|
مقبل على الزواج وأحتاج نصائحكم
بسم الله الرحمن الرحيم السلام عليكم ورحمة الله وبركاته : انا يا أخوان ابغى منكم النصيحه والتوجية حيث ان زواجي:14: بأن الله سيقام بعد ثلاثة شهور:23: وانا بصراحه مدري وش الطبخه خصوصاً اني اول واحد من العايلة كاملة يتزوج:17: لاني أكبر واحد من اخواني:11: وماأحد قد تزوج قبل واعرفه وامون عليه يعني يصير عندي خبره من خلاله:28: فأنا ابغى منكم النصيحه والتوجيه من قبل ليلة الزواج إلى ليلة الدخلة وما بعدها الحاجات اللي ابي اسأل عنها : الملابس تفصيل ثوب العرس والبشت العطورات كيفية الاهتمام بالنفس من حيث النظافة الداخلية:26:(الحمد لله نظيفين لا تحسبوني وسخ هههه:d لكن ايام العزوبية غير عن الايام هي ) وغيره وش اسوي في هذي الايام :25: وغيره يمكن حاجات انا ما تطرقت لها او اني ما اعرفها اصلاً ابي ردودكم ونصايحكم واكيد قبل هذا وذاك دعائكم الله يوفقنا واياكم ويسر امونا واموركم يارب تم تعديل العنوان ليتضح المضمون / الأشرف |
السلام عليكم
أولا الف مبروك واسأل الله لكما التوفيق والذرية الصالحة. ندخل سيدا بالموضوع: أغراض لابد من شرائها - مجموعة للعناية بالجسم(شامبو-مزيل رائحة-كريم-الخ) تلقاها عند زهور الريف ونكتار شخصيا اتعامل مع زهور الريف وخاصة مجموعة الشاي الأخضر :) - ملابس داخلية جديدة (حقت العزوبية الله لايهينك ودها للزبالة) - الثياب والجزمة والعطورات هذه على ذوقك لأنه صعب احد يفتي لك فيها - البشت لاتشتريه خساير على فاضي وغير كذا غالي فخذ من الوالد او احد تعرفه والظاهر ان فيه استئجار. - اطمر للصيدلية إذا قرب العرس وخذلك مزلق(لا تسألني وشو هو الصيدلي راح يشرح لك:)) - جهزلك لستة للمطاعم الزينة(اسأل الناس اللي حولك عنها) لأن اول اسبوعين وأحيانا اكثر مافيه اكل الا من مطاعم الا اذا كنت تبي تكرف المعزبة بدري:) - السفرة هذه تعتمد على رغبتك ووجهتك لكن بشكل عام ضبط حوجزاتك مبكر حتى لايطيح وجهك عند المعزبة من بدايتها. أمور مهمة أثناء فترة الملكة: - تناقش مع المعزبة حول الحمل فإذا كنتم مستعجلين يعني على طول فما عندك مشكلة ام لو بتأجلونه شوي يعني سنة او ست شهور فلا زم تحدد طريقة لمنع الحمل فهناك الحبوب للمرأة وهنا لازم تعلم زوجك على شان تبدأ بإستخدامه قبل العرس اما لو بتستخدم طريقة العزل فإحتياطا جب من الصيدلية كوندوم (ماتعرفه؟! اذا رحت البيت وفتحت العلبة عرفت وشو هو) لكن تنبه طريقة العزل ماتصلح الا مع المرأة اللي دورتها منتظمة فقط فتأكد من المعزبة،فإذا كانت غير منتظمة فمالكم الا طريقة الحبوب. - استغل فترة الملكة بأفضل طريقة وذلك بالكلام الحلو والهدايا(الهدية بمعناها وليس قيمتها فلا تكلف نفسك الكثير)،بين كل زيارة جبلها ورد مثلا،والخ.. - أنس فكرتك عن المرأة واللي أخذتها من علاقتك بمحارمك فالزوجة شيئ ثاني،يعني حاسب على كلماتك فلا تعايرها من باب المزح مثلا لأن المرأة قد تأخذه من باب الدعابة فيما لوصدر من اخوانها ولكن من زوجها ستعتبره شئ حقيقي. - خلال الملكة ابعد عن المبالغات الزايدة وخلك صريح طبعا في حدود ماتجرح مشاعرها وشجعها على نفس الشئ والهدف ان تتعرفا على طبائع بعضكما بشكل افضل مما يسهل لكم الحياة عند بدايتها. -اخيرا الكلام كثير ولكن تابع المنتدى فستجد فيه مايفيدك بإذن الله. بغيت انسى! بخصوص الأمور المتعلقة بالعلاقة صدقني لاتحتاج لمن يدرسك ولاداعي للخوف من ليلة الدخلة فغدا ستكون استاذا فيها لأنها فطرة الخالق سبحانه. |
طبعا من ناحيتي ابتفلفس عليك انا وزوجي وهو بينصحك الان ....
