|
الخوف من الحمل بالطفل الثاني بسبب عقدة الولاده
السلام عليكم ورحمة الله وبركاته .......
ابدخل بلموضوع علئ طووووووووووووووول......... اتمنئ من الجميع مساعدتي ...... ارجوكم اشيرؤا علئ انتم يالمتزوجات والمتزوجين عن حال زوجاتهم مثلي او لا ........! الاهم انا متزوجه من 2سنتين رزقت بولد وعمره الان 1سنه وخمس شهور ........!!عايشه بسعاده ولله الحمد والشكر.... اعاني من خوف ملازمني من يوم جبت ولدي الله يحفظه ....... وهو خوف من اني احمل واعيد سالفة المعانة ..... وهو الم الولالالالالالالالالالالالالالالالالالالالالالالال الالاده ....مع اني ماقعدت الا ساعه الالالالام شديده وتوقعت اني اموت .......والطلق اسبؤع كامل وكتمه وضيق وو....الخ والوحم الي كرهت زوجي واهلي والوحم من الاستفراغ والريحه اكرمكم الله ...... !! والاهم الي لي سنتين ابكي منه وارتجف خوف اذا تذكرته وهو !!!!!! الم الولاده مانسييييييييييييته والله العظيم مانسيته ..... يجيني بروووووووووووووووود بلاطراف وابكي من قلبي ودموعي خلالالالالالالالاص تصب ......بمجرد اني اتذكر كيف !!!كنت اتلوئ علئ السرير من الالام انسدح الم اقوم الم اصيح ابكي!!!!!! ياناس اكتئب اذا تذكرت وابكي بلسبؤع مره او بلشهر مستحييييييييييييييييييييييييل واتحدئ والله اذا نسيت شهر واحد من سالفة الم الولاده والخوف من اني اعيد هلتجربه اتوتر اذا احد قالي متئ تجيبين ا للولد ؟؟؟اكتئب بداخلي واقول لالا بدري الاهم الان انا لي 2سنتين وما ني حامل والوضع طبيعي ...اكيد فهمتوا !!!!! يعني مااخذ مواااانع ...... اخاف انها تدمرني !!! وزوجي مافضلها لي يقؤل توك صغيره وتاخذين لالا خلينا طبيعي !!! سكت ووافقت الاهم اذا شفت وحده حامل اتضايق واقعد ادعي لها يارب تسهل عليها .... اذا سمعت وحده قربت تولد ادعي لها الله يسهل عليها واتذكر نفسي وابكي!!!!! اذا زوجي قال لي اذا صار عمر الولد 3 احس مناسب هلؤقت تحملين !!!! اسكت واقول لالا ماودي قال حرام ولدك طفش وهو وحييييييد!!وهو الصدق طفشان من الان اخاف من الولالالالالالالالالالاده وش اسؤي والله اكتب لكم الان وعيوني مدمعه خايفه اتذكر التعب والالام .....! لكن كنت اسئل نفسي الان لي سنتين وانا مزعجه زوجي اشكي واسترد الذكريا وهو عن التعب والالام !!! تنعاد لي السالفه اذا شفت وحده حامل او واااااااالاده .......... تخيلؤا امس زرت وحده لها شهر وشوي من يؤم ولدت !!وشفت بنتها تصدقون بلله قمت اليؤم الصباح ابكي ليش لاني تذكرت حالي السابق وقت الولاده والسبب2 وهو ان الحرمه قالت ماودك تحملين !!!!!قلت بخاطري والله ماتدرين اني خاييييييفه ياناس ماابي احمل ولا ابي اذوق التجربه مره 2!!!!!! خايفه والله العظيم خايفه استغفر الله واتوب اليه الف حمد وشكر علئ النعمه انا لااعترض علئ النعمه وهي ان الله رزقني بولد لاوالله احمد الله فغيري لم يجدها ويتمناها ولكن ابي احد يقترح علئ اي شيء يجد لي حل !!! لاتقؤلن انسي !!! مااقدر !!! انسئ والله مااقدر ! ولو بيدي اقؤل لزوجي ماابي اطفال اذا صرت ابي اقؤلك لكن اخجل منه والله اخجل وهو لايدري عن خوفي ولا عن بكائي غالبا وهو غائب عن البيت...... ماعلمته لاني علمته مره اني بكيييييييييييييت الين خلاص تعبت ورحت اترؤش واصلي !!! انصدم وقال ليش وقد يعطف علي ويدق وشال همي !!! وهو من النوع الحساس ....وماابي اشيله همي ... لااريد اعيد تجربة همي وخوفي !!! اااااااااااااااااااااااااااااااه ابي احد يريحيني بكلامه ولو بدعوه او مشوره لي ! تم تعديل العنوان ليتضح المضمون..الاشراف |
ياعمري ياهمس :)
ليش تعذبي نفسك :24: العلم تطور والحمدلله ليش العذاب :17: ماسمعتي عن ابرة الظهر :20: ؟؟؟؟؟؟؟؟؟؟؟؟ ودااااااااااااااااااااااااعآ للولادة المؤلمة :eek: الان ولادة بدون الم :17: حسستيني قاعدة اعمل دعاية حق الابرة :d المهم احملي من بكرة ولا يهمك :17: وجيبي لابنك اخ صغنون :15: يلعب معاه واسألي طبيبتك عالابرة م باب الاطمئنان والمعرفة :11: لا غير تاخديها وقت الولادة وماتحسي الا بابنك جمبك :14: |
الله يكون بعونك وعون الجميع يارب
