|
زوجي قال لي أكرهك ولم يعتذر كيف أتصرف؟؟
هلا خواتي أنا قريب بكمل 7سنين من زواجي وعندي 4اطفال الحمدالله، ريلي من النوع اللي ينتقد وااايد ومايصدق يحصل أي غلطة الا ويعلق عليها وهو يداوم ويرد البيت بس بالويك اند وكل اسبوع تقريبا ينتقد على شيئ مايحب اني أرقد الصبح أنا أنش الساعة 11 ص لأن عندي شغالة اذا نشيت الصبح ماعندي شيئ أسويه وهو مايحب هالشيئ ومن أي شيء بسيط يسويه مشكلة المهم البارحة كنا نسولف وعصب على سالفة تافهه وقال لي أنا أكرهج قلت له خيبه ليش شو سويت يقولي أكرهج ولو فيه كلمة ثانية أقوى عن أكرهج بقولها بس ماحصلت ويقولي أحس عقلج صغير المهم ماقدرت أتم قوية وصديت عنه وأنا أبكي نحنا كنا ع الشبرية يعني عشان نرقد تخيلوا ولا حتى يا يعتذر ع الكلام اللي نزل علي مثل الصاعقة الله يسامحة اليوم مول ماكلمته ولا عيني يت في عينه وداوم ولا حتى حاول يصلح اللي هدمه فيني المهم خواتي كيف أتصرف أبا أكون قوية وما أضعف وأراضييه لو كنتوا مكاني كيف بتتصرفون بدون ذكر الطلاق لأني ما أفكر فيه عشان عيالي والله أنا ماعرف كيف بكمل حياتي معاه وأنا أعرف انه يكرهني ساعدوني خواتي استغفر الله العظيم |
مااحد عاقل يقول طلاق ابد
اشعر ان زوجك يبي شخصيتك تتغير بالكامل وانتي مو عارفة تتغيري الشي التافه عندك عنده كبيير يبي انسانة بتفكير وشخصية وطباع هو يحبها لكن يبدو انك عجزتي تفهميه وتتغيري على حسب مزاجه وتفكيره وهو طفح عنده الكيل حاولي تقعدي معاه قوليلا كيف تبيني اكون وحاولي تتغيري وتعملي الاشياء اللي يحبها واللي نفسه تكون فيك سواء في طباعك او تحاورك او اي شي يحب انك تغيريه لما يشوفك بديتي تدوري اللي يعجبه هيتغير تجاهك بس تكوني جادة بالتغيير ومو كل شي عالخادمة هو يحب لمستك في حياته ولما انتي تتغيري . انتي بتتغيري عشانك لان اللي بيتصلح بيرجع عليك يعني انتي المستفيدة في الاخر |
[gdwl]حبيبتي خليه هو يعتذر منك واذا طول وما حكي معك فلازم تخلي الاهل يدخلو بيناتكن[/gdwl]
|
و إنت أي كلمة تصدقيها على طول و تبكي ؟؟؟؟؟؟؟؟
لو ما يحبك ما كان عاش معاك 7 سنوات و جبتي منه 4 ماشاء الله :D أختي ، يوم قال لك كذا كنتي ضحكتي له و لا قلتبيها مزحة مو على كل شئ بكاء ، ما ينفع معهم كذا |
: من غير لاتفكرين بالطلاق !! الله خليك لعيالك المشكله ماتستاهل الطلاق ابــدا ! وماانصحك تراضينه ! شكلك عودتيه اذا هو غلطان نطيتي بحلقه وقلتي سامحني ! على حسب ماذكرتي ماشوف انك غلطانه ! انتي ماعليك غير تتزينين له وتقومين بواجباته مع بعض التغلي .. لأن احس القوه موقفك ماتفيد .. انصحك تبيني ان الزعل بادي عليك بس مو بطريقه نكديه لا ! بس ماعليك غير تدعين الله وتستغفرين كثير .. وبعدها اهتمي بنفسك وقومي بواجباته لعل ان ماقاله في حقك ورؤيته لك مهتمه وقائمه بواجباته يجعله يحس بتأنيب الضمير ! : |
حبيبتي
الكلمة ممكن تكون بسبب : - لحظة غضب - رواسب نفسية بحكم طول فترة زواجكم - اشياء مو عاجبه زوجك فيك ( يمكن تعرفينها وما تقدرين تغيرينها او ما تعرفينها ) عموما خلينا نعتبر كلمته ناتجة عن هالاشياء وخل نفترض ان فيك اشياء مو عاجبه زوجك خصوصا وانه لو كانت الكلمة انقالت بسبب لحظة غضب كنتي سمعتيها من زمان يمكن .. مو بعد سبع سنوات ! عشان كذا الاحتمال الثالث اقرب للحقيقة من وجهة نظري لذلك تحتاجين جلسات مصارحة مع زوجك .. بس مو الحين .. بعد فترة بسيطة اسبوع او اسبوعين خلالها تتجنبين كل شي يزعله وتعطينه احسن ما عندك عشان تهيئينه نفسيا للمصارحة هذي وانه يقول كل الي بخاطره فيها وهو بحالة هدوء مصارحتك له بوقت مشاعره فيه مستقرة يساعده يقول الي بقلبه بوضوح وصدق .. احسن من انك تكلمينه اليوم ولا بكرة وهو معصب ولا شايل عليك بيصير الحكي الي يقوله لك بس تفريغ غضب والاشياء المهمة يمكن ما يقولها او يقولها باسلوب مو واضح .. ان شاء الله يكون كلامي مقنع وتطبقينه وتشوفين احسن النتايج باذن الله تعالى .. الله يسخره لك ويحميكم من كيد الشيطان دمتي بود غلاتي |
ولو ما ادرى شنو ارد عليج نفس الحالة صدتنى
انة ما سويتها بس انتى الازم لا تكلمينة ولا شى |
لو قال لك اكرهك ،، قولي له احبك اكثر
ولو قال ماريد اشوفك ،، قولي له حياتي بدونك ماتسوى <_ مثال فقط احمد بن حنبل عشرين سنة ولم يختلف هو وام عبدالله بشيء ، لانه كان اذا شدت الحبل هي أرخى هو ، وإذا شد هو أرخت هي يعني في حال غضب زوجك لاتغضبي بل كوني هادئة بقدر الامكان وبعدها هدأيه بطريقتك == اختي حتى لو معك عاملة الرجل يحب انه يشوف زوجته تقوم بكل الاعمال في المنزل كيف ترضي ان زوجك مثلا يأكل من يد عاملة ؟ أو عاملة تغسل له ملابسه وتلمسهم ؟؟ <_ امر عجيب == ومثل ماقال روح الطير لو كان يكرهك ماكان استمر معك 7 سنوات اقتباس:
ولاتكوني مثل الزجاج اي كلمة تهشمك وخاصة انك امضيتي سبع سنوات مع زوجك كوني مثل الحديد اذا اتته ضربه قوية يصقل ويصبح اقوى لان هذه حياتك وحياة اطفالك .. ،، اما انك تقولي يكرهك ،، فما اعتقد ان هذا صحيح الرجل في وقت الغضب قد يقول اي شي وبعضهم يطلق زوجته بحالة غضب لذا مثل ماقلت لك بعد ان تهدأ الاوضاع تحدثي معه بشكل رايق مع ابتسامة تزين الجو وصدقيني بيتحول يومك من حزن الى سعادة ومن ضيق الى وسع === اقتباس:
|
و الله ماعاد كلام بعد اللي قالو الاخ ماهر نبيل
اتفق معاه فكل كلمة الله يعطيك العافية |
قولي له مشكور وما قصرت و اتركيه يحس ويندم بالغلطة لسواها احرميه من حنانك عشان يتعلم
|
| الساعة الآن 06:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©