|
ينزل معي دم وانا اخذ مانع حمل
اليوم بكمل الاسبوعين وانا ينزل معي دم وانا اخذ المانع
ولما اروح المستشفى يقلولون لخبطه هرمونات في احد مر بهالحاله او يفهم شيئ بهالموضوع ... بقى لي 11 حبه مانع وبتنزل بعدها دوره جديده .... يعني المسأله كلها دم في دم |
الله يعينك تصير معاي كثير .. اخذ الحبوب وبعد اسبوع من اخذها تتوقف الدورة ..
وعلى ذا الحال دورتي من سبع ثمان ايام صارت قرابة الاسبوعين .. لدرجة اني شكيت في ان يكون معايه شي لا سمح الله .. ولكن يقولوا انها لخبطة هرمونات .. الله يعينا بس .. |
شعاع من نور الله يجزاك خير على الاقل عبرتيني
والله الدم يزيد واخواتي يقولون اتركي حبب المانع وخلي الدوره تزل وانا محتاره بقى على الحبوب 8 حبات ولي تقريبا 16 اسبوعينزل معي دم .... والله تعبت غير الالم الظهر |
لا لا توقفي الحبوب فجاة
لانك اذا وقفتيها فجاة بيزيد النزيف .. وضعك مو طبيعي .. لاااازم دكتورة تشوفك .. لان لخبطة الهرمونات تكون نقاط بسيطة مو نزيف وكل ماله يزيد .. الله يشفيكي حبيبتي .. طمنيني عليكي .. |
هلا بك اختي شعاع من النور
بالفعل رحت اليوم للدكتوره وسوت لي تحليل حمل طبعا مافي لانها شكت بنزول الدم وسوت لي تصوير وعلى طول قالت لخخبطه هرمونات على ما اظن قالت ان بطانه الرحم سميكه والمبايض فيها نسبه بسيطه من التكيس ولله الحمد قالت لا تتركين حبوب المانع واذا تركتيها راح تتلخبط عندك الامور اكثر واكثر قالت شيئ استغربت منه قالت يمكن نزول الدم من صالحك يمكن ان الهرمونات جالسه تتضبط استمري على حبوب المانع واخذيه شهر ثاني وقالت استمري على الدافلون هو زاد الدم لما سافرت اول امس لان عندنا عزومه فتعبت فزاد الدم بعدها واليوم خف شوي يعني بظل مع هالدم الى الدوره الجايه ويارب يوقف بعد ما تجيني الدوره وما ادري اغير حبوب المانع والا اظل عليها اخاف اغيرها وتتلخبط الامور عندي او تسبب مانع قوي لي وانا ابغى احمل وما اخذتها الا كعلاج الدكتوره تقول اخذها نفسها لان الدم مو منها من لخبطت الهرمونات ... والله يعين ويجزاك خير ... |
الدم ينزل معي من 16 يوم
غلطت قبل وقلت 16 اسبوع ... |
الله يريح بالك
لا تتفلسفي :d اسمعي كلامها ويارب تحملي وترتاحي من هم الدم تسعة شهور .. قولي امين .. |
آمين الله يسمع منك
ويجبر بخاطرك .... |
| الساعة الآن 10:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©