|
زوجي لا يصرف علي ولا يحترمني ؟
سلام عليكم ورحمة الله وبركاته مشكلتين الاول وحده اسلوب زوجي كنا مسافرين بعد 3 شهور من زواجنا هو طول هذيك الفتره ماعطني ولا بريال انا اصرف على نفسي من فلوسي انا غير موظفه سفرت اخذت مبلغ حلو عشان اشرتي اغراض في سفر احتاج زوجي عطيته واحتاجه مره ثانيه عطيته ونسرقت فلوس عطيته كل اللي معي عطيته بطاقة حسابي حقي المهم مره ماكان معنا شي عشان نسدد فلوس الشقه قلت انا عندي فلوس في حساب ابوي بخليه يحولها لي المهم دقيت على اختي قلت حولي لي الفلوس عشان نسدد الشقه ماتتصورون ردت فعل زوجي سبني قال غبيه بقره ماتعرفين تتكلمنين واخر شي قال لي انتي قاصر "" هذي الكلمه اثرت فيني"" زعلت ساعات وبعدين رضيت انا اسلوبي شين اذا عصبت اقول له انت حيوان وانقلع عني يعني اسلوبي شين بس اذا عصبت بس احس حتى هو ماعطني الاسلوب الزين اما الثانيه انا الحين اعيشاها انا حامل في شهر ثامن زوجي سافر يدرس براء انا بشهر 6 قبل ميسافر وعدني انه يكلمني كل يوم صرت انا ادق عليه احيانا مايرد او يصرفني عندي رجال بحل وجباتي بروح اكل صرت ماادق عليه الا بعد 3 ايام نفس الحكايه يصرفني اسلوبه من حلو اقل شي ابي كلمه حلوه انسى تعبي انا احبه مره 2اني شي قال بعطيك فلوس قبل مايروح عشان اصرف علي وعلى البيبي واشتري اغراض البيبي ومواعيد وفلوس المستشفى اللي بولد فيها بس للاسف راح ماعطني شي اول اسبوع من سفر طلب من اني احول له فلوس حولت كل اللي عندي وهي الفين كنت مخليتها لين يحول لي فلوس الحين لنا شهرين من سفره ماعطني شي مابقي الا شوي ادخل التاسع انهرت قلت اهلي قالو خلاص لاتطلبين منه شي حنا بنعطيك كل شي ماتدرين عن ظروفه بس بعكس ظروف زوجي حلوه ماابيه يتعود مايصرف علينا هذا اول طفل لنا؟ ثاني شي صار يقول لي انه بيجلس سنه بعدين يجي ياخذني وهو وعدي انه يجي اذا ولدت ماادري من صدقه من كذبه عشانه يكذب كثير ابي حل كيف اتصرف مع زوجي؟؟ اسفهه او ارجع اطلب من انه يعطني فلوس او ايش تكفون ابي حل؟ او اسفه لا ادق ولا ادر عليه هو مايحترمني مايهتم فينا صار نفسيتي شينه مره كل ماكلمته يرتفع ضغطي نادر مااشوف منه اسلوب زين لا مره قهرني قلت له فلان قال ياقلب فلان بعدين ضحك قال اكيد انتي انتحرتي عشان قلت لك هذي الكلمه؟ ابي حل تكفون |
سمحيلي والله ياعمري طبيعي يعاملك هالمعامله
وزين جات على كذا مين يحصل له وحده تصرف عليه وتموت فيه كأنه هو المراه وانتي الرجال ياقلبي انتي يبغالك اعاده تأهيل في معامله الرجل والمصيبه ان جايكم في الطريق بيبي مين بيصرف عليه ومين بيربيه اذا زوجك مو حولك وحتى مصروف مثل العالم ما يعطيك لا وفوق كذا تصرفين عليه الله يعينك لعل اعضاء المنتدى يردون عليك وتستفيدي منهم اكثر مني .... |
عليك بالصبر وكسبه والاطمئنان عليه باستمرار لعله
يتحسن واكثري من الدعاء والتقرب الى الله فمن رضى الله عنه ارضى عنه الناس أكثري من الاستغفار |
ماشاءالله جاته على طبق من ذهب ! تقولين ماتبين تعودينه !! وش دعوى مامداه يتعود ؟! حبيبتي هذا تعود وتنقع وانتهى امـره ! الآن عليك تعودينه والله يعينك تغيرين نظامك معاه .. خير ان شاءالله تصرفين عليه ! مادري هو رايح على حسابه ولا عالحكومه ؟! اذا بعثه من الحكومه ترا يجيه الي كيفيه وزياااااااااااااده .. واذا على حسابه هو الي جابه لنفسه واكيد انه ماراح الا مسنع نفسه ومو محتاجك والفلوس الي اخذها منك بس نغنغه ولعب زايد ..! اطلبي حقك وخلي اهلك يكلمونه .. خير ان شاءالله !؟ والله ياهو عقله صغير ! اجل انتحرتي !! سخيف |
اكبر غلط ان تعطي المرأه زوجها فلوس على الطالعه و النازله ..
