البويضه تكبر بسرعه ولا تنفجر؟
 

دكتورتنا العزيزه
كتبت لحضرتك اكتر من مره ولم يتم الرد
انا كنت اخدت الشهر ده كلوميد وحقنة فاستيمون في اليوم السابع للدوره وعملت المتابعه بالسونار المهبلي
للعلم انا كنت اعاني من تكيس



انا عملت متابعة تبويض بالسونار المهبلي
في اليوم السابع كان في بويضتين في المبيض الايمن 12و 13
والايسر 15
واتصلت بالدكتوره قالتلي خدي اول حقنه وروحي بكره تاني
فعلا رحت اليوم فوجدت الايمن الاتنين اصبحوا 15 والايسر اصبحت 19
وكلمت دكتورتي وقالتلي كويس جدا مش هناخد حاجه تاني وروحي بكره برده للمتابعه
انا مش فاهمه ليه المتابعه؟ ويعني ايه الاحجام دي؟ وهل كده التبويض حدث من اليوم السابع ولا ده ايه؟
ارجو الرد
جزاك الله كل خير

انا رحت في اليوم الثاني عشر
وكانت بويضة الشمال 29
واليمين 24 و 25
ولسه ما في حاجه انفجرت ودكتورة الاشعه مستغربه بس قالت كده احنا ممكن نعرف الخلل فين ؟
هل البويضه بتكبر ومش بتنفجر؟
وكده نعرف نعالج
وكتبتلي في التقرير mild p >c>o>d
وقالت ان التكيس بسيط
والرحم كويس
انا عايزه اعرف امته المفروض تنفجر البويضه؟
وايه الحل بالظبط؟
ارجوو الرد





دكتوره انا رحت اليوم14 عشان الدكتوره قالت عايزين نشوف مصيرهم ايه طالما مش هينفجرو
المهم دكتورة الاشعه قالت انهم عملوا كيس 3و3*3,6
والتاني 2,9*2,7
وقالت كده انهم هينفجرو مع الددوره او قبلها بيومين
ودكتورتي قالت ان احنا ان شاء الله هنبدا الشهر الجاي ناخد حقنه التفجير من حجم 18
انا مش فاهمه دلوقتي ايه الوضع؟ وهل كده خطير؟
ارجوكي تطمنيني

اهلا بك

البويضة الشمال لن تنفجر على الاغلب و قد يحدث معها كيس على المبيض و يوجد فرصة للبويضين ان ينفجرا و يحدث تلقيح لهما اذا تم الجماع في هذة الفترة , او يشكلا كيس مائي هم ايضا و بالتالي فهذا يعني انك تعرضتي لفرط تحفيز للمبايض و لابد من تغيير الابر المنشطة او اخذ جرعات اقل منها او تاخير اخذ الابرة .. لذلك لا بد من استمرار المتابعة للتاكد هل ستنفجر البويضات ام لا؟ , اسباب عدم خروج او انفجار الحويصلة يرجع لعدة اسباب منهال ارتفاع هرمون LH نتيجة لنقص هرمون البروجسترون لذلك يجب عمل فحص لهرمون البروجسترون باليوم واحد و عشرون من الدورة .

اذا ثبت ان يوجد اكياس حدثت مكان البويضات فلا انصح بالمنشطات هذا الشهر و لابد من متابعة الاكياس الى ان تختفي و عادة تختفي بعد شهر - 3 اشهر مالم تكبر .

اشكرك جدا علي الرد
بس ياريت حضرتك تعرفيني هل اللي عمل كل ده هو الحقنه (فوستيمون) لان انا اول مره اخدها مع الكلوميد
وهل برده المتابعه هتكون بالسونار المهبلي ولا العادي يبين؟
وارجوكي هي كده ممكن يحصل حمل مع ابر التفجير ولا الوضع كده بئه اخطر من التكيس؟
ارجوكي طمنيني
وجزاك الله كل خير

الله يجزيكي الجنه

اهلا بك

نعم الابر هى سبب فرط التحفيز ولابد من تقنين جرعات المنشطات من قبل الدكتورة و المتابعة بالسونار تتم اما داخليا او خارجياً - ما يراه الطبيب - .