|
تعبت نفسياً من بنات معهدي
السلام عليكم ورحمة الله وبركاته هالمنتدى سبحان الله من أدخله ارتاح ليه ماادري وإلي يريح أكثر ردود الاعضاء جزاهم الله خير بجد تقدمو حلول حلوة ومفيدة واتمنى تفيدوني بمشكلتي صراحه عن عندي مشكلة متعبتني نفسيا واستحي اكلم اهلي فيها وبجد ضاغطه علي بشكل ماتتخيلونه ارجووكم ابغى لها حل واتمنى إلقي الحل عندكم انا من عرفت نفسي وانا من عندي صحبات الروح بروح دخلت الجامعة والحمدلله علاقتي ببعض البنات طيبة ولله الحمد بس مو ذيك الصداقة القوية تخرجت ودخلت معهد هالمعهد مدته سنة لكن وربي العظيم البنات إلي فيه كرهوني بنفسي والله صرت لما ارجع البيت كل يومي يكون تفكير بهالمعهد وبالبنات الي فيه بجد مسببلي رعب نفسي واحسب الايام متى اتخرج وافتك منهم إلي اعرفه المفروض تكون غرفة نومي مكان راحتي لا صارت بالنسبالي مكان اجلس ابكبك فيه وبالليل ماانام و أغلب ايامي اروح مواصلة ولما ارجع البيت احس اني دخلت الجنة استغفر الله الدكتورات متحيزات لأغلبية الطالبات وفي وحده من الدكتورات انتقدتني قدام الطالبات والطالبات متحيزات لصحباتهم وانا استغفر الله صايرة لوحدي ماعندي احد تخيلو هذيك المره سألت وحده منهم وبكل ادب وذوق وكان هذا ببداية السنة الدراسية تخيلو ايش سوت ؟؟ طالعت فيه هي وصحبتها والتفت وطنشو ولكأني كلمتهم طنشت انا وماصرت اكلمهم تعرفت على وحده البنات وكانت دايم معاي ووراي وتاخذني معه في كل مكان لكن اكتشفت فيما بعد انها كانت تبغاني لمصلحة وبعد ماصارت تعرفت على وحده وصارت هي وياه زي الأخوات واحسها تغيرت مع الايام صرت معاهم لكن لما يجي وقت البريك اشوفها تاخذها وتروح جت وحده جديدة للمعهد جلست معاها كم اسبوع وعرفتها على صحبتي ام المصلحه وصحبتها وصرنا صحبات لكن اشوفهم صارو يتكلمو مع بعض ولايتكلمو معاي حتى لما اتكلم محد يعطيني وجه ليه ماادري ؟ ببداية هذي السنة دخلت القاعة سلمت على الكل بس محد احترم نفسه وقام سلم علي إلا وحده احسها حست بالاحراج إلي انا فيه ! اليوم الثاني ولاوحده جت سلمت علي او جلست معاي احسهم من كذا مواقف صارت لي معاهم يحاولو ينتقصو مني في منهم كل مااجي جهتها اسلم عليها تسوي نفسها يعنني ماشفتك ولا تجي وحده تسلم على إلي تعرفهم اما انا لا اناانسانه طيبة وذوق والحمدلله ربي منعم علي بجمال ونظيفة بنفسي احس مافي سبب يخليهم ينفرو مني كذا إلي متأكده منه نوعا ما هو من بعد ماانتقدتني الدكتورة امامهم تغيرو 180 درجة ( النقد على شخصيتي ) او لان يمكن كل وحده عندها صحبات واكتفت بهم وشافو ان انا مالي داعي بس وربي انا انسانه واحس المفروض مايتعاملو معاي كذا علموني كيف اتعامل مع ناس شايفين نفسهم علشان اعدي هالترم على خير ؟؟ |
بأقول لك اللي أعرفه ، و إن شاء الله الكل يفيدك
