|
التعرف على جيراننا الجدد.
السلام عليكم ورحمه الله وبركاته اول مره اكتب في هذا القسم وابي استشيركم بجيراننا انا سكنت بعماره شقق وانا اخر وحده دخلت العماره طبعا اليوم لي سنه ومااعرف احد من جاراتي اللي بنفس العماره زوجي تعرف على رجالهم يقول حدنا سلام بالمسجد حاول يتقرب منهم ماقدر:(.... وانا عن نفسي عندي عزه نفس انا اخر من سكن بالعماره واللي لاحظناه بالاخير انه محد يروح عند الثاني ...... المهم الان سكنواااا ناس بعمارتهم الجديده جنبنا فحبيت اهديهم باقه ورد وكيكه كبيره بمناسبه سكنهم ببيتهم الجديد:14: وانا مااعرفهم:d..... ايش رايكم تكون مبادره حلوه مني ومنها حقوق جيراني عليينا.... ابي ارائكم تكفوووووووووووووووووووووون |
فكره حلوه
منك لان النبي صلى الله عليه وسلم وصى بسابع جار وجيرانك الباقين حاولي تتعرفين عليهم كوني أحسن منهم سوي الي عليك وأذا ماجوك بكيفهم اهم شي انتي ماتكونين مقصره |
مشكوره قلبي طفل مغرور وجزاك الله الف خير |
فكره حلوه يامنوووووووور
لايكون انتي الي سكنتي في شقتي القديمه ترى محدراح يجيك هههههههههه ا |
فكره حلوة واصلا اغلب العمائر زي كذا في النادر تلاقيهم يتواصلوا
|
صدى الايام لا ماسكنت بشقتك انا الشقه اللي ساكنه فيها جديده محد سكنها قبلي فأكيد موبشقتك شكلك هجيتي من جيرانك الاوزون ممكن لان كل واحد منا مدخله بالحاله يعني نظام دبلوكس حتى مدخل السياره بلحالنا |
فكرة جميلة
ولكن كل ما اخشاه ان تفتحي على نفسك باب وتندمي فيما بعد لو اكتشفتي شي مو زين بأخلاقهم كنقل الكلام وافشاء الاسرار والغيبة والكذب اهم شي تتأكدي من كونهم ناس خلوقين واهم من كل ذلك هو رغبتهم الحقيقية بتكوين صداقات مع غيرهم من اهل الحي فلربما ذهبتي ولم يبادلوك الزيارة فعندها ستشعرين بالحرج كونك غير مرغوب بيك الاول خلي زوجك يتعرف على الرجل بالمسجد ويشوف لو الرجل رحب بيه وكان بشوش اعتبريها علامة موافقة { مبدئية } لذهابك |
سعاد حبيبتي
انا ماراح انتظر منهم رد واذا كانت اخلاقهم موحلوه فاكيد انا اللي راح ابعد وزوجي يمدح فيه قابله بالمسجد وباركله المسكن الجديد ويقول انه ارتاح له عشان كذا انا تحمست بزياده المهم راح اخطو هذي الخطوه واشوف نتيجتها |
منور ..
سوي لهم ترامس قهوة وشاي ..وقاتوه وطبق معجنات ..يا تسويه يا تشتريه جاهز ..وارسليه لهم .. انا بهالطريقة تعرفت على جيراني .. واذا عندك تليفون ثابت خلي زوجك يعطي جاركم الرقم ..او ياخذ رقمهم وكلميها وباركي لها بالبيت .. واذا تعرفتي عليها تماام ..ممكن تعزميها ..وتخلي زوجك يكلم جيرانك اللي بالعمارة الرجال طبعاً يقول لهم حياكم الله عندنا في اليوم الفلاني ..نبغى نتعرف عليكم وزي كذا.. |
مشكوره ياقلبي قوالب والله فكرتك حلوه بس انا حولت بزوجي يكلمهم ويعطيهم رقم البيت بس يقول ليه هم مايبدأؤن اما جيراننا الجدد انا ببدأ ان شاء الله وبعدها بعلمكم ايش صار |
| الساعة الآن 03:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©