لما والدتك تقعد تضايقك وتغيظك من غير سبب
 

يا جماعة انا دلوقتى من اقل مشكلة مع اخواتى امى تقعد تضايقنى وتغيظ فيا وانا مبكنش عملت حاجة يعنى كنت بتخانق مع اخويا قلتلو طب خلاص معلش عشان ماما لو عرفت اننا بنتخانق هتضايق وكدة قام زود فى صوته عشان ماما تسمعه ماما سمعت جت بقى تدعى عليا وتشتمنى وتغظنى وانا بقى جويا طاقة مش عارف اطلعها ازاى كنت هخرج عن شعورى تماسكت لاخر لحظة ومش عارف ادب فى الحيطة والمفروض لو سبت الطاقة جوايا غلط انا قرأت كدة فى مجلة بتأثر على الجهاز العصبى فا تماسكت وكنت خلاص اتخنقت وحسيت انى هموت من الغيظ وهيا تدعى عليا واخويا فرحان طبعا يعنى اعمل ايه بقى يا جماعة خلاص انا بكتب وانا مش قادر عايز اخبط فى كل حاجة

اولا : لعلاج الغضب الاعجاز العلمي للقران الكريم و السنه أكدوا انفراد القران الكريم و السنة النبوية الشريفة في علاج الغضب ، بينما فشلت مؤسسة الصحة النفسية العالمية حتى الآن فى التوصل لعلاج لهذا المرض النفسى

والرسول الكريم صلى الله عليه وسلم ، قد توصل إلي علاج للغضب منذ مئات السنين،

تنحصر طرق علاج الغضب في: السكوت عند الغضب ، ثم الاستعاذة من الشيطان الرجيم ، و تغيير وضعية الغاضب فاذا كان جالسا فاليقف مثلا أو العكس، و الوضوء ، والسجود

حيث أن الغضب من الشيطان ، و الشيطان من نار ، و الماء عدو النار، و هذا أبسط دليل يوضحه الاعجاز العلمي للقران الكريم والسنة النبوية الشريفة


في كم سؤال : كم عمرك وكم عمر اخوك ؟

والوالدة على طول معاك كده والا على جديد؟

ومع كل اخوتك والا مع اخوك هذا بالذات ؟

هيا ماما بتحبنى اه وكل حاجة لاكن مش بحب حد يضايقنى يعنى انا خايف لا تعرف انى بتخانق معاه تقوم شتمانى وتدعى عليا فا انا عمرى 15 سنة واخويا عمره 19 سنة وماما مش كدة على طول هيا لما بتكون مضايقة منى بتصدقصدنى وهكذا مع اخويا بردو يعنى لو مضايقة من حد عمل حاجة مثلاً تسقصدو مثلاً

شكراً اختى سعاد اتحلت المشكلة الحمد الله وماما طيبة جداً لاكن بتضايقنى بس من غير سبب او بتبص للمواضيع من جهة اخرى وخلاص صالحتها والحمد الله وعلى فكرة انا بحب اخويا دة جداً وهو بيحبنى جداً وهو قاعد جمبى

شوف اهم حاجة تبادر انت عالطول بمصالحة امك عالطول واياك تزعل منها مهما عملت معاك او عصبت منك واهم حاجة تشوف طلباتها وتلبيها ومرة مرة تهديها هدية بسيكة او حاجة تساعدها في أدوات المطبخ كده هتحس انك حاسس بيها وبتعبها واعذرها هذه امك واكيد عليها مسؤليات وعندها هموم انت مش هتحس بيها الان لما تصبح اب وليك مسؤليات هتفتكر امك وهتندم انك زعلتها حتى لو كانت هي اللي عصبت عليك

انا بعمل كدة بس ماما ميزيتها ان لو اتخانقت معايا وف اى وقت جيت اصالحها تصالحنى وتقبلنى وكدة لاكن فى امهات تانية لو ابنها عمل ايه مترضاش تصالحهم بس مش عارف ليه يعنى
الحمد الله ربنا يخليلى ماما طيبة اوى
اختى سعاد احب ان اذكرك انا Z-M

طبعاً فاكراك ولاحظت ان المعرف اتغير بس الاسم الجديد افضل وله معنى وهو اسم عربي اصيل

واعتقد انك اكبر من اخوك عشان كده الام دائماً بتعتب على الكبير لانه المفروض يكون هو الفاهم والواعي ولو ان البعض بيعصب على الصغير يعني مش قاعدة بس الاغلبية بتلوم الكبير

عالعموم انت عرفت الان اللي بيخلي الام تغضب حاول انك تتفادى السبب على قدر الامكان وتعذرها لان الام لا تعوض

انا اصغر اخواتى مش اكبر

الظاهر هي بتعصب عليك من باب انك تقدر اخوتك الاكبر منك وتحترمهم حتى لو هي عارفة انك بتعمل كل هذا بس بتعصب عليك لانك اصغر منهم

ودايماً بس الاخ الاصغر يحاول يمسك حاجة من حاجات اخوه الاكبر منه مثلا والكبير مش راضي عالطول ينادي على امه تعالي شوفي فلان مش بيخليني ادرس وتروح الام تدعي على الصغير مش عشان غضبانة منه لكن لانها بتكون مشحونة داخلياً ومتضايقة وعليها مسؤليات وبتحس ان عمل الصغير زاد عصبيتها وضيقها فبتعصب وتنرفز عليه وبتكون مش حابة هالفعل هذا يتكرر لانها لا تحب المشاحنات والمشاكل بين الاخوة