|
أختي تكلم في الجوال شباب
السلام عليكم ورحمة الله وبركاته
اسعد الله ايامكم و ملــئها بالافراح والمسرات .. بتكلم بالعاميه عشان اوصف الوضع تمام انا عندي اخت اصغر مني عمرها 17 سنه في الثانوي تدرس اخر سنه لها قبل سنه عرفت انها تكلم شباب من جوالها كلمتها كم مره ونصحتها ووجهتها و وعدتني ماعاد ترجع وتكلم احد بعد فتره اخواني بدأو يشكون فيها من ناحية بطايق الشحن كل يومين تطلب بطاقه ابو ميه كلمتها ونصحتها وقالت طيب بعد فتره اختي الكبيره متزوجه حست في شي دايما اختي الي اصغر مني جالسه في غرفتها دايما ومعاها الجوال 24 ساعه كلمتها وقلت وبعدين قالت ما اسوي شي وحلفت لي بعدها بفتره اختي الصغيره في الابتدائي تنام معاها في نفس الغرفه كان وقت الفجر تبي تنام الصغيرونه وهذيك تكلم بالجوال , عصبت الصغيره وعلمت ابوي قالت شوف .. من اول تكلم جوال ازعجتني ابوي عصببببي مره اخذ الجوال منها وقال تكلمين مين مسحت الرقم هي وقالت وحده من صديقاتي وقال ابوي والله لــ أعرف واروح بنفسي الاتصالات واجيب الرقم وقتها انا كنت بموت خوووووووووووووووووف قعدت ادعي ربي يسيرها ويسترها الحمدالله عدت على خير كلمتها وقالت والله ماعاد اكلم ولا اسوي شي و و و ومرت فتره شفتها عاقله وبعدها بفتره رجعت لــ عادتها قعدت اراقبها ولما تروح المردسه اشوف جوالها كله اراقام ورسايل وو كلمت اختي الكبيره و قالت اوكي مابعيدها المهم بعد فتره دخلت المنتدى اللي هي تدخله وشفت رسايل خاصه بينها وبين واحد الظاهر اخو اللي تكلمه قال لها وش بينك وبين ( طلال اللي تكلمه ) قالت قبل فتره واحد مرسل لي رسايل يهددني يقول انا اعرف اسمك واسم ابوك وهذا رقم ابوك والله لأفضحك واعرف عنك كذا وكذا وقال كم معلومه عنها وهي طلبت فزعه طلال ورفض قال مالي دخل وش تبيني اسوي لك وهي زعلت و و و وهو يعني جاي يصلح بينهم هذا تقول اختي انها كلمت اللي يهددها واعتذر منها وانتهى الموضوع ورجعت فتشت في جوالها ولقيت رسايل يسبها هو كلام وسخ مرررررررررررره وسخ وسخ وهي تقول له احبك انا بصراحه وصلت حدي وش اسوي فيها اذبحها اعلم ابوي عشان ينجلط ويصير فيه شي لا سمح الله ابوي عصبي مره مره مره لو عرف والله انه لـ يطلق امي ابوي يجيب لها كل اللي تبيه وافخم الاشياء عندها غير عني انا والباقين اخواني يدلعونها ويجيبون لها كل شي هي مكانتها عندهم غير حرام لو عرفو انها تكلم و و و والله بتظلمنا وتظلم اخواتي وامي وصارت تاخذ الجوال بعد المدرسه وممنوع في المدارس الجوال يعني لو احد كفشها خلاص قبرها بينفتح وش اسوي ابوي ما اقدر اعلمه ابي راايكم .. |
يالله ! كيف علاقتك بأمك تقدرين تصاريحنها او لا ! اعرف وحده اكتشفت ان بنتها تكلم وقعدت ونصحتها وغير كذا هددتها يعني جاتها باللين مره وبالقوه مررره والبنت عقلت كثير وتغيرت : اذا عندك اخت كبيره بلغيها وخليها تاخذ الجوال ..منها .. عقاب لها وبعد فتره طلعوا لها شريحه جديده وقلولها احنا نثق فيك ونحبك ونفس الشي نخاااااااااف عليك وعلى سمعتنا الي هددك هذا حقير وبأمكانه يوديك بداهيه شيلوا النت بعد .. وبعدوه عنها .. وخلوها تقرا قصص بنات انفضحوا وراح مستقبلهم بدار الفتيات .. وش استفادوا بالله !! واذا في مجال تقولون لواحد من اخوانك قوليله انا احس تدخل رجال بالمووضوع يخليها تخاف .. بس قبل اي شي هدووا اخوانك وقليلهم ان المووضوع محتاج حكمه وعقل والبنت غلطت صح بس محتاجه احد ينصحها ويكون قريب منها ... لازم تتدخلون بس ابوك لااااااااااااااااايدري بليز .. الا الأب ! اجلسي مع اختك الكبيره وتفاهموا انا ردي كتبته مستعجله ... لأني طالعه وحسيت بموقفك .. بس لي عوده اذا رجعت بالسلامه ان شاءالله : |
علمي امك اول شي وشوفي اقرب واحد من اخوانك الكبار لك انتي وخليه يتدخل ولازم تاخذون الجوال منها ماله داعي الجوال حتى تعقل قوليلها راح افضحك قدام ابوي واعرف عنك كل شي وعلميها عن سمعتكم لاتحطها بالحظيظ علميها انها اذا امتسكت في الهيئه ماراح يرحموها الحمدلله تدلعنااااااااا كثير بس الفرق في الاب والام وحرصهم على ابنائهم |
انا عندي تعليق بسيط في الاول
اقتباس:
ليش امك اتكلمت ليش تطلق لاسمح الله اختك الغلطانه واكيد بي تتكلم من وراها زي ماقالوا الاخوات كلمى واحد من اخوانك يكون حكيم وهادي عشان لاتصير مصيبه او اخت كبيره والله يستر عليكم ويهديها ويهدي الجميع يارب |
نصيحه ابوك لاتقلين له ابد
قؤلي لامك وبس ولكن بشرط ابؤك لايدري لان لي بنت جيران كانت تكلم وكشفتها المدرسه وكنت ادرس بنفس المدرسه تخيلي كانت ترؤح معه للبيت وترجع الظهر تركب الباص لرجوع للبيت والصبح للروحه بلحيء الي خلف المدرسه وكشفؤها بشكؤئ من راعي الباص والنهايه الاب طلق الام لان حط اللؤم عليها ..ولانها دافعت عن بنتها من ضرب ابؤها لان ضربها الئ ان بغت تموت !...... كرهته وتزوج وحده 2. الاهم ارجوك قؤلي لامك اما اخوانك بيجون ويفضحون السالفه مع زوجاتهم ويقؤلؤن عن اتك وبياثر عليكم ارجوك تكلمي مع امك بهدوء وهي بتسؤي الؤاجب ..... ولكن حلفيها ماتجيب طاري انك انتي الي قلتي لان يسبب بينكم حقد |
قولي لامك
سؤال ليش ابوك يطلق امك اذا عرف بنته تكلم!!!!!!!!!!! وش دخل امك بسالفه؟ |
دخل الام ان الاب بقولها هذه تربيتك ........
