|
انا ام زوجي على صواب ..؟
مشكلتي ولو انها طويله بختصرها .. في الـ 3 عصراً اتصلت بزوجي وطلبت منه ان يطلعنا انا وولدي من البيت بعد عودته من المنزل بحكم انا ماطلعنا بالويك آند غير بيت اهلي وزيارة قصيرة لأهله .. اجاب بالموافقه انهيت الخط بالأتفاق بعد عودته اخبرني انه طلع من الدوام قبلها بوقت عشان يجيب اغراض لأهله من مكان قريب من عمله واخبرني انه بنزور اهله وبنودي لهم الأغراض .. سكت .. قلت له بس احنا متفقين اتفاق ان كذا وكذا وانا نطلع الليله قال لي ايه نطلع نروح بيت اهلي وبعدين ارجعكم البيت واطلع مع صاحبي بحكم انه محتاجني في شغل ..! قلت له بس احنا ما اتفقنا كذا ..! سكت ثم قال طيب وين تبي تروحي يمكن اقدر اقضي مشوارك قلت له ماهو مكان معين بس ابي اطلع \ سكت عني قال ايه نطلع بيت اهلي قلت له انا مو طالعه قال طيب بكيفك بس انا وولدي بنطلع بيت اهلي قلت له ولدي مو رايح معك ملاحظه : ولدي عمره 7 شهور \ قال بلا قلت أدب ولدي باخذه معي ! المهم قال لي بتبدلي له بدلي ماراح تبدلي له باخذه وهو كماهو عليه .. خلص وجهز وانا مابدلت للولد لأن مو من حقه ياخذه المهم صار نقاش حاد بيني وبينه في مجمله ان هو مو مقصر معانا ودايماً يطلعنا وقال لي من اليوم ورايح مالك الا يوم بالأسبوع تطلعي وتختاريه طبعاً يقصد غير بيت اهلي واهله قلت له خلي اليوم هذا لك مابنموت اذا ماطلعنا تمشيات وغيره .. انا مانكرت ولا قلت هو مايطلعنا ولا قلت له مقصر .. ! المهم جى بياخذ الولد ومسكته قلت له ماتاخذه الولد صغير ومايستغني عن امه وانا اعرف نظامه و بكره اذا كبر خذه معك لأي مكان ماراح امنعك .. المهم هو انقهر وهدد وتوعد ولما رجع البيت قفل على نفسه المجلس وقمت انا انقهرت من تصرفه لأن ولده لمحه وهو جايب اغراض وقام يبكي يبغى ابوه وضل الولد يطالع في الباب ويبكي الولد كسر خاطري وماله ذنب وماجلس معه غير نص ساعه ! قمت انا وقفلت الباب الفاصل عشان الولد ينسى ويلهى ولا رجعت فتحته مدام استغنى عنه واختار يستقل بنفسه بكيفه واغراضه كلها داخل \ انا ماحس نفسي غلط ولا يستدعي الموضوع انه يوعد ويتوعد او يتصرف تصرفات اطفال والطفل ماله ذنب .. انا اتصلت عليه كذا مره ورسلت له مسجات ومافي رد منه يعني هو اختار ان مانتصالح ولا نحل المشكله ..؟؟ الي قاهرني وخلاني اقول له مو طالعه من الأساس ان كذا مره البس ونتجهز على اساس بنطلع نتمشى ونروح بيت اهله وما اقول شي بس تكررت كثير هالحركه \ اما صاحبه ليلتين مطنشه ليله نام وليله ماله خلق يرد .. انا متضايقه وولدي كاسر خاطري بس انا لا بتأسف ولا بعتذر لأن ماغلط وقلت له ما اعاندك والله ما اعاندك ومتعلم لي يمد يده بعد لما يعصب طولت عليكم .. |
امممممم
الامر بسيط جدا سأعود |
بالإنتظار
|
حبيبتي ياريت كل المشاكل بهالبساطه، والله هالشغلات حتى لا تعتبر مشاكل، اقرئي المشاكل اللي بالمنتدى وبتعرفي انو هاي من فواكه الحياه الزوجية، ههههههههههههههههه
بس بحكيلك اختي، الرجال زي الولاد الصغار، بعمرهم ما بيجو بالعند، وكل ما شديتي بشدو، ديري بالك عبيتك، وخليكي مرنة. الله يوفقك.. |