اختي كلمي اهله و قولي لهم ولدك ما يصرف علي و شوفوا لي حل انا على وجه ولاده و محتاجه فلوس ..\ واذا زوجك اتصل عليك و طلب منك فلوس لا تعطيييييييييييييييييييييييييييييه ابد وقولي له انا ما عندي و انت رجال تقدر تصرف نفسك .. يا اختي حتى لو كان عندك فلوس قولي له لو كان عندي كان من عيوني روح استلف من احد معارفك او اهلك خليك ذكيه و مراوغه و هو راح يفهمها بنفسه انك لا تريدي ان تعطيه .. اذا كان هو ما يستحي و يطلب انت ليش تستحين تقولين لا ؟؟؟!!!!! |
و هو شلون يرضى ياخذ من زوجته ؟!
المره لا عطت تمن على الطالع والنازل صدقيني كونه يطلبك يعني عقله صغير يعني لابد تفهمين ان يبيله وقت حتى يصير تكانه و الى ذاك الوقت الله يعينك عليه |
الله يعافيكم على الردود المهم انتهى الامر قلت لزم الزوجة تساعد زوجها اما نحيت اهله ماابي ادخل اهله في مشكلنا انا اللي اطلبه منكم كيف اتعامل معه في الفتره الاخيره قليت ادبي عليك؟؟ ماالوم نفسي يقهرني ادق يصرفني كثير مايصرفني بصراحه مايفرح اذا دقيت عليه اسفههه ماادق عليه ولا ارد اذا دق علي لين اولد؟ والا ايش اسوي بصراحه ماعندي حل انا انسانه شخصيتي ضعيفه مليت انا اطلب منه ابي بس حل ؟ |
اختي المسأله اكبر من ان تسألي ادق عليه او اتركه هو يدق علي ..
المسأله تحتاج الي جلسة حوار و مصارحه في مسأله انه يصرف عليك و على ابنه القادم فهذا حق من حقوقك لماذا يتهرب زوجك من واجباته الشرعيه و هي النفقه .. لازم تفاتحيه في الموضوع او اجعلي احد من اهلك او اهله يتصرف .. |
ماهذا يا اختي ستجنين على طفلك كثيرا بس معاملتك هذه لزوجك بس سيكون طفلك كاليتيم الذي لن يصرف عليه احد إلا أنتي وانتي فقط اذهبي الى حيث زوجك طبعا بعد الولادة لاتبقي عند اهلك ... ولا تتصلي عليه هو من يتصل عليك ، أنتي لماذا تتصلين وهو لا يتصل ؟ وقولي له سالد بالمستشفى اريد مالا وملابس للطفل يجب ان يعطيك مالا واذا لم يفعل قولي له أنك ستطلبين من جد طفلك ( الذي هو ابو زوجك ) أن يعطي حفيده مالا لولادته لاتجعلي اهلك يصرفون على ابناءك .. احذري احذري احذري ومصروف الولادة والطفل اذا لم يعطيها زوجك فأهل زوجك ، لأن اذا اهل زوجك تكفلوا بمصاريف طفلك الاول فزوجك يتكفل بمصاريف الثاني ، ولكن اذا انتي تكفلتي بمصاريف ابنك الأول فكل ابناءك ستصرفين عليهم في كل شؤون حياتهم وستعجزين وسيذوقون الأمرين بسببك ، أنتي التي عودتي ابوهم على هذا الامر المشين وزوجك رجل لا يستحي حقيقة ... يجب ان تصنعي حواجز بينك وبينه ، وتجعليه يستحي ان يطلب منك ريالاً .. غيري شخصيتك معه هو فهمك جيدا بدليل انه قال انتحرتي ،، واجعليه يشعر انه مسؤول عنكما انتي وابنك لا أنتي المسؤولة عنه وعن ابنه . |
اقتباس:
الجواب لا تتصلي عليه مطلقا واذا دق ردي عليه بمنتهى الادب والكياسة ( وشيء من الرسمية ) كأنه غريب عنك قليلاً ,, ( يعني لا تمونين وتجعلينه يمون ويقل ادبه ) وفي نص المكالمة قولي متى راح ترسل فلوس الطفل لأني ساذهب للسوق هذا الاسبوع تصرفي على أنه سيعطيك ( لا تقولين هل ستعطيني او لا ) اذا تجرا وقال لن ارسل او شي قولي ليش ؟ اذا قال انتي اصرفي ... قولي شدعوة من ابوهم ؟ . وقولي مو مشكلة أذا ماقدرت ماراح أضغط عليك لكن احب اخبرك اني ساكلم والدك ليعطيني مال لأنه مو معقول أن أجعل طفلنا عريان وجايع ( تصرفي على أنه من سابع المستحيل أن تصرفي على ابنك ريال واحد ) اذا استنكر عليك هذا الفعل ووصفك بالوحشيبة ، استنكري عليه فعله وكلمي اهله وخوذي من عندهم ما يكفي لنفقة حفيدهم . هذا هو الحل السليم جدا .,... تقولين مااريد ادخل اهله ... وانا اقول لك لا تدخلين اهلك .. ابناءك ينتسبون الى زوجك وأهله والذي من حقوقهم الصرف على ابناءهم أما أهلك فلا علاقة لهم .... فعلك هذا سيجني على أطفالك الكثير خاصة حينما يكبرون ويكثرون ... ستعجزين عن الصرف عليهم وبعدها لن يقوم والدهم بالصرف عليهم بعد كل هذه السنين ولن تستطيعي تدارك الامر إني لك من الناصحين ... |
| الساعة الآن 03:55 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©