لان الجزء الاكبر في التربية عالام وهذا صحيح بس بشروط صحيح لانها 90 في المية من الوقت مع اولادها بالبيت وبشروط ان الاب لازم يساعد الام على اساسيات التربية الصح استغرب من اختك عندها اب بهالصفات النارية وتكلم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ تريدين ان تلفتي نظرنا للتفرقة اللي يسويها ابوك في التعامل بين اولاده ومعاك حق لان اللي يفرق بين ولد وولد بالعطايا آثم ورسولنا الكريم صلى الله عليه وسلم وصى بالمساواة بين الاولاد في كل شئ حتى بالقبل المهم اختك الكبيرة عرفت وما سوت شي اختك الدلع خربها وابوك واخوانك موفرين لفتاة مراهقة وطائشة في سنها اشياء لا تلزمها ابدآ مو معقولة بنت مدرسة اجيب لها هالاشياء واسيبها بلا حسيب ولا رقيب ولما تفقد شرفها اروح اطلق واذبح هذا ليس من الدين في شئ هذا قمة التساهل والتهاون في تربية الاولاد واولادنا امانة اختك أمنت شر ابوها واخوانها لان الجوال كان مع ابوك وهدد يجيب الرقم وما عمل شي لا ورجع لها الجوال اكيد هتمد رجولها وبتحط ببطنها سيارة بطيخ مو بس بطيخة واحدة وامك كيف بنفس البيت وما لاحظت على بنتها واختك الزايرة لاحظت ابدئي هددي لان اختك انجرفت بتيار مخييييييييف شباب تهدد وترسل كلام قذر ووصل لاسم والدها وعارف رقمها حقيقي كارثة ويش تنتظرين بعد التهديد انك تسجلي صوتها تجريها بالكلام مثلا متى تعرفتي عليه ارجعي لله مو خايفة ابوي يعرف ايش اسمه لما تتكلم وتقول كل شي بعدين سمعيها صوتها ولو باست رجولك ما تعطيها الا لما تتخلص من الجوال نهائيآ لان تغيير الشريحة ليس حل هي طائشة ومدمنة طالما من سنة وهترجع الحل انها تقوم نفسها. وهالاشياء بعدين وقولي لابوك صديقة اختك عرفتي انها تكلم شاب عشان يخاف وقوليله خد منها الجوال احسن ما تقلد صديقتها والمنتدى ماعاد تدخله لازم تتحركي شرفكم صار بيد اختك هذه مو لعبة يعني لو صار لاختك شي ابوك بيظل بصحته ؟ تحركوا الان لتفادي الاعظم والعياذبالله لازم تتخلصو من الجوال حرام يكون لبنت في عمرهاولو عاقلة نكون بس اللي مثلها حرام عليه الجوال والكمبيوتر لانها قلبتهم لمضرتها ومضرة عيلتها والمنتدى يقفل والجهاز ضعوا عليه جهاز مراقبة تعرفوا المواقع اللي تدخلها يمكن يبعتلها مواقع اباحبة او مقاطع طالما يرسل لها كلام قذر هذه مراهقة وطائشة ولا يوجد اب ناصح او ام قريبة ناصحة واختك بمهب الريح |
اختي قطعت الأمل
اختك مراهقه ومو لاقيه احد يوقفها عند حدها هدديها وقولي راح اعلم ابوي عليك وخوفيها قولي والله اذا درى غير يذبحك واذا تقدري تسحبي منها الجوال يكون افضل واذا مانفع معها الكلام قولي لأمك واذا عندك اخ كبير عاقل قولي له بس بعد التهديد لأختك تاكل لها ضربتين وتصحى احسن مايطيح الفاس بالراس |
اقتباس:
ان شاء الله رح اسوي اللي قلتي عليه |
اقتباس:
ما اقدر اكلم اخواني والله يعلمون ابوي مااااااااااااا اقدر انا ابي احل الموضوع بنفسي اول شي وبعد كذا ادخل اختي ومشكوره ياحلوه .. |
| الساعة الآن 02:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©