|
تخيلي ايتها الزوجه ان زوجك يشكي منك في هذا المنتدى
كل واحده تضع نفسها في هذا الخيال
هل قد مر ان حدث بينك وبين زوجك مشكله ؟؟ بالطبع اجابة 99% منكم ستكون نعم تخيلي لو دخل زوجك هذا المنتدى وبدأ يحكي تفاصيل مشكلتكم وأخذ يكبر أخطائك بالمجهر ولم يرى فيك في هذه اللحظه ولا ميزه ولا حسنه واحده فقط أخذ يذكر عيوبك واحد تلو الاخر وتذكر كل شيء أسأتي له به ولم يتذكر إحسانك جاء الاعضاء والعضوات بالأخص وأخذوا ينتقدونك بشده ويردون عليه ردود كالآتي : تزوج عليها الله يعينك عليها بجد كيف صابر عليها لو مكانك اكسر ظهر هاواتزوج وحده تخليها ماتسوى بيزه زوجتك قليلة أدب ماتربت تبي تمشيك على كيفها أسألك بالله ماهو شعورك حينها لو رأيتي شكاوي زوجك منكِ وردود الاعضاء بهذا الشكل الاجابه على هذا السؤال اجباريه :) ماهي الصدمه التي ستصيبك لا شك انك ستدعين على كل عضو رد على زوجك بشيء يقسيه عليك ارجو من كل عضوه ان تكتب ردة فعلها |
لـــــــــــــــــو صارت
وقريت كلام من هالنوع ... بتضايق اكيد .. لاني مااحب الردود اللي تزيد تزيد النار حطب وتقسي القلوب !!! |
: الصـراحه موقف صعب ! بس اي عضـو هنا ماله ذنب .. يعني مهما حاولنا انه نهدي الوضع نجد بعض الأعضاااء يصرون ان زوجاتهم فيهم الخطأ وانه العيب منهم من اول ماتزوجوا ! فاأحنا من باب انه مصدقينه وحاسين بمعاناته ... نعطيه حلووول وغالبا مايكون حل الزواج او الطلاق منه هـو مو من الأعضاء يعني مااذكر مريت على مشكله والأعضاء نصحوا بالطلاق والشخص مافكر فيه ! او قالوله تزوج وهو ماجاب خبر الزواج !! فاتلاقينه اخر المشكله يقول انا ابي اطلقها .. او انا فكرت اتزوج عليها !! عشان كذا احنا حسب الموقف يااانأيده او نمنعه قد مانقدر ونهديـه ~ : والمووضوع بعد للعضـووه الأنثى ! يعني تحي وتشتكي وتبكي وتطلع كل عيوب زوجها واحنا ننصحها ان تقف وقفه جاده مع الزوج حتى لو اظطرها الأمر ان تخرج لبيت اهلها ! فيه مشاااكل ماتتحمل الوقوف والنظر فيها وهي تكبر! تحتاج تدخل سريع وعقلاني .. ولو فيه مجال ان الطرف الثاني يكون موجود بدون اي مشاكل للزوجين ياليت ! بالعكس كذا يمكن نقرب وجهات النظر بس طبعا هذا من المستحيلات ونااااااادرا ماتصير .! وبالنهايه نحن بشـر .. وخطااااااائون .. وخير الخطائين التوابين ولو جينا للجانب المشرق بالموضوع .. اغلب مواضيع المنتدى .. جميعها تفيض بالحلول العقلانيه الذكيـه وماشاءالله ياما عضوو او عضوووه نزلوا مشاكلهم والأخوان بالمنتدى ماقصروا معاهم ووقفوا وقفه جدا قويـه حتى عادت المياه لمجاريها ... واكبر دليل على كلامي هو قســــــــم { المشاكل المحلوله } : وسلامتك ~ |
