|
نفسيتي محطمه
بسم الله الرحمن الرحيم
السلام عليكم ورحمة الله وبركاته راح اتكلم عن نفسي انا عمري 23 سنه مشكلتي بدت من يوم كان عمري 7 سنوات توفى ابوي وتزوجت امي ومن هنا بدت مشكلتي مع زوج امي صار يستغل طفولتي من اجل اغتصابي وما كنت اخبر احد من الخوف وكان يهددني اني اذا تكلمت يخبر اهلي بالي يصير بي ومن غبائي كنت اخاف واصدق بس والله ما كنت اميز وش الي يصير بي وكان يستغل حاجتي واني يتيمه كان يجيب لي لعب وحلاو كنت اكره هالشي الي يصير بس ما كنت اميزه صدقوني اني اكتب لكم وانااابكي من القهر الي احس فيه ..مرت سنوات على هالشي ولاني قادره انساه ولما كبرت وصار عمري 14 حسيته يبي نفس الشي من اختي الي من امي وابوي ممو بنته طبعا لانه جاب من امي بس الحمد لله انها تكلمت لي وانا ساعدتها بالوقت المناسب ولا صار له الي صار لي .. بس انا محد ساعدني وطاح الفاس بالراس .. ومرت السنوات وصورته الكريهه ببالي وهو عايش واشوفه كل يوم قدامي وادعي عليه بالموت الي هدم مسقبلي ...ولما صار عمري 22 وبدو العرسان يطقون الباب وانا خاايفه وكنت ارفض وفيه واحد يقرب للعائله كان يحبني وويطلبني كذا مره بس انا ما كنت ابي اظلمه معي وكنت خايفه بنفس الوقت انه اذا خبرته بالي صار يتركني . لاني حبيته ولا كنت ابوح له لاني اقول لانفسي اني ما استحق اعيش مثل غيري احب وانحب واتزوج .. بس هو متمسك فيني وحاولت كذا مره اصده بس ظل متمسك فيني .. الين قررت ابوح له واشوف وش يسوي .. خبرته بالي صار بي وانا صغيره وكنت ابكي وخايفه من ردة الفعل .. بس ما علمته من الي عمل بي هالشي لاني مابي فضايح ومخليه حساابه هالحقير لرب العالمين ما خاب من يرجيه .. ولما علمته بالي صار تمسك بي اكثر واصر ان حنا نتزوج .. وقال لي مو ذبك الي صار والله حياتي معه الحين عمرها سنه ونص .. هو حنون وطيب وخلووق معي ويحبني ولا مره ذكرني بهالقصه ولا لمح لي .. بس المشككله فيني انا .. مو قادره اندمج مع زوجي بالجماع .. وصورة القصه للان ببالي .. واحيانا اتخيل زوجي انه هو نفس الشخص الحقير .. بس ولا مره قلت لزوجي عن هالموضوع ولا شكيته لاحد لاني مابي اذكره بهالسالفه اذا هو ناسيها صدقوني لي سنه ونص ولا حسيت بشي اسمه جماع ... تعتقدون احتاج طبيب نفسي ؟؟؟؟؟؟؟؟؟ طيب اخبر زوجي بس خاايفه اذكره ؟؟؟؟؟؟؟ وش اسوي ابي اعيش حياه طبيعيه ؟؟؟ تكفون ادعو لي ..........وادعو ربي ينتقم لي منه ؟؟ |
اسال الله ان يعينيك على تجاوز هذا المصاب الجلل ، واساله سبحانه ان يزيد ويقوي ويديم المحبة بينك وبين زوجك .
اختي : من وجهة نظري هناك خطوات لحل هذه المشكله : اولا : انت تحتاجين الى علاج معرفي وليس دوائي ، يتلخص في خطوات عمليه تزيل ماعلق في ذهنك من تلك اللقطات البغيضه . ثانيا : من نعمة الله على الانسان النسيان ، وتستطيعين الاستفادة منها من خلال قطع زيارتك والجلوس مع زوج امك ، والابتعاد عن كل مايذكرك بهذه الحادثه . ثالثا : عند الجماع لاتشغلي تفكيرك ، واجعلي همك ان تكوني مع زوجك مشاركة معه ومستمتعه ، قد تجدي صعوبة في البدايه ، ولكن مع التكرار ستنجحي ان شاء الله تعالى . رابعا : اهم خطوة للنجاح هو الالتجاء والتضرع لله سبحانه وتعالى ، فاكثري من الدعاء والطلب . اسال الله ان يفرج كرب كل مسلم ومسلمه ، وان يهدينا طريق الحق ويثبتنا عليه . |
الحمدلله على كل حاال والحمد الله ان الذي متزوجك انسان فاهم واعي ويحبك وهذا هو الاهم الاستقرار
حافظي على زوجك وعلى نفسيتك وانسي الماضي بكل مافيه لانه اصبح ماضي وانمسح بأستقرارك والتفكير اثناء العلاقة هذا اكبر غلط |
تم النقل إلى القسم الأنسب.. |
نعم أخبري زوجك ..
و لكن لي سؤال .. هل ما حدث من زوج أمك أدي لفض البكارة ؟؟؟ |
وعليكم السلام ورحمة الله أختي الفاضلة الحمد لله على النعم التي انت فيها فأنت تعيشين حياتك بأحسن صورة،،، سوى أنك تعاني من مشاعر سلبية حاضرة تجاه ما حدث لك في الصغر ،،،، مثل ما قال الأخ المستشار انت تحتاجين لعلاج معرفي على يد اخصائية نفسية،،، وكذلك من جهتك تحتاجي لأن تدعمي نفسك بكل الطرق والوسائل لتجاوز ما علق في نفسك من مشاعر سلبية جربي تطبيق الحرية النفسية أو EFT تساعدك - بإذن الله - على تحرير من هذه المشاعر السلبية، أبحثي بالنت بقوقل وستجدي متخصصين ومتخصصات يفيدوك، وممكن التواصل معهم أو منتدياتهم ،،،، ومعرفة كيف التخلص من هذه المشاعر السلبية ..... وهي من التطبيقات السهلة جداً وتطبقيها على نفسك ،، فقط اقرأي عنها ،،،،،وطبقي على تلك الصور الماضية.... والحمد لله أن الله رزقك بزوج ورجل عاقل ورزين ويخاف الله فأنظري للجانب المشرق والكبير في حياتك عزوبي:22: بس:d رجل:30: |
هل هو فض بكارتك ولالا؟
يعني لما تزوجتي .. طلع منك دم ولالا؟؟ ردة فعل زوجك ايش ..؟ وزوجك اذا سألك علميه ان اللي اغتصبك زوج امك .. بس الحين لاتفتحي السالفة دامه مايسأل عشان ماتذكرينه .. وبنسبة لانسجامك .. حاولي تحبي زوجك وتستمعي معه تثقفي .. وتفاعلي معه بالتمثيل .. شوي شوي تحبين هالشيء |
وعليكم السلام ورحمة الله وبركاته أختي في الله حفظك الله ورعاك والله حزنت اشد الحزن عليك وحسبي الله ونعم الوكيل الأخ المستشار وعزوبي لم يقصروا ماشاء الله تبارك الله ولاأضيف على كلامهم فردودهم كافية شافية يااختي الحمدلله حمداً كثيراً مباركاً طيباً أن ستر عليك ورزقك بزوج كنز قليل مثله انتي الأن تتقلبين في هذه النعمة بعد بلاء عظيم والشيطان لايحب أن يسعد أي زوجين في هذه الدنيا وهدفه أن يدخل الحزن على قلوب عباد الله وهذه مكائد الشيطان فلو لاقدر الله كنتي انحرفتي بعد فعلة هذا الحقير لكان الشيطان شجعك وزين المبررات لك وقال لك انتي ضحية زوج أمك الفاجر وزين لك طريق الحرام ووالله انها جرأة كبيرة منك عندما صارحتي زوجك بما حدث وهذا ليس بالسهل ابداً فبما انك استطعتي مصارحته فأنتي بحول الله وقوته تستطعين نسيان ماحدث لاتقولي نفسيتي محطمة بل قولي جاء الفرج بعد شدة البلاء عليك بالدعاء والاستغفار خاصة اوقات السحر ... ولا أملك الا ان ادعوا لك من كل قلبي اسأل الله أن يعينك وييسر امرك ويصلح قلبك ويبعد عنك وساوس الشيطان |
اقتباس:
|
اقتباس:
|
| الساعة الآن 08:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©