المسأله بسيطه وماتحتاج كل هالعناد والجفى بينكم..حلي المسأله الآن وأنهيها مع زوجك بالصلح والتفاهم وان ماشفتي نفسك الآن رايقه للتفاهم والنقاش أعتذري منه وقولي له ما أبيك تنام وان زعلان علي..وبعدين اذا هديتوا طلّعوا مافي خواطركم,,طالما زوجك باعتراف منك مو مقصر وحاطكم على قائمة أولوياته بدليل تخصيص أيام للزيارات ويوم للطلعه هذا سبب كافي يخليك تعدّين الي صار اليوم وتراجعين حساباتك ورد فعلك مع زوجك على مابدر منه اليوم...حبيبتي النكد يقتل المحبه بين الزوجين والجفا يقسي القلوب..لا تخلين موقف تافه وعارض زي كذا يتصعد بينكم ومثل ماقلتلك أنهي الخلاف باعتذار أوكلمه طيبه وتأكدي ان الاعتذار ما راح يقلل من قيمتك أو ينزل من شانك خااصة ان الخطأ مناصفه بينكم الا بالعكس الكلمه الزينه بتكون دليل على تقديرك لمواقف حلوه جمعتكم وحفظك للمعروف وحسن العشره الي تربطكم ببعض ,,
|
اختي سلطانة نفسها كلامك جميل جداً وشكراً على كل الي كتبيه بس للأسف زوجي نام وقف الباب طقيت الباب ليما شبعت وماحن قلبه يقوم يفتح لي .. خلاص بكيفه الي علي سويته |
ام محمد شكراً على حروفك الجميله وسعتي صدري .. وضيقتي بس ياحبيبتي كل واحد معوا هموا على قده .. والا انا غلطانه |
اختي
صحيح اتفق زوجك على الخروج معك ،، ولكن ربما حدث امر طارئ وجب ان يقف مع صديقه لاتنسي انه يحاول الوفاء بوعده لك بأن يجعلك تخرجي بالرغم انه ليس المكان الذي تريديه ولاتنسي ان طاعة الزوج طاعة لرب العالمين ، وما من امرأة باتت وزوجها عليها غضبان لعنتها الملائكة حتى تصبح -- الامر الاخر تعليقي على كلامك اقتباس:
-- لكن ما استقرأه من كلامك وهو سوء التعامل مع افعال الزوج مثل قولك اقتباس:
-- لكن مثلا مثل العبارة التي قلتها له اقتباس:
-- لاتنسي ان ردود زوجك الأخرى مثل اقفال انعزاله بغرفة هي بسبب ردودك اتي استفزته واذا كنتي تقولي اقتباس:
=== اختي لاتعاندي فالعناد باب من ابواب الشيطان قد يؤدي الى دمار بيتك الزوجي ودائما الحياة الزوجية والعشرة الزوجية تحتاج الى ان ينكسر كل طرف الى الاخر وانزل اجنحة المودة والرحمة بين الطرفين هي من تحافظ على اساس العش الزوجي ومتانته ملاحظة :- لم ترق لي أبدا الطريقة التي تتحدثي بها عن زوجك هنا !!!! |
اقتباس:
انتي والله فهمتيني غلط وانا اسفة اذا ما عرفت أعبر، بس يا حبيبتي انا زي ما فهمت انو انتو لسه في بداية زواجكم، يعني هاي هي المرحلة الدهبية لإلكم كأزواج، يعني لازم تكون اغلب ذكرياتها حلوة عندكم، والاهم من هالحكي انو بدك تعرفي شي كتير مهم هو انو غالبا وان ما كان دايما المرأة هي اللي بتتنازل، واسألي مين ما بدك بتلاقي انو هيك الوضع والا والله المركب مابيمشي، وانا عشان هيك بحكيلك تجاوزي وكوني سلسة، وابدا ما تفكري اني بستهتر بمشكلتك، بعتذر كمان مرة. |
بصراحة انت علطانه لكنك ما قدرتي ظروف زوجك
المرأة الحكيمة تقدر تكسب زوجها وتاخذ منه الي تريد بالحكمة وترا العناد يخرب البيوت |
| الساعة الآن 10:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©