الشماغ او الغتره والطاقيه خذ لك كم وحده... والعقال...بيوم الزوووووواج ...وهذا الاهم انسئ اي شماغ اوغتره قديمه معك تأأخذها ليوم الزوووواج لان الجديد يبان... والثوب عن زوجي يقول لازم تجهزها قبل الزوووواج بفتره افضل وحدد انت كم تحتاج ثوب ....  والكبك لاتنساه بيوم الزوووواج ...يخليك انيق والساعه بيوم الزوووووواج..... والجزمه ..اكرمكم الله ...افضل لك الاسود للاناقه والشخصيه.. ولا تنسئ الشراريب... خذ لك للجزمه درزن ... والسبورات بعد... نبدء بالاشياء للي تحتاجها بعدين..... نبدء بالأشياء الاستخدام الشخصي...ا الشامبو ومعطرات الجسم الرجاليه.. خذ لك من نكتار او اذا تبي بسعر معليه حلو وريحته بعضها تجنن روح هيبرا بنده وشوف للي يعجبك..ومن نكتار في مثلا بالشاي الاخضر وفي بالفانيلا ووو.......الخ ...خذ الي يعجبك لكن خصص 500ريال هذا اذا اخذت مثلا مثل هلطقم واذا تبي تنوع نوع من اي شيء تبيه,, وامواس للحلاقه خذ درزن ... صابون للجسم خذ لك تكفيك لشهر 3 او 4... http://eshop.ambroweb.com/images/product/LUX.bmp اذا تبي طقم ارواب للحمام...يعني اذا استحميت تلبسه...تلقاه بأي مجمع كبير قمصان رجاليه وهذا المهم خذ لك الي تبي.. مقص اظافر والمشط للشعر معجون اسنان وفرشاه وعلبه للمضمه لرائحة الفم او خذ لرئحة الفم اي نوع سئ شراب او مص انت اسأل الصيدلي.. هدية العروس يابليلة الزووواج او الصباحيه انت اختار الوقت... والاهم ثم الاهم زوجي يقول لاتنسى ليلة الزووووووواج تحدد قبلها بشهر جناح او غرفه بفندق للحجز لان ماراح تلقئ الا شيء يفشل قبل الزووووووواج بأأيام.. والمنشفه لاتنساها... والليفه ثم الليفه وزوجي يفضل هلنوع ليفه مغربيه... ومعطر للسياره ...لاتنسى تعطر السياره قبل ماتدخل العروس.. وانا ابعطيك صوره لها وماادري هلنوع حلو او لا... http://www.al-jazirah.com.sa/cars/28022007/22.jpg ولا تنسى بعد بندول ..يمكن الله لايقدر تتعب او زوجتك بشهر العسل بدل ماتطوف للصيدليه روح للشنطه.. وشنطة السفر خذ لك من هلانواع الي تسحبها اسهل وخذ كبيييييييره ... مريحه لك كثييييييير... وبعد ماانسى ونسيت هالشيء مهم ..المسبحه.. ولا انسى تأأخذ لك كرتون مناديل ...واحد تحطه بشنطة السفر يمكن تحتاج له او شيء وباقي الدرزن بلسيااااااااااره... والنصيحه مهمه تأأخذ لك عدة عطور بالنهاروللطلعه وانت وذوقك... وبليل او قرب النوم اما معطرات هادئه من زهور الريف او نكتار ..لاتأأخذ من عطور الطلعه بيصدع راسك انت وزوجتك انتبهه!! والاهم ثم الاهم ثم الاهم زوجي من اليوم قال لي لاتنسين تكتبين بعد لاينسى القراااااااااااااااااااااااااااااااااااااااااان ...يحتاجه للقراءةكل يوم جمعةاو اي وقت... واما عن ليلة الدخله ففي كتاب تحمله من النت اكتب بمحرك قوقل... كتاب كل شيء عن ليلة الدخله ...مختصر مفيد ...الي يقراه يرتااااح وبلاخص العروس انصح زوجتك بقراته... وانت بعد اقرء وابحث سوف تجد الي يريحك ... تحياتي للجميع.. معليش صبحنا انا وزوجي عليك وخسرناك ....الله يعينك ... لكن كنت امر فشفت موضوع فقال زوجي اكتبي له ...حمسني بصراحه ... بالتوفيق. يمنع وضع روابط خارجية / الأشراف |
اكتب كل شيء بؤرقه
سؤئ الاشياء الي من ردي اؤ رد اي احد من الاعضاء وخذ الناسب والي بنظرك تحتاجه ... والي تأأخذه اشطب عليه ... انت ذكرتني زوجي كان اول ؤاحد يتزوج من عائلتهم لكنه سئل زملائه وعطوه ... ولا تنسئ الحلاق بنفس اليؤم احجز عنده ...هذا اذا في حجز منها يسؤي حلاقه واشياء 2.....الخ ... تروش قبل روحتك للقصر ولا تنسئ الصابون للجسم لللنظافه وغير.... وعطر السياره قبل دخول العروس.. الجوال بأأول ليله تقفله وبوقت النوم بعد لاجل محد يزعجكم ...حبيت افيدك اكثر وهي بعد تسكر جوالها وهاذي عادة العرسان اصلن لكن حبيت انبهك .. الصبح تقوم بدري انسئ العزوبيه .... امدح لبسها لاتقؤل ماعجبني لبسك ...! ولا تغسل السياره الا بنفس اليؤم خل واحد من اخوانك يؤديها ...! لانك انت مشغول عند الحلاق... ولا ترهق نفسك بيؤم الزووووووواج ...! اتمنئ ماتنسئ هالنصايح. |
علئ فكره بلنسبه لقمصان النوم
لاتظن انها ثوب لا تكون علئ شكل بجامه نوم مثل حقت السؤاريه بلمسلسلات وتكون اغلبها مخططه ... خذ لك 3 او 4 علئ الي يكفيك .. حبيت اوضح اكثر . |
مكانه الأنسب /الأشراف
|
الله يبارك لك أخوي ما دامك سعيت للخطبة والزواج فالحمد لله وما قصروا الأخوة والأخوات في نصائحهم لا تنسى تمر على هالموضوع http://www.66n.com/forums/showthread.php?t=199223 علشان يمديك تسوي بروفات قبل الزواج ،،،،،،،،،،،،، هع هع :23: بارك الله لك وبارك عليك وجمع بينكما على خير عزوبي:22: بس:d رجل:30: |
نصيحة أخوية:
كن صبورا على زوجتك..واستمع لها و اعطها اهتمامك تكسبها, ولا تتعالى و تغتر عليها , لا تكن خشنا و صلفا فتكسر و تمل منك و لاتكن لينا بشكل مبالغ فيه فتعافك, امزح معها بطريقة غير جارحة و كن كريما عليها سواءا بعواطفك او بالمادة حسب مقدرتك. هذه نصائحي في طريقة تعاملك أما فيما يخص تجهيزات العرس فالأعضاء لم يقصروا... وفقكم الله و جمع بينكم على الخير |
بارك الله لك وبارك عليك وجمع بينكما على خير
|
وعليــــكم السلآم وآلرحمــه..~
مآشآءآلله .. بــآرك آلله لكمآ" وبــآرك عليكـمآ" ويجمع بينــكم بخير :) آلأخوآن مآقصـروآ.~ عقبــآل للجميــع |
| الساعة الآن 11:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©