ليش نوم الناس كلها ثقيل وانا لا ؟
 

السلام عليكم ورحمة الله
ادري ان بعضكم راح يقول هذي مو طبيعية ومريضة وكل ماشاف موضوع من مواضيعي يقول عني اشياء
لكن والله ماهمني الانتقادات السخيفة فانا هنا عشان اكتب واقول كل الي بداخلي وان كان تافه
الاحظ اغلب الناس تقبل وانا لا وخاصا بالسعودية واولهم زوجي ماشاء الله تبارك الرحمان مجردة مايحط راسه على الخدة يدخل بالشخير اقوله مامداك تستغرق في النوم عشان تشخر يقولي الله اكبر على شيطانك
استغرب كيف العالم تريح بعد الغذا وتنوم وترتاح وانا لا
اذا حطيت راسي على المخدة سواء بالليل ولا بالنهار اجلس اهوجس وافكر وحوس الدنيا بالتفكير احاول افضي مخي من اي شى مقدر واحيانا اضطر اخذ منوم باليل لانه مو معقول زوجي نايم وانا اجلس رايحة جاية من غرفة لغرفة
احس اني اختلف عن باقي الناس بكل شى فزوجي مهما كانت عنده من مشاكل ينام ويعطي وقت النوم حقه وانا صعب انام لو خاطري متكدر من شى وحتى وان كنت فرحانة اصحى اخاف اول ماانوم الفرحة تغيب عني اتمنى اتلذذ بسويعات القيلولة زي الناس محرومة منها
هالجين قبل لا ادخل المنتدى حاولت كثير وجالسة اتقلب بسريري زي الحية ابد عيا النوم يجيني قمت صلحت قهوة ودخلت احكي لكم وش الي يصير معي
هل انا مو طبيعية ؟
هل انشغالي بزوجي والحب المدمر الي انا عايشته هو سبب معاناتي وهو الي مطير النوم من عيني ؟
تدرون ماني كافرة بالله لا وربي بس ودي الله يرضى بلقائي حتى ارتاح واريح من حولي وانتم بعد ترتاحون مني
بس ادعولي بالرحمة في قبري

عندك اطفال ؟؟

القصد من سؤالي انك تتعبي معاهم خلال النهار فما تلحقي تحطي راسك الا انتي باحلى غفوة


حاولي تشتغلي بالنهار و تتعبي ... يطلب جسمك النوم و تنامي بسرعة

لا حبيبتي مو عندي الله يرزقني وياك

الله يعينك يالغالية
انصحك تروحين للحرم اذا انتي بمكه اوقات عدم نومي يمكن ترتاحين هناك
الله المستعان

الله يرزقك بالذرية الصالحة يا رب

طيب حبيبتي حاولي تقراي كتاب ..تسمعي قران