طيب جربي قيصري انا وحده من جماعتي مثلك كانت تخاف منن الولاده مرررره وبنتها صارت بخامس ابتدائي ولا حملت تخيلي الين اصرو عليها وربي كتب قبل كل شي وحملت وهي خاااااايفه بس طلبت من الدكتوره قيصري بدون طلق يعني يوم تدخل شهرها وتقرب وقت الولاده تروح تتولد قيصري وتقول ماشاءالله ارتحت ومافيه تعب والحين بنتها عمرها بالشهور وتبي تحمل ثاني |
الله يهديك بس وش قيصري :29:هذا يوم عملت قيصري في ولادتي الاولى تعذبت اكثر من الولادة الطبيعية بكاء والم اشوف كل اللي وضعوا امامي في السرير نايمين الا انا اتوجع من الالم اقسم اني شعرت بان الموت:24: قربت وقعت اشهد وبطني يتمزق من الالم واطلب الرحمة من ربنا اسفة اختي بس اخاف من القيصري ولا انصح به احد اسال :29:المجرب ولا تسال الطبيب :22:
يعني كل وحدة ووضعيتها الصحية في ولادتي الثانية ولدت ولادة طبيعية وطبعا ساعدتني ابرة الضهر على تجاوز الالم وولدت والحمد لله عقبال الجميع يارب اللهم لا تحرم حد من الخلفة والذرية الصالحة يارب لا تخافي اتاكلي على الله ارتاحي في فترة الحمل ولا تعصبي اكثير واكثيري من المشي في الشهر الاخير وان شاء الله يسهل عليك وتجيبي اخت او اخ للولد يلعب معاه قولي يااااااااااااارب بالتوفيق غاليتي:17::17::17::17: |
اختى همس كل ولادة تختلف عن الاخرى .فولادتى كانت صعبة جدا على والدتى اما ولادة اخى فكانت سهلة وسريعة , توكلى على الله,فالله سبحانه وتعالى لايكلف نفسا الا وسعها. |
توكلي على الله والله الحين نشيل هم التربية اشد من شدة آلم الولادة والوحم وثقل الحمل واكتئاب النفاس
اهلنا في السابق يتحملون اشد منا في الحمل والولادة والنفاس بسبب عدم وجود خدمات رغم ذالك انجبوا عدد من الاولاد ماشاء الله |
اتوقع علشانه اول حمل
|
اقول اشوا ان العالم تولد قيصري قدامي ما يحسون بشي ما شاء الله تبارك الله تنام وتصحى تلقى البيبي جنبها لا تخافين ابد ياعمري اقري عن القيصري وعن ابرة الظهر واختاري اللي يريحك ولا تحرمين نفسك وزوجك من الذرية وفهمي نفسك انك مارح تمرين بالم الولاده مرة ثانية عشان ترتاحين نفسيا..
|
شيء معروف يالغالية إن الولادة مو سهلة
والحمل كمان تسع شهور أبدا مو سهل الحمد لله بس صدقيني خليك دايما متوكلة على ربك وأحمديه على النعمة أنا كنت مثلك خصوصا إذا قال أحد لزوجي راح عمرك وماعندك أطفال>>طبعا عندنا الحمد لله بس مو على قد عمر زواجنا ولما يطلب مني زوجي أبطل المانع أماطل كل يوم أطلع له بعذر لحد ماجاء شهر رجب الماضي جتني أعراض غريبة وجلست شهرين من مستشفى لمستشفى أشعة وخزعات وشدة أعصاب الحمد لله وبس أراقب وجوه الأطباء والله أيامها قلت ياليتني أحمل وأولد كل سنة شيء طبيعي وكل الناس تعرفه أتحمل الألم بس شيء أنا مطمئنة بإذن الله بعدين ياعسل فكري فيها سنة تعب بس ربي يكرمك بطفل يسعد أيامك يدعي لك يكون حولك يعني نهايتها أبدا مو سهلة وانتي أعزمي أنك إن شاء الله تستخدمي إبرة الظهر عند مستشفى شاطر وأنتي عارفة انه كل ألم يكفر الله عن خطاياك أو يرفع من منزلتك حتى هالهم اللي شايلته يكفر خطاياك ودائما اسمع إن ولادة البكر هي اللي تطول الباقي أقل بس توكلي على الله وأعي يتسهل حملك وولادتك وربك كريم |
أول مرة أشوف وحدة ما نست ألم الولادة ... العادة كلهم ينسون :)
عزيزتي.. تريدين الصدق .. الألم لا يُنسَى فعلياً .. وحتى أنا لازلت أتذكر تجربتي المرة في ولادة ابنتي مهرة .. ولكن سبحان الله غريزة الأمومة ولحظة ضم الصغير بين يديكِ ووضعه على صدركِ تطغى كثيراً على آلام الولادة .. فتقولين لنفسكِ كما قالت لي طبيبتي بعد الولادة: (ألا تستحق هذه الصغيرة كل ذاك العذاب؟) والحقيقة أنها تستحق :) وكما قالت الأخت إسراء .. ليست كل ولادة مثل الأخرى .. ولا حتى كل حمل مثل الآخر ... يعني لا تقيسي على تجربتكِ الأولى لأنها ليست بالضرورة ستتكرر معكِ. على كل حال .. وسائل تخفيف الألم متنوعة .. ما بين الكمام المخدر وتخدير منطقة أعلى الساق وإبرة الظهر .. وكذلك المستشفيات كثيرة ويمكنكِ البحث عن مستشفى محترم وطبيبة شاطرة ومريحة لتتابع حملكِ وتولدكِ. |
| الساعة الآن 12:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©