|
مصدومه من زوجة اخوي معقول انها تخون اخوي! (مستجدات بالرد 81)
مشكلتي كبيره واحس اني في حيره ونار بقلبي ماني عارفه وش اسوي بنت اخوي عمرها 11 سنه دائما تجي في بيت اهلي وتلعب مع بنتي لان بنتي صديقتها وبعمرها المهم البنت وخواتها ترميهم امهم بشكل يومي على اهلي ولاتسأل فيهم من الصبح لليل واحيانا يناموا عند اهلي بنت اخوي جت مره زعلانه ومكتئبه ماندري وش فيها المهم لما انا رحت بيتي حصلت بنتي مو على بعضها قلت وش فيك زعلانه وماتضحكين وش مضايقك قالت ماما ابقولك سر قالته لي فلانه تقصد بنت اخوي بس امانه ماتعلمي جدتي وخلااتي وماتعلمي احد قلت قولي حبيبتي ولاتخافين قالت ان بنت اخوي تقول انها سمعت امها تكلم شخص غريب عن طريق المايك السماعات الكمبيوتر وتقول له ياحبيبي ويا عمري وانا احبك ومشكور على الهدايا وتقول ان امي تكلم رجال غريب باللاب توب وانه اهداها جوال بلاك بيري هي وخواتها البنات وتقول ان امها لما تروح اهلها تكلم هي وخواتها هالشخص اللي يهديهم هدايا ويعاكسون ويقولون كلام غرام وحب والله اني بحيره من امري وفكري مشتت وضايق صدري مره متضايقه على الطفلة بنت اخوي اللي امها فتحت عيونها على اشياء هي مغمضه عنها وضايق صدري على سوايا مرة اخوي والضيقة الكبيرة ان هذي زوجة اخوي حسيت ان اخوي مظلوم ومقهوره عليه ماني عارفه كيف اتصرف وبنتي بعد وش ذنبها تسمع مثل هالاشياء وهي طفلة صغيرة ومن قهري ليلتها ما نمت وصارحت امي بالموضوع باختصار وامي انصدمت وقالت اكلمك وقت ثاني ابفهم منك اكثر لان كان عندها ناس وللحين ماكلمتني شوروا علي وش اسوي اعذروني على كلامي ملخبط لاني ما انام زين من الهم حسيت اني بوجه المشكله وحدي |
يا أختي أهم شي التروي في مثل هالقصص خصوصاً انه مصدر المعلومة هو طفلة
و انتي بتعرفي انه هي مسألة متعلقة بالشرف و انه ممكن تنذبح زوجة أخوكي لو حصل اي خطأ في علاج المشكلة أنا ما عندي نصيحة محددة لكن أهم شي التروي و الصبر و الهدوء و عدم نشر الكلام أكثر من ذلك أرجوكِ المسألة مو صغيرة انتبهي كتير و خلي بنتك تنتبه و ما تحكي لحدا غيرك حتى تشوفي صحة الكلام من كذبه |
ان بعض الظن اثم
|
اكيد يبان من اخلاقها ولابد ويبان على بعض تصرفاتها
ان بعض الظن اثم ...... لا اعتقد في واحدة بهالغباء تكلم واحد وبنتها تسمعها من خلال سماعات الكمبيوتر المفروض رحتي لزوجة اخوك مو لامك وعرفتي منها الله يهديك ولو كانت كاذبة وتغيرت هيبان انها تخون لكن الان الله اعلم وين بينتهي الموضوع يمكن عندها عم خارج البلاد او خال طيب اخوك ما سألها من وين الجهاز اللي جاها هدية ؟ عالعموم قصة انها تجيب اولادها بيت جدهم ويبيتون عندهم هذه تصير في احسن العائلات ماهي دليل ادانة بعدين دوام اخوك من متى لمتى؟ المفروض اخوك يلاحظ غياب اولاده المستمر عن البيت او يلاحظ تقصيرها في شغل البيت طالما هي دايم مقابلة الشات عالعموم كل كلامنا الان سيكون { رجمآ بالغيب } وسنحمل اثم واحدة ونحن لا نعرف حقيقة الوضع الى ان ينكشف على حقيقته اقتباس:
حتى بنتك اللي ما تعي شي قالتلك ما تقولي لجدتي وخالاتي يعني استئمنتك على هالسر المفروض بينك وبين زوجة اخوك لكن ....... لا تعليق |
حبيبتي
لاتتدخلين بلموضوع بتاتا ولااحد يدري ان بنتهم قالت لبنتك !!!! بتكذبك وتكذب بنتك ...... وتحصل اشياء انتي بغنئ عنها!!!!!!!من زعل اخوك وزوجته ..... عندي فكره كلميها بنفسك.......! امك بتسؤي هواااااااااايل ...... او السكوت افضل. هذا وجهة نظري. اما اذا تدخلت امك فأنتي ادرئ وش راح يحصل وبتتشتت اسرتكم من هلقصه. |
اشكركم جميعا
بالنسبه للاخوات اللي قالوا اني ماصبرت وعلمت امي حطوا نفسكم مكاني وبعدين انا قلت لأمي لانها انسانه متفهمه ان شاءالله وغير متهوره انا ما رحت اقول لأخوي لو كنت قلت لأخوي معكم حق تقولون اني استعجلت والموضوع اكبر مماتتصورون هذا اخوي يا ناس وهذي زوجته وهذي بنت اخوي وهذي بنتي والله اني مصدومه وضايق صدري انا ما طرحت الموضوع الا ابغى حلول هادفه |
لاتاخذي بكلام الطفله تأكدي انتي بنفسك من ذاالموضوع وأذاثبت أن هاذاالشي صحيح لازم تجلسين مع زوجت أخيك وصارحيها وقولي لها باقول لخوي على ألي قاعد يصيرمن وراه بس هدديها بس بدون ماتتهورين وتقولين لخوك عشان البنات والله مساكين مالهم أي ذنب حاولي تحلين مشكلة زوجت أخوك بدون ماتقولين لخوك الله يسترعوراتنا
|
من ستر مسلما في الدنيا ستره الله في الدنيا والاخره
انتي استعجلتي جدا ومافكرتي برويه وحكمه ومنطق كنتي مندفعه جدا وماحسبتي العواقب صح عزيزتي اول شي كان مفروض تهاوشين بنتك وتكبرين هالامر بعينها انه ماتقوله لااحد ثاني شي تمسكين بنتها وتتكلمي معاها بصرامه انها ماتقول مثل هالخرابيط لااحد مو ممكن يكون اخوها او خالها او عمها او او او بما ان كل اخواتها يكلمونه انا قست انه كذا كيف اصلن سمحلك فكرك تظنين ظن سوء على طول!! هو الخيانه والاشياء هذي سهله للهدرجه عشان تكون اول ظن لنا حبيبتي اول شي سوي الخطوات السابقه ويوم امك تتصل وتسئلك خذي السالفه بضحك وقولي حطي اطفال ماله سنع .. مع ان قلبي يقول انك جبتي العيد بس ان شاءالله خير بعد ماتسوي هالخطوات كلها يبدأ دور التأكد! كيف تتأكدي تسئلي مرت اخوك من وين لك بلاك بيري؟ بس ترتبك انتي بتاخذين شك بنسبة 20% وبعدها ابدي ابحثي اكثر واكثر ولما تتأكدي واجهيها وانصحيها انصحك انتي بعد بالتروي وعدم الاستعجال والاندفاع |
اقتباس:
لكن طالما امك متفهمة . الموضوع الان صار بيدها |
اقتباس:
يسلم فمك . أشهد الله ان كل سطر يكتب بماء الذهب |
| الساعة الآن 08:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©