|
خوفي أثناء الالقاء ؟
السلام عليكم انا طالبة جامعية وعندي مشكلة هي أمس عرضت موضوع لي وصراحه كنت مو محضرة له مضبوط بس محضرة له لكن لما وقفت امام الناس وهذي اول مره اوقف قدام مجموعة من البنات والاستاذة حسيت بخوف ورهبة وحتى حسيت الكلام ضاع مني ولا عرفت اتكلم وصرت اقرء من العرض ولا اتناقش ولا اسألهم يعني كأنها صارت حصة مطالعه :( ومو بس كذا لا حسيت بجفاف بالحلق وكل شوي ابلع ريقي وبعطش والله تصورت حتى انو شفايفي صارت بيضاء:) وكل مااطالع للبنات احس بخجل واشوف نظراتهم كأنهم مستغربين من وضعي ماادري ايش هذا إلي صار لي !؟ وكيف اعالج نفسي !؟ وعلى فكرة لما احد يسألني سؤال بالدرس او بالموضوع إلي انا كاتبته صراحه مااعرف اجاوب بسرعة عكس البنات إلي معاي بالقاعة تمنيت قوقل يكون معاي علشان اكتب سؤالها ويطلعه لي وارتاح :22: انا ماادري ايش فيني من بلا بس انا تخصصي يجبرني اكون كذا اقيم العروض ووو وانا صراحه من بعد هالموقف كرهت اكون معلمة :( الاشراف / تم تعديل العنوان لـ يتناسب مع المضمون . بالتوفيق. |
، مايبيلها تشخيص ! الوصع عادي جدا .. والخوف طبيعي .. لاتروحي بعيـد !! وتوسوسي .. كلنا مرينا بهالتجربه بالجامعه ,.. والله نفس الأعراض صارت لي .. وقفت قدام صاحباتي والدكتوره ... وصارلي زي الي صارلك خوف ورهبه واحس رجوولي مو شايلتني وخفقان .. ونشف ريقي مع ان الماده الي قمت اشرحها متمكنه منها وسهله سهله جدا .. بس الخوف سيطر على تفكيري .. : الوضع جدا عااااااااااااااادي ولاتخلينه يشتت تفكيرك ويتعبك .. ولاتفكرين فيه كثير مع التكرار راح تتعودي وتاخذي الموضوع بسهووله اكثر .. وبيصير شي طبيعي عندك .. بس انتي حضري كووووويس ووقت ماتحضرين خلاص بالغرفه .. قفلي الباب عليك وقوومي اشرحي بكل وسائلك الي معاك .. ورتبي الوووضع .. وعشان تتفادي الأحراج من زميلاتك انتي اكتبي الأسئله ببطاقات ووزعيها عليهم واطلبي منهم يقروا هالأسئله عليك وحده ورا الثانيه وانتي جاوبي ويتكون الأسئله شامله للماده العلميه الي طرحتيها .. يارب اكون افدتك .. |
تم النقل إلى القسم الأنسب.. |
وعليكم السلام ورحمه الله
يا هلا وسهلا بالطالبه النجيبه :d لا تخافين هالشي طبيعي , خاصه انها اول مره وتعتبر كـ تجربه , ذكرتيني بأول القاء لي <للحين صديقاتي ما ينسونه . طبيعبتي اجتماعيه ومتوقعه الالقاء عادي خاصه اني اعرف نص بنات الشعبه , <قامت ترتجف يدينها وهي تلقي حقيقه للموقف رهبه , لكن بعطيك نصاايح عن نفسي سويتها والحمد لله ضبطت معي بـ ثاني القاء 1/ أول شي حضري الماده اللي بتلقينها كويس . اعرفي معلومات اضافيه عنه في حال توهقتي بشي يكون عندك خلفيه . 2/ جربي القيها اما اي شخص تمونين عليه , وبصوت عالي وصححي بعض الكلمات , انتقي كلمات حلوه وكرري القائها بصوت عالي امام هالشخص <الله يعينه :d. 3/ قبل الالقاء تكلمي مع مجموعه من البنات اللي بيحضرون عرضك , تهيئك لـلتقديم ووتنسيك التفكير بالموقف . هذي من تجربتي البسيطه , لكن اطلعي على هالرابطين مهمين جداا ,, http://www.66n.com/forums/showthread...C7%E1%DE%C7%C1 http://www.66n.com/forums/showthread...C7%E1%DE%C7%C1 بالتوفيق. |
[SIZE="4"][CENTER][FONT="Arial Narrow"]
اقتباس:
وعليكم السلام الحمد لله شيء طبيعي أنك ارتبكت وظهرت اعراض جسدية مثل التي ذكرتها فلا تتوقعي انه من ظهور من لأول مرة انك بتظهري بشكل مثالي وممتاز لأن مثلك كثير مع اول مواجهة وحديث أمام الناس ،،،، وبعدها تجاوزوها لما أعادول المحاولة وتدربوا عليها أنا اذكر قبل سنوات مضت كنت خرجت امام مجموعة من الأشخاص تقدر بـ 30 شخص اغلبهم مشرفين في إدارات التعليم ومنهم من يحضر دراساته العليا وناس له مكانتهم وحضورهم عند الناس خرجت فجأة بدون تحضير ولم أتوقع أصلاً الخروج ،،،، لكن تم اختيار ووقفت امامهم وطرحت رأي بموضوع وكان مدة النقاش تقريبا على الأقل خمس دقائق لكن مع ذلك طلعت وتكلمت ،،، رغم الأعراض التي ظهرت بعض الإرتباط ، انخفاض الصوت بالبداية لكن تحسنت خلال مدة حديثي ،،، وكذلك قبلها خرجت في مركز صيفي امام اكثر من 200 شخص من الحضور وبشكل مفاجئ تم اختياري وظهرت !!!!!! ولم يكن مرتب في فقرات البرنامج اني اطلع !!!! ومع ذلك خرجت وتكلمت بشكل ارتجالي وعفوي فأنت وضعك افضل لأنه فيه تحضير واستعداد وإمكانية التدريب وإن شاء الله الروابط التي وضعتها هدوء المشاعر تكون مساعدة لك وأقولها لك ارتبكي عادي ،،،،، فيه ناس كثير تقدر وتفهم انه ارتباك عادي ووضع يحصل لكل من يقف ويتحدث امام الناس عزوبي:22: بس:d رجل:30: |
dant!L ~}ب
اقتباس:
هدوء المشاعر... مشكوورة ويبغالي اطبق نصائحك بالمرة الجاية ومشكوورة على الروابط عزوبي بس رجل صراحه انا خفت يكون عندي رهاب اجتماعي لانو انا مو اجتماعية وعمري بحياتي ماوقفت وتكلمت امام مجموعة صغيرة فما بالك بكبيرة بس الحمدلله كلامكم طمني جزاكم الله خير الفرق بيني وضعي ووضعك هو ان انت تعرف تتصرف وقت الازمات لكن انا للأسف لا :( مجرد ماتطرح علي وحدة سؤال خلاص اروح فيها خصوصا لو ماكنت متوقعته مشكووور |
اقتباس:
اختي الكريمة مو معناته انك غير اجتماعية يعني عندك رهاب اجتماعي فيه ناس ما تختلط بغيرها وتكون مشغولة بأعمالها الخاصة ولا يضايقها بعدها لفترات طويلة عن الإجتماعات أو يظنون ان هذا رهاب اجتماعي ،،، الخوف والقلق من الإلقاء شيء والقلق الإجتماعي شيء أخر القلق من الحديث أمام الناس من اشهر المخاوف والقلق ومنتشر لدى كثير من الناس هو ليس مرض او حالة سيئة ،،،،، كل من تميز باللقاء لا بد انه بداياته كانت مثل ما حصل معك ومعي ومع الكثير ،،،، ثم انت طلعت خلاص ،،،،، يعني انتهى الموضوع وحسب لك ولصالحك اول خروج وحديث امام الناس ،،، بالنسبة انا طلعت وارتبكت واحمر وجهي وتغير صوتي وتخلبطت وحسيت ان الكلام ضاع من ذهني لكن دفعت نفسي وركزت على مضمون ما أطرحه وتم الموضوع ،،،،، بسلبياته وإيجابياته ،،،، لذلك تدربي كل فترة واجعليها ورشة عمل بسيطة مع مجموعة من صديقاتك أو اهلك في منزلك وطبقي ما هو مكتوب في الروابط الموجودة بالموضوع وأقرأي أيضاً عن تقنية الحرية النفسية، ابحثي بالنت،،، وطبقيها على الموقف السابق لما ظهرت الأعراض الجسدية والمشاعر التي ظهرت ،،،، والموضوع كله عادي وطبيعي فتقبليه كجزء من طبيعة البشر !!! وأنت واحده منهم ،،،:) عزوبي:22: بس:d رجل:30: |
حبيبتي كلنا مرينا بنفس الوضع في بدايه حياتنا في الجامعه والمدرسه بس مره على مره راح اتشوفي نفسك احسن واقوى
وحاولي اولها تضغطي على نفسك يعني اذا في سؤال اجاوبي حتى لو اشوي تلعثمتي معلش المره الي بعدها على صوتك وركزي بمعلوماتك ولا كانه في احد بالقاعه وهكذا الموضوع مساله تدريب في البيت اوقفي قدام نفسك على المرايا القي شعر اشرحي درس تفنني بمشاهده نفسك وحبي نفسي برضو الثقه مهمه اعملي بروفا قدام الوالده والوالد اخوانك ربي يوفقك |
| الساعة الآن 10:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©