الزوج الذي سيشتكي على زوجته في المنتدى او العكس لن يكتب هذا الشي تبلي عليها بل لابد ان ماوراء الدخان نار مبالغته في وصفها هو نتيجة لشيئين أما ان هي فعلا كما وصفها,, او لحظة الغضب تجعله ينكر عشرتها ثم سيتراجع حتى ل أشعلته الردود فهو أعرف بها , تجريح الأعضاء لها لن يضرها لو تنازل و اعترف بمحاسنها امامهم و قد حصل هذا الشيء كذا مرة في نفس المنتدى أيضا,,من شكوى زوج او زوجة اما بالنسبة لمشاعري اقتباس:
لما هو قد يحصل:30: تسلمي |
موضوع في الصميم
لو تلاحظين كثير من المواضيع .. لو ماقرينا فيها اي ايجابيات نطالب الطرف الشاكي بذكرها.. لأنه مو معقول مافيه اي ايجابيات .. والا ماعرفت سلبياته !!!! ولو قرينا فيها اي تلميح للطلاق نحاول نهدي ونعرف الموضوع من مجاميعه لو قرينا فيها تلميح للزواج .. برضو نهدي ونعرف الموضوع من مجاميعه لكن فيه بعض المواقف اللي تنذكر بجد مستفزه .. يعني زوجه تاخذ دور الرجوله !!!! زوج ملغيه شخصيته وحاطها بيد اخته او امه !!!! هنا تلقين الردود فعلا تميل مع صاحب الإشكال كلام دانتيل لا يعلى عليه ( البنت صايره تنضح حكمه بزيااااده هالايام .. وش عندك دانتيل؟ ) احنا في الاول والاخير مجرد قراء من وراء الشاشه من يأتي طلبا للحل سيصيغها بشكل فعلا تمام .. ولا يهدأ الا اذا حصل على حل ومن يأتي فقط طلبا للضوء الأخضر .. تجدين حتى في ردود الاعضاء عليه .. اننا غير مسؤولين عن هذه النقطه .. الخلاصه .. اعتقد ان الكل هنا على قدر عالي من الوعي والمسؤوليه .. طرح المشكله و صياغتها هذه مهمه السائل ويتحمل التبعات .... ولو دخل زوج او زوجه وقرأ الردود ولم تعجبه .. فقبل ان يدعي .. لا بد من ان يتحقق من شيئين اولا كيف كتب المشتكي الموضوع .. ان كان ما كتب من باب الخيال فقط .. حينها ماعلى القراء حرج فيما كتبوا ولن يصيبهم شيء من دعائه لو يجلس يدعي الف سنه عليهم.. ويتجه للمشتكي ويحل الموضوع معه .. لانه اذا كان مجرد خيال فهناك مرض في قلب المشتكي لا محال .. ثانيا : انه فعلا كل ماكتب صحيح ... حينها يتحمل الردود وما كتب فيها ... ويعمل على تطوير نفسه وذاته بدل الدعاء على الناس ..ويتجه للطرف المشتكي ويتفاهم معه على الموضوع .. لأنه لم يطرح الا وهناك خلل في العلاقه ولابد من وقفه حقيقيه .. اولا واخير الجميل في عالم المنتديات ان لا احد يعرف احد والمنتدى لا يختلف عن المستشار الاسري استغرب من بعض( المتشدقين بالأخلاق ) حين يقولون فضحتوا العيله و عيلة العيله .. اي عيله انفضحت؟ انت عرفت من هي؟ انا لا اعرفك ولا انت تعرفني فكيف انفضحوا؟ اذا فعلا انفضحوا فالأولى ان لا يكلم احد شيخ دين يستفتيه في ذنب اقترفه.... ولا مستشار اسري في مشكله واقعه في البيت ... الخلاصه ... النت كاللسان ... ان صنته صانك .. وان خنته خانك وسلامتكم |
وليش تدعي على الاعضاء .... الذنب ذنب الزوج اللي كتب وافترى واتبلى ولصق وحط على الغافلة زوجته
