااام الحين ساعدوني كيف اتصرف معاه وربي دايم اصلي نص اللي واستغفر ربي وادعي انه يستر عليه ويشغله بنفسه اتمنى مافي تجريح بالكلام اللي بيجرح موضوعي يتعذره وانتظررررررركم |
محد راح يجرحك بإذن الله أنتي أخطأتِ وتبتِ والتائب من الذنب كمن لا ذنب له ... بخصوص مشكلتك والله مدري وش أقولك .. المواضيع اللي مثل هذه ما يحلها غير رجال الهيئة .. أنتي شوفي إيش أخرتها معه .. وين ودهـ يوصل بسؤاله عنك .. وإذا حسيتي إنه بدأ يهدد مالك إلا الهيئة .. أما إذا كان يصعب عليك .. غيري رقمك و أطلبي من بنت خالتك تغير رقمها .. أو تطنش مكالماته .. الله يعينك يا أختي ويستر عليك .. أكثري من الدعاء والإستغفار وجددي التوبة عسى الله يفرج همك .. |
ما هي المشكله الان ؟؟
تخافين من الفضيحه أم تعانين من الفراق ؟ |
السلام عليكم
أنصحك بمتابعة البرنامج التالي. برنامج 99 :الإبتزاز عاد إنتي ورأيك..تريدي توضعي حد لمشكلتك أو تواصلي معاه لحد ما توصلي إلى مرحلة تكونين فيها أحط منزله من برميل الزبالة..إرحمي نفسك وأهلك اللي وثقوا فيك..الله يستر http://www.youtube.com/watch?v=EKhhVAC_CY8&feature=related |
بإختصار
بنت خالتك تغير رقم جوالها و لا عاد ترد عليه ، و انتهى الموضوع أو الهيئة تتصرف معاه |
ياناس انا تبت وانا ابيه يتركني خااايفه يفضحني بااي شئ
والحمدلله مرتاحه مع خطيبي ساعدوني كيف افتك منه ابيه ينساااني واللي تقول غيري رقمك انا مفهمته ان ماعندي جوال وبنت خالتي صعب تغير رقمهاا عشان اهلها معقدين شوي |
يعني مو بس انت اللي متورطه كمان ورطتي معك بنت خالتك ..
الله يهديك بس .. وش تتوقعي انه يسوي لو عرف انك مخطوبه وانك انهيتي العلاقه معه ؟؟ |
هلا ميشو
كلمي الهيئة وهم ينسقون معاك ويوقوعنه بكمين هذا اذا انتي م نالسعودية موفقه |
اقتباس:
اجل كويس انك قايله انها صديقتك مو بنت خالك يعني لو دق عليها خليها تطنشه ولا تعطيه وجه وإذا عاد مسخها خليها ترسله (ترى صحبتي اهلها حرموها من الجامعة وهي جالسه بالبيت بسبتك ورجاء انا قطعت علاقتي فيها ولا تورطوني معاكم ترى اهلها حقين ذبح وشرف ومن هالكلام ) اما انك تكلميه وتقوليله خلاص انا تبت لربي او انخطبت صدقيني راح يثور عليك ويبدء يبتزك بصورك طنشي وشوفي كيف هو راح يطنش وينسى وصدقيني بيخاااف ويمكن يمسح الصور بعد حبيبتي الرسول صلي الله عليه وسلم قال (( أقرب ما يكون العبد من ربه وهو ساجد )) استغلي هالشي وادعي ربي بهذا الدعاء اللهم استرنا فوق الأرض وتحت الأرض ويوم العرض وبإذن الله ربي حيسترك دنيا واخره يآآآآرب درس وإن شاء الله تتعلمي منه طول حياتك لكن اتمنى من ربي انه يسترك ويسعدك في حياتك لأنو ياحرام مالقيت احد ببداية مراهقتك ينصحك ويوعيك |
| الساعة الآن 08:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©