البنات ، بتلاقي هناك شخصية ممكن نسميها ( فقاعة صابون ) أو ( بالونة منفوخة بهواء :D ) يعني داخلهم فراغ ،، و مجرد مظاهر .. و البقية ممكن تسميهم ( توابع أو مجرد ذيل ) هذه فقاعة الصابون ، تمشيهم يمين يمين .. شمال شمال .. فإنت لا تلتفتي للبنات ( التابعات ) اللي مالهم شخصية و لا لهم قيمة لذاتهم .. لإنه لابد تواجهي النوعية هذه .. و هم أصحاب المصلحة أو المصلحجيات .. نجي للفئة التانية ، اللي تنفخ نفسها عالفاضي ،، و من داخلهم فراغ .. هذولا عندهم عقدة نقص بداخلهم ،، فيكملوها أو يغطوها بوجود أصحاب المصلحجيات حولهم .. و إنت واضح إنك شخصية محترمة ،، و مالك مصلحة خاصة بك عشان تصاحبيهم .. فعلشان كذا ، بتلاقي فئة .. ما راح تعجبيهم .. فلا تلتفتي لهم .. و عموما لا تتوقعي الطالبات اللي في الجامعة ، نفس الشئ في المعهد .. أنا درست في الجامعة ،، و مرة رحت المعهد و قابلت طالبات نوعيات مختلفة .. لإنه الوحدة منهم تشوف إنها داخلة بفلوسها فخلاص تعمل ما بدا لها .. |
روح الطير يعطيك العافية على ردك
كلامك صحيح بس هم للأمانة مثقفات ويتناقشو مع الدكتورات لكن انا مو ذيك الثقافة إلي مرة ومشكلتي مااعرف اسولف وابهرج بنفسي زيهم واحسهم يحبو البنت الجريئة إلي تسولف وتناقش الدكتورات وانا مو من هالنوع احاول انقل لمعهد ثاني واكمل دراستي فيه بس احس يبغالها وقت بجد انا تعبت منهم ادعووووووولي ترى مرررره صعب ان احد يطالع فيك على اساس انك ولا شي |
انتي مركزة على الموضوع اكثر من اللازم واصرارك على ايجاد صديقة والسعي لها وانتقاد الدكتورة لك خلى صورتك مهزوزة امام بنات اصلا متكبرات
سيبك من هالموضوع وانتي لاحظي كم لك بدون صديقات يعني تقدري تعيشي فترة الدراسة بدونهم بس انتي شاغلة نفسك عالفاضي وانتقاد الدكتورة اللي مسوية نفسها متعلمة اكبر خطأ على الاطلاق ان تنتقد بنت قد بناتها امام الجميع بس العتب على الفهم خاصة لو هالشي ماراح يزيد معلومات احد او يفيد احد تاني بس الله المستعان انتقاد هالدكتورة زاد اصرارك على ايجاد صديقة عشان تعوضي الشي اللي ناقصك وعشان تكذبي نفسك انه مو ناقصك شي وان انتقادها لم يبعد البنات عنك ركزي اولا في دراستك وتفوقي في الاختبارات الاتية وخليك واثقة بنفسك ولا تسعي ابدآ لصحبة احد لما يشوفوك كده مستغنية { بقناعة } هم من سوف يسعون لكي لانك تزيدي تكبري فيهم وتعطيهم قدر اكبر منهم لما تجي تسلمي عليهم وتحبي تكوني صاحبة لهم وربنا يهدينا ويهديهم |
اقتباس:
لكن انا مو شغلي الشاغل أني أبحث عن صديقات بس انا استحي لما اجلس لوحدي وبنفس الوقت مااحب احشر نفسي مع احد وإلي يقهرني نظرتهم لي كثير تضاقني واصلا انا خلقة مو واثقه من نفسي وهم كذا يحطموني حتى لما اذاكر واشد حيلي ما اجيب ذيك الدرجات العالية عكس ايام البكالوريوس احس ان في شي تغير ايش هو بالزبط مااعرف ومشكورة عزيزتي على ردك |
