|
التدخين وتأخر الحمل
اليوم انصدمت بعد ماعشت فرحة من تاخير الدورة علي بيومين الله يكرمكم وكان عندي امل كبير اني اكون حامل هالشهر لكن الحمد الله على كل حال
حتى معاشرتي لزوجي كانت غير عشت معه بحب يختلف عن كل مرة لاني علاقتي فيه تحسنت بالايام الاخيرة وصرت احبه مثل عيوني سبحان مقلب القلوب ادعووووووووولي تكفون وربي كل ماشوف ام مع اطفالها تخنقني العبرة زوجي عنده عيال من زوجته الاولى وابي اجيب له كتكوت يتزوج حبنا نقطة ضعف زوجي الاطفال وهو جدا يموت بعياله وهذا ماخلاني اتعلق فيه اكثر وابي اجيب له نونو انا بعد تنصحوني اني اترك شى لله عشان ربي يرضى عني ؟ افيدوني باي شى الله يرزقكم ولايحررمكم الخلف الصالح |
وشلون يعني تتركين شي لله !! مافهمتك ؟. وانتي كم لك متزوجه وهل كشفتي عند اطباء او لا !! وماسبب تأخرك بالحمل ! والله يرزقك وعليك بالدعااااااااااء والأستغفار ... |
يعني شى انا اسويه ابي اتركه لله استحيت اقول بس راح اقول
التدخين كشفت الحمد الله ماعندي شى وصارلي ست شهور متزوجة بس ابغى احمل بسرعة ابي اربي عيالي العمر يجري ياخوي |
غاليتي الخلفه بيد الله سبحانه أهم شي انتي ماتفكري بهذا الموضوع لان التفكير وشد الاعصاب ماراح يفيد وهذا كلام الدكتوره ليه وحالتي مثل حالتك أسال الله العلي العظيم ان يرزقنا بالذريه الصالحه الشي الثاني ((وعسى ان تكرهوا شيئا وهو شر لكم وعسى ان تحبو شي وهو كرهاً لكم )) يمكن هذا الشي من مصلحتك ماتدرين وين الخير فيه |
من كلامك عن زوجك بموضوع اخر عرفت انه متدين وانتِ ماشاء الله تبارك الله مدخنة ثم تساليننا باحياء هل اترك التدخين لله؟؟ اسأل الله ان يهديكِ سواء السبيل |
التدخين !!!!!!!! ممكن خيره انك ماحملتي لان الجنين مايتحمل التدخين لكن توبي الى الله واساليه لكي يعطيك
|
اتركي التدخين !!!!
فهو له مضااااااااار وليس له فااااااائده واحددددددده !!!! حبيبتي اتركييييييييييييه !!! واكيد زوجك متضاااااايق من هالشيء واكيد من ريحة البيت تمسك بلاثاث وانتي بعد بعد بتكون ريحتك احيانا !!! صدقيني هو متضاايق من هالشيء وراح ينفجر بيؤم من الايام الان هو ساكت وخايف تزعلي !!! لكن اتركيه لاجل صحتك اولا ولاجل زوجك والحمل ....... وانا لي عم وجار لاهلي كلهم مصابين بلسرطان عمي تعالج بلكيماوي وجار اهلي شالوا الحنجره وركبؤا له صناعي وصار ينكلم بجهاز ... انتبهي !!! وبعدين التدخيييييين احسه مابيحسس زوجك بأنك انثئ الدلوعه !! بل بيحسس وكأنك انثئ من نوع اخرئ هلصفات لاتعجب الرجل ابدا يريد غالبا انثئ بنظره كامله . |
اقتباس:
التدخيـــــــــن !! يعني تشاورينا تتركينه ولا لا ! حبيبتي اتركيه لوجه الله عزوجل ومن ترك شيئا لله عوضه الله خيرا منه .. وغير كذا اذا تبين الذريه استغفري ليل ونهار وعن تجربه وقصص دايم نقراها واذا حابه تعرفين قصص الأستغفار اعملي بحث بقوقل وتطلع لك قصص مالها اول ولالها تالي وراح تتفاجئين من قوة هالعلاج العجيب سبحااااااااااااااااااااااان الله ~ ثانيا .. ياغلاي .. 6 شهور توووك .. يعني لاتستعجلين رزقك بيجيك .. من جد { وكآن الأنسان عجولا } سـورة الأسراء الآيه 11 لاتستعجلين على رزقك ان شاءالله ربي كاتبلك الخير وماعليك الا الأستغفار ثم الأستغفار .. ولن تندمي وسيرزقك الله من حيث لاتحتسبين ويعينك على ترك هذه المعصي ( التدخين ) .. اهم شي توكلي على الله واعزمي النيه ... وان شاءالله ربي ييسرلك الحمل .. |
التدخين اتركيه فورا هل زوجك يعرف وهومتدين
والحمل 6شهور اعتقد لسه بدري عليك بكثرة الطاعات والدعاء وترك المحرمات والزمي الاستغفار وسوف ترين النتيجة بأذن الله |
والله الي اعرفه ان التدخين يأثر على الجنين لو المرأه حامل هذا طبعاً غير مضاره على بشرتك ، يعني مع مرور السنين بتلاحظين شكلك اكبر من زوجك بكثير ، عموماً التدخين مايبيله اكثر من اسبوع تجاهدين نفسك ماتدخنين ( جربي تتخيلين القلم زقاره وتدخنين يعني تحطين القلم بفمك على اعتبار انه زقاره ، صدقيني حركه مفيده ) وبعدها وعد مني بإذن الله بترتاحين .
والله يرزقك الذريه الصالحه ان شاء الله ،،،،. |
| الساعة الآن 11:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©