منتدى عالم الأسرة والمجتمع - عندى سؤال عن الحقن المجهرى ممكن تجوبونى

منتدى عالم الأسرة والمجتمع (http://www.66n.com/forums/index.php)

- صحة المرأة (http://www.66n.com/forums/forumdisplay.php?f=107)

- - عندى سؤال عن الحقن المجهرى ممكن تجوبونى (http://www.66n.com/forums/showthread.php?t=203867)

moly gamal

10-03-2010 02:09 PM

عندى سؤال عن الحقن المجهرى ممكن تجوبونى

السلام عليكم ورحمة الله وبركاته
انا بعمل عمليه حقن مجهرى
امبارح كان يوم السحب
وبكرة يوم الترجيع
انا خايفه وعايزة حد يطمنى
وعايزة اسالكوا عن بعد العمليه
افضل على طول راقده فى السرير ولا ممكن اقعد
شويه اتحرك حركه بسيطه ولا ممنوع الحركه خالص
وبعد العمليه بحس بايه عشان اعرف انى حامل
وياريت تدعولى لانى محتاجه دعاءكوا جدا
وربنا مايحرمش حد ابدا من نعمه الاطفال

Crestalla

10-03-2010 07:26 PM

راجعي الرابط التالي وان شاء الله تستفيدي ويحققلك ربي مرادك

http://www.66n.com/forums/showthread.php?t=203238

kokar_2001

13-03-2010 11:02 AM

اول حاجة ربنا يفرح قلبك ياااااااااااااا رب

و تانى حاجة انا عملت حقن و الحمد لله ربنا كرمنى
قعدت اول اسبوع فى السرير كنت بروح الحمام بس و بصلى و انا قاعدة
و فى السرير مش قاعدة فى السرير لأ نايمة فاردة ظهرى خالص

و تالت حاجة و الاهم
متحطيش فى بالك الاعراض خاااااااااااااااالص
انا مجاليش اعراض و كنت حتجنن ان مافيش اعراض و طلع حملى من غير اعراض و الحمد لله

ربنا يكرمك و يفرح قلبك
بس ابقى طمنينا عليكى

moly gamal

14-03-2010 02:16 PM

شكرا يا Crestalla على اهتمامك وردك عليا
وانا بشكرك جدا يا kokar علشان برضوا ردتى عليا
وكنت عايزة اسالك سؤال انتى حسيتى بمغص ولا لا
انا النهارده اليوم التالت ليا بعد عمليه الترجيع
بس بحس بمغص اوقات كتيرة مغص جامد قوى
وساعات بحس بمغص الدورة هل ده طبيعى ولا لا

kokar_2001

15-03-2010 05:04 PM

مش انا قلت يا بنوتة متحطيش فى بالك الاعراض؟

بصى انا محستش بحاجة خاااااااااااااااااااالص لحد ما ولدت جالى الطلق ههههه

بصى انا رجعت الجنين يوم الخميس بالليل و حسيت يوم السبت الصبح لما صحيت من النوم بمغص جااااااااااامد قوى كأن الدورة حتنزل خلاص
و مش متاكدة لما دخلت الحمام "تقريبا" نزلت نقطة دم "تقريبا"
مش متأكدة خالص
دى الحاجة الوحيدة اللى حصلتلى بس و المغص دا ممكن يكون قعد 5 دقايق بس
و بعدين مافيش حاجة خاااااااااااااالص

بصى ان شاء الله يكون خير و نفرح بيكى
دى اول مرة ولا عملتى حقن قبل كدة؟

moly gamal

16-03-2010 01:34 PM

دى اول مرة اعملها وانا خايفه جدا جدا جدا
وبحاول مافكرش فى حاجه بس مش بعرف
وكل يوم بيعدى عليا بسنه والنهارده اليوم السادس
بس كانوا الشهر 6 او السنه
الانتظار ده مملل قوووووووى
وكل يوم بعمل تحليل بول وبيطلع خطين انا عارفه ان ده تاثير الحقنه
بس برضوا بفرح كل مابلاقى خطين

ام يحيz

16-03-2010 02:21 PM

ربي يكرمك ويرزقك بالدريه الصالحه وتجيبي احلي نونو زي كريم كده ياكوكاريتا
ادعولي

الساعة الآن 04:48 AM.