زوجي صار يطلب خدمات فندقيه
 

بعد التحيه بدخل في موضوعي اللي يتضح معناه من عنواني انا متزوجه لي ثمان سنوات حياتي مع زوجي روتينيه بحته يعني يداوم بعدين يجي يتغدا بعدين ينام بعدين يصحا يشرب كاس شاي ويطلع ويرجع العشاء يجلس على اللبتوب ويخلص اشغاله ويتعشا احيانا وهو عليه ثم ينام كثير كنت اتزين ولا يدري عني بسبب كثرة اشغاله وروتينه الممل لين جتني ردة فعل وصرت نادر البس الا في المناسبات المهم له فتره صاير يطلب مني خدمات فندقيه في طريقة ترتيب السرير وتجهيز الحمام وتقديم العصير والكابتشينو واللبس والاناقه وكل شي صار يدقق عليه طبعا ان ماعندي شغاله وهو اذا طلب هالاشياء يقول احلم بكذا وكذا وكذا في يوم كسر خاطري وقلت يالله خلني احقق له لو يوم من احلامه وسويت زي اللي يبي وانبسط كثييييير وشكرني طبعا ذاك اليوم كان المطبخ قايم قاعد لكن عشانه قال حققي لي احلامي واتركي شغل البيت لان الشغل مايخلص بس زي ماقلت الكم يوم واحد وكان ثقيل علي والبيت صار مكركب طبعا عندي طفلين يحتاجون عنايتي وهو بطلباته يبي وحده على حسابه هو وبس المهم جا ثاني يوم وانصدم بان كل شي رجع زي اول وقال ايه حلمي تحقق بس يوم وراح الشكوى لله طبعا انا اتأثر اذا سمعته يقول كذا وفي نفس الوقت اتثيقل طلباته لاني متعوده على روتين معين وهو يبيني اغيرة فجأه ارجوكم شوروا علي وساعدوني وفهموني هو ليش صار كذا:(:(

إذا تفتحت عينه على شي وطلبه منك فالحمدلله انه اتجه لك

بالعكس لا تتضايقين

صراحه نظافة البيت أهم شي

لكن حاولي ببعض الاشياء

مثلا دايم خلي الشموع المعطره بالغرفه وبالحمام

اضاءة الغرفه هاديه

نومي عيالك بدري علشان تتفرغين له

إذا هم كبار شوي دخليهم بالروضه

يتسلوا وتاخذين وقت راحه

بس لازم يعرف انه هو كمان يتعاون معاك شوي

سواء بالشغل أو مع الأطفال

اختي انتي في الاول شكيتي من الروتين

والان تغير وانتي مو قادرة على التغيير

مشكلتك تنظيم الوقت

مو لازم لما تحققيله النظام والترتيب البيت يقوم ويقعد خلي الخدمة الفندقية مثل ما سميتيها هي اساس بيتك

اعتقد ترتيب السرير وكاس العصير المقدم بطريقة شيك والاطباق المشهية المرتبة هتكون يوم ويعدي ليش ما تخليها طبع عالطول هذه اشياء اساية وليست اشياء صعبة التحقيق وهذه اضعف الايمان


واضح ان عدم اهتمام زوجك بيك في الاول هو نوع من انواع العقاب اللي كان يعملها عليك من اجل لفت نظرك للي ناقصه حتى تزينك له غير كافي من وجهة نظره لان جو البيت ككل من حيث النظام والترتيب موعاجبه للاسف وحاسس باهمال والحمدلله انه صارحك وقالك اللي يتمناه وطالما قال عاللي يحلم بيه هو الان يعتبرك مقصرة للاسف لانك عارفة اللي يسعده ومانك قادرة تعمليه

للاسف الرجل لا يعترف بكم المسؤليات الهائلة التي تقع على كاهل المرأة الام

نظمي وقتك لاسعاد زوجك لان اولادك ماراح ينفعوك وزوجك مضايق من جو البيت ومو مرتاح بيه واحمدي ربك انه يسعد بالتغيير ويشكرك عليه

نظمي ؤقتك

والله ماطلب الا حقه واقل من حقه !!

ابن الحلال ماقصر قام وشكر الشي اللي سويتيه !!

نصيحه زوجج ابدا .. من كل شي