لا يوجد رد بهذا الشكل الا لفداحة ما قرأوا يعني رد بهالشكل تخيلي انتي ايش هو كتب وبعدين حسب بأي منتدى كتب في منتديات يسبو ويشتمو الطرف الخاطئ ويشجعوا على الطلاق وفي منتديات اصحابها عاقليين ملتزمين ولا يوجد من يشجع على الطلاق الا لو وجد ان الطرف الخاطئ وصل لدرجة لا تحتمل وان تعديله مستحييييل والذنب ذنب مين ؟ مين اللي وصل لهم هالشعور وهالشي ؟ الزوج ولا ذنب للاعضاء الزوج من نقل صورة كاذبة وافترى على زوجته كذبآ والصق بها اشنع الصفات ليريح ويشفي غليله ويصدف ان يشك الاعضاء بمشكلة انها ملفقة او مبالغ فيها لكن ما يلبث ان يخالفوه بعض الاعضاء انه يتهم صاحب المشكلة بالكذب او انه يسئ الظن به لذلك السبب بالاول والاخير الزوج وعلى الزوجين ان يتعلما ان يحلوا مشاكلهم اول بأول ولا يراكموا المشاكل فوق بعضها حتى الوصول لدرجة الانفجار والشكوى للغير لان هذا التصرف يدل ان الزوج قعد يخزن من سنين ووقت ما انفجر طلع كل شي بقلبه مرات الزوجة نفسها ناسيته او انها كانت تعمله بدون علم ان زوجها مفروس من هالشي والسبب عدم الصراحة والحوار وانهاء المشكلة بمهدها اول بأول فكم من زوجة وزوج ارسلوا انهم غضبانيين من ازواجهم من مدة وللان الطرف الاخر لا يعلم بعد هذا اكبر خطأ على الاطلاق والاولى بدل محاورة اعضاء المنتدى التوجه لزوجته او تتوجه لزوجها وتحاوره بهدوء وفي الوقت المناسب لحل الخلافات ويجب ان يتعلما الحوار والنقاش بهدوء للوصول لحل ولا يكون الهدف من جلسة الحوار اظهار عيوب واخطاء الطرف الاخر وبأنه ظالم ولا يقدر تعب الطرف الاول وووووو لانها ستنقلب ساحة للقضاء كل طرف يريد اظهار ان الحق معه هو بل ان تكون جلسة بهدف الوصول لحل بغض النظر من المخطئ الغرض ان يستمروا ويحلو السابق ويبدئو من جديد طالما يريدون الاستمرار مع بعض |
تسلمون والله
أزلتم مافي نفسي من لبس |
أول شي..أنا لو حصل.. وكان كلامه صح راح أرد عليه بأسلوب لبق.. وممكن أعتذر له..:22:
لكن لو كان كلامه مبالغة وإفتراء على طوووووووول أدخل وأشارك.. وأقول لكم انه ترى صاحب المشكلة هذا هو زوجي.. وراح نتجادل أمامكم وراح تكونون انتوا الحكم اللي بينا.. وأعطيكم الموضوع من كل جهاته..:30: وأنا واثقة مليون بالمية أنكم راح توقفون مع الحق.. وراح أرضى بحكمكم..:17: |
اقتباس:
قوية ماشا الله عليكي مجادلة قدام المنتدى والله ما أقدر بس حنوقف مع الحق صح الأعضاء ما شا الله عليهم.. |
>> الحمدلله زوجي مآيعرف النت ولا طريقه :14:
اوول شي وبكل صراحه هوو مارااح يدخل ويكتب المشكله الا انه يبي حل ومشورة بعض الاعضآء هنآ ومايبي يخرب بيته من اول مشكله >> وهذاا جآنب إيجآبي :22: وماعندي إشكآليه لو كتب المشكله وذكر كل شي صآر فيهآ بدوون زيــآده او إفتراء ع الطرفـ الثآني ,, ومهمااا كآن اكييييد ردود بعض الاعضآء بتكوون جآرحه بس هذاا اللي تعودنااا من البعض وليس الكل .. |
| الساعة الآن 09:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©