|
ماذا أفعل مع زوجي لا يحب الطلعات والأسواق
ماادري من وين ابدا بس بجد ضايق خلقي
زوجي يحبني وانا بعد احبه واموت عليه وماهو مقصر علي بشي ومرتاحه معاه والحمدالله بس عيبه الوحيد انه مايحب الطلعات والااسواق تخيلو حنا متزوجين صار لنا سنتين وماطلعنا انا وهو لوحدنا الى ثلاث مرات والباقي كلها مع اصحابه يعني اذ احد من اصحابه اتصل عليه وقال نبي نطلع بي العايله نتمشى في اي مكان ياخذني معه وبنادر نطلع معاهم واذ قلت له نبي نطلع لوحدنا نتمشى جاب له اي عذر عشان مانطلع وربي طفشت واحيانا يقول لي روحي مع اهلي ابوه وامه ماشاءالله كل اسبوع يطلعون لوحدهم كأنهم عرسان ماشاءالله :) رحت معاهم مرتين وصرت استحي اروح معاهم دائما ودي اكون مثل اي زوجين يتمشون لوحدهم حتى في الشهر مره والله راضيه بس اهم شي نطلع اغير جو وبعدين مايبغى يطلع الى مع اصحابه غيرهم لا اليوم طلعو صاحباتي يتمشون واتصلو علي عشان نروح معاهم كلمته ورفض اول مره وبعد الحاح مني وافق بس قال مانطول عندهم نروح بعد العصر ونجي بعد اذان المغرب ولما كلمتهم قالو لي هما مارح يجو الى بعد المغرب وبيسهرون هناك حاولت اقنعه ومانفع قال عندي اوراق لصاحبي ابغى اخلصها ماني فاضي كل شي يخص اصحابه يخلصها على طول ومايرتاح الى لما يسويها وانا لا والله كنت متحمسه حدي اني اروح مع صاحباتي لان وحده فيهم صار لي شهور ماشفتها احس بضيقه مايعلمها الى الله وهو يشوف اني تافه اذ شاف اني متضايقه عشان طلعات وتمشيات بس بجد مليت واموت قهر لما اجلس عند صاحباتي كل وحده تتكلم عن طلعاتهم وسهراتهم وادئما صحباتي يطلعون يتمشون كلهم وانا ماروح معاهم لان هو موب مختلط مع رجالهم ومايحب يجلس معاهم مايطلع الى مع اصحابه وانا كنت مااعرف حريم اصحابه بس بعد طلعاتنا معاهم حبيتهم كثير وتعودت عليهم بس انا بعد ابغى اطلع مع صحباتي مره وحده طلعنا معاهم وماطولنا بعد وبعدها كل مااقول خلنا نطلع معاهم يجيب لي اعذار قولو لي وش الحل معاه ؟ |
مابي احطمك بس زوجـك شكله كذا ماراح يتغير ! الا اذا بعد عن اصحـابه ولا كبر وكل واحد منهم صار له مشاغله !! يعني ماعندي حل لك ~ دايم اسمع الحريم يشتكون وماتغيروا رجالهم بالعكس يومهم ماتأقلموا صارت لهم مشاكـل تأقلمي تأقلمي وعيشي حياتك ~ ولاتقارنين احد فيك انتي مبسوطه مع زوجك ومرتاحه ~ صاحباتك يمكن تلاقين الوحده منهم تكذب اووو تطلع وتروح وطلعتهم نكد وغيره ويمكن يطلعها بس جايبلها الهم والغثا ~ خلاص وش تسـوين عيشي حياتك ~ :: |
بس احينا يجيني اكتأب من البيت ابغى اطلع اغير جو
هما يطلعون كل يوم من البيت ويغيرون جو ويشوفون العالم واذ رجع من البيت يبي يشوفني مبتسمه ومفرفشه اشلون يبيني اكون مبتسمه طول اليوم وانا متضايقه من الداخل لادراسه ولاشغل حتى عيال ماعندي كان على الأقل ضيعت وقتي معاهم |
الله يعينك يااختي...احنا هون بدنا وقت عشان نطلع لانه الزوج في هذه البلد يعمل ويخرج من الصباح ولايرجع قبل الساعة السابعة واحنا كل شي بسكررر الساعة التاسعة.......ماضل وقت للطلعة.....وفي الويكند بس بنجيب اغراض للبيت....مافي وقت للتمشاية عنجد مابنحس انه احنا بنرفه عن انفسنا....متأسفة حبيبتي يمكن فضفضتي هذه مش بمحلها...لكن موضوعك اجا عالوجع.
|
لاعادي اختي
حنا هنا نشارك هموم بعض الحياه مو كلها شغل العمر يخلص والشغل مايخلص انا وربي قاهريني بعض الرجال الي دائما يتشكون من حريمهم نكديات ومايهتمون فيهم وهما السبب في نكد الحريم ليه ماتراعون مشاعرهم هما دائما يسعون لي راحتكم ونسوي المستحيل عشان رضاكم وانتم تستخسرون فيهم حتى الطلعات معاكم |
جوجو تصـدقين !! والله انه ملل وطفش وزهق وكل شي ! ومراعيـه شعورك مررررررررررررررررره بس الشكوى لله ~ طيب اهلك قريب منك ولا لا ؟ وعندك جارات !! يعني كوني حياتك الخاصه .. وشوفيلك صديقات ادخلي دورات دامك فاضيه .. انجليزي حاسب اي شي ~ وحتى لو فيه نادي اشتركي فيه غيري جووو ! وسلامتك . |
عليكم السلام أختي الكريمة ذكرت معرض كلامك ،،،أن : اقتباس:
طيب هل ممكن تكلمي امه وتشرحي لها هذا الشيء وهي بطريقتها مع والده يكلمونه علشان تطلعون معهم وكذلك إذا كان له إخوان متزوجين يضغطون عليه ويحرجونه علشان يطلع معهم !!!! وبعد فترة شوي شوي يتغير وفيه نصيحة دائماً تقولها أم جمانه إذا كان الزوج راعي طلعات، <<<<< بس ما ني قايلها خلها تقرأ أم جمانه وتشارك هي وتعلق :d والله يسخر قلبه ويفتح بصيرته عزوبي:22: بس:d رجل :22: |
زوجي يحبني وانا بعد احبه واموت عليه وماهو مقصر علي بشي ومرتاحه معاه والحمدالله
والله يا أخيتي الكمال لله سبحانة وتعالى وماراح يكون زوجك كامل زيه زيي وزيك وزي الناس كلها...... ما فيه أحد كامل لاكن أقلمي نفسك أضل لك وزوجك تقدرين شوي شوي تغيرين فيه وإذا ماتغير أعتبري نفسك في نعمة كثير من أخواتنا هنا فاقدين أكثر من نصها... الحمد لله انك ما إشتكيتي من شي كبير. |
يُغلـــــــــق ،،،،
بنااء على طلب صااحبه الموضوع ،،،،، |
| الساعة الآن 11:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©