|
مشورتكم ابي اتقدم لوحدة اكبر مني بالعمر,,,
السلام عليكم ورحمة الله وبركاتة...
ياأخوان ابي مشورتكم انا ناوي اتقدم لأخت صديقي البنت ماشاء الله دين واخلاق وتربية واهلها كمان ناس محترمين ومايبغون الا الي يستر على بنتهم ماهمهم ماده وخرابيط فاضية وكل شي تمام بس المشكلة ان البنت اكبر مني بسنتين وثانيا جمال مافيه يعني اقل من عادية حسب توصيف اهلي لانهم راحو وشافوها,,, السؤال::: هل فارق العمر له تأثير بين الزوجين بحكم انها اكبر مني بسنتين؟؟؟ هل راح أتقبلها من ناحية الشكل بالمستقبل لان النظرة الشرعية عندنا مستحيييييييييييله يعني حظ ونصيب!!! على فكره البنت عمرها 25 وانا 23 تكفوووووون ارشدوني والله تعبت من التفكير وماعندي احد اقدر اشاوره غيركم الحمدلله اسخترت لاكن عادي |
اول شي من ناحية الجمال لا تفكر بنظرة المرأه للمرأه .. تختلف تمااااااااما .. عن نظرة الرجل للمرأه هذي خذها مني ولاتـدور غيرها .. بحكم تجاربنا والي سمعناه .. احيانا الأم والاخوات يشوفون العروسـه وماتعجبهم وسبحان الله تعجب الرجل ويتعلق فيها جدا ... واحيانا العكس يشوووفونها جميله وراااااائعه وجذابه والرجل مايشوف فيها ولا علامه من علامات الجمال ... الجمال شي نسبي ... يختلف من شخص لآخـر .. ثاني شي .. من ناحية العمر !!!! واذا البنت مايعيبها شي اخلاق ودين .. وانت متأكد من نفسك وواثق ان هالشي ماراح يأثر عليك !! توكل على الله .. اربعـه من خوالي متزوجين نساء اكبر منهم وكل واحد مبسوووووووووووووط مع زوجته ماشاءالله تبارك الرحمن واحنا اهلهم عمرنا ماحسينا انه في فرق بين خوالي وحريهم ~ يعني الوضع جدا عادي .. واخر شي صديقتي تزوجت ولد خالتها وهي اكبر منه بسـنه .. ومااشاءالله ربي متمم عليهم ~ توكل على الله بس تأكد انت من نفسك وشوف هل انت مستعد نفسيا وماديا للزواج ومستعد تفتح بيت .. وتستقل بنفسك وزوجتك !! اذا مستعد توكل على الله وانـا اختك ~ والله يتمم لك وبشرنا .. :: |
تدري ؟؟؟؟؟
أنا أخوي شاف زوجته قبل لا أمي تشوفها بالصدفة ، و أمي يوم راحت تخطبها له رجعت البيت متضايقة و قالت لأخواتي ( البنت تشبه الشغالة السريلانكية اللي تشتغل عند أقاربنا ) :D بس لإنها شافت أخوي طاير من الفرحة فما حبت تقول له علشان لا تتغير نظرته لعروسته و إلى اليوم أمي تشوف زوجته ( قبيحة ) و هو عاجبته :D و أمي عجبتها وحدة و ماتت عليها ، و أخوي يوم راح الشوفة ما عجبته أبداااااااااااااااااااااااااااا فلا تحكم من نظرة أخواتك و أمك أولا تاني شئ ،، فارق السن الله أعلم ؟؟؟ بس قريبتي متزوجة واحد أصغر منها بـ 3 سنوات و عايشين مع بعض ؟؟؟ |
إنت متمسك بالبنت تحديدا؟
يعني استغرب منك بالنسبة للعمر هذا شي راجعلك ناس عادي عندهم وناس لا يطالبون بأصغر لكن الغريب تقول جمالها مو مره حتى لو نظرة المرأة تختلف الأهل يعرفون ولدهم أي النوعيات تعجبه.. ركز في هذا الموضوع لا تتزوج وتجي بعدين تكتب ما حبيت زوجتي مثل واحد من الأعضاء كاتب مشكلته هنا لأن شكل زوجته مو هاضمه مو لأنها مو حلوه عموما أمر الزواج الاستخاره فيه أهم شي والتوفيق من الله نسال الله لنا ولك التوفيق |
أهم شي القناعة الحقيقية من الداخل وإنت إذا أقدمت بإذن الله ماراح تندم....
|
أخي السلام عليكم ورحمة الله وبركاته
بالنسبة للعمر أعتقد ليس فيه مشكلة ولنا في رسول الله في زواجة من السيدة خديجة سنة حسنة فهي أكبر منه سنا. لكن المشكلة في جمالها وهذا يتوقف عليك بدرجة كبيرة لأن النظر الى الجمال أمر نسبي يختلف من شخص لآخر لكني أقولها لك صادقا أطلب النظرة الشرعية لأنه من خلالها تتبين مدى التقبل النفسي لشكلها. فقد يكون جمال أحدى الأخوات ممتازا لكنه لا يعجب المتقدم أو أن الخاطب لم يرتح نفسيا لها، وقد يكون العكس لكن الخاطب مرتاح نفسيا من خلال النظرة الشرعية. ملاحظة: الأسلام جميل بتعاليمه التي تراعي الزمان والمكان لكننا نحن الذين نسيئ الى الاسلام من خلال سلوكنا وعاداتنا التي تخالف تعاليمه وبعد ذلك نأتي ونبكي ونندب حظنا لعدم التوفيق مع شريك الحياة أو شريكة الحياة. لماذا نرضى بالعادات البالية التي تؤسس لخراب البيوت والتي ليس لها أصل في الاسلام. اليس من حق من يريد الخطوبة أن ينظر الى من يريد الاقتران بها؟ اليس من حقه أن يعرف شعوره ومدى تقبله لمن ستكون شريك حياته؟ وهذه الاسئلة أيضا للمرأة!!!!!! لو كنت أريد الزواج ومنعت من حقي الشرعي للنظر لزوجتي لما تقدمت ولما تزوجت بهكذا صورة لأني لا أريد أن آتي بعد شهر أو سنة وأبكي في المنتديات نادبا حظي أريد الإنفصال ممن تزوجت لأنه ليس لدي شعور جيد أو لعدم تقبلي شكل زوجتي!!!! دعواتي لك بالموفقية لكني أتمنى منك الاصرار على النظرة الشرعية ولو بتدخل أحد المشايخ لإقناع المعارضين لها وإن كانت المعارضة من قبل اهل المرأة عليك بصرف النظر والبحث عن أخرى وعدم المجازفة لأنك قد توفق وهذا ما أتمناه ولكنك قد لا توفق وهذا ما لاأتمناه لك ولكل خاطب جديد. |
نظرة النساء للنساء غير نظرة الرجال
بالإضافة كل واحد ولديه ذوق ولكن هناك معالم جمالية ثابته مثل القوام والبنية والشعر اما الملامح فكل واحد وذوقه اما بخصوص السن ..إذا كنت انت تتصرف كرجل ناضج وعلى قد المسؤولية فلن تحس به ابدا ابدا استخر واسأل أكثر عنها أخلاقها وتصرفاتها وتوكل على الله وفقك الله للخير |
وحده من قريباتي متزوجه واحد اصغر منها بـ3 سنوات ،، وواحد من اقاربي تزوج وحده اكبر منه بعد بــ3 سنوات <<< اقسم بالله ما اكذب عليك .
وحالياً عندهم عيال ومبسوطين ومرتاحين وماعندهم اييي مشكله ، وغيرهم كثار يعني ما اشوف فيها شي يخليك تتردد . |
اناماابغى اطول عليك اذا انت حاس ان الأمر بنسبه للعمر والشكل عادي ومايهمك الجمال والسن ..اتوكل على الله مادام اخلاقهاحلوه..:22:
[rainbow]بس اذا انت شاك بتقبلك للموضوع من اي ناحيه .. لا تتهور وتظلم نفسك أولا ثم البنت حرام[/rainbow] بعدين تندم وتقول ياليتني اخذت اصغر ولا احلى حرام تجرحها..:29: وارجع صلي استخاره بعد ولله يختارلك الافضل..:17: |
مشكورين على تفاعلكم والله يكتب اللي فيه الخير
|
| الساعة الآن 08:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©