اقتباس:
لا تفكري ان ترضي الغير على حساب نفسك ولا ان تبحثي عن عالم مثالي اقنعي بالموجود وارضي به وعودي نفسك عليه وتأقلمي معه حتى تمر هالسنة على خير ان شاء الله تعالى |
المشكلة فيكي انت صدقيني انت لا تقدرين امكانياتك ولا مكامن القوة في شخصيتك انت تنتقصين مما تملكينه انت ترين البنات الاخريات افضل منك في جوانب كثيرة انت تشعرين انك غير قادرة على مجارتهن ثقافيا وربما انك اقل منهن في امور كثيرة اخرى لم تتطرقي اليها لو تغيرت نظرتك لنفسك ستتغير نظرتهن اليك حينها اصلا لن يهمك مواقفهن منك وستجدي احترام الاخرين لك النابع من احترامك وتقديرك لذاتك.. |
لازم ياحبيبتي تعززين بنفسك ماقلتيه عن نفسك وهو انك محترمه وعلى قدر من الجمال والنظافه وانك تمتلكين أشياء كثيره
وشكلك حسااااااااسه مرره لا بكذا بتموتين:dخففي على نفسك شوي واللي واجهتيه هذا طبيعي الناس كل مالها للأسوأ أنا الترم الاول توظفت بمدرسه:(يااااربي ماتتصورين كيف تعاملهم تخيلي أول ماجيت عندهم ماحد يكلمني كلهم يتحاشون يكلموني ماأدري ليه وجتني حاله نفسيه وماحد معطيني وجه مسوين قروبات ومكتفين مايبغون أحد زيادة ولما اكلمهم يردون من غير نفس ولاااااااا يرمووون كلام علي أحيان أجلس أفكر أقول وش شايفين مني علشان لهدرجه مايقبلوني وحتى ماعطوني فرصه أدخل معهم واكتشف في نهاية الترم انهم اخذين عني فكره اني شايفه نفسي لان انا طريقتي مختلفه عنهم!!!!! والحمدلله عدى هالكابوس على خير وخلص الترم ههههههه معليش اخذت راحتي نجي الحين لنصيحتي لك شوفي كل مايضايقونك تذكرررري انك رايحه وتاركتهم وكلها فتره وتفارقينهم من جد تحسين بفرحه ولما تشوفين أي تصرف لا تشكين بعمرك وتحسين ان فيك نقص بالعكس أنتي انسانه رااااااااااااقيه بس هم ماقدروك وخسروا انسانه زيك ...........والله يوفقك ويسعدك ويريحك من الناس الفاشله هذي:) |
مع انه الموضوع بناتي نوعا ما ..
.. لكن عندي مداخله : فادتني كثير في حياتي بعدها ... ... شوفي نفسكـ عليهم .. يتحترموكي بكل بساطهـ .. .. شوفي نفسكـ عليهم .. يعني لماتجلسي لحالكـ اجلسي لحالك لانك انتي تبغي تجلسي لحالكـ .. مو لانك ماحصلتي احد يجلس معاكي .. .. ثانيا : ثقافتكـ ثقافتكـ ثقافتكـ دراستكـ لغة انجليزية .. لاحد يحس انكـ اقل منهـ .. .. فرصه تغيري نفسكـ للافضل .. |
طيب عندي لك حل ، بما إنهم مثل ما ذكرتي ..
1 - لا تكوني حساسة مرة ، و عادي .. روحي مرة أسألي وحدة منهم أي سؤال عن واجب تاني يوم وحدة تانية ، ثالث يوم وحدة ثالثة و الكلام راح يجر بعضه 2 - اعزمي وحدة منهم في يوم على كوب شاي أو قهوة ،، 3 - ابتسمي بثقة مو خوف هذا اللي في بالي دحين :) |
| الساعة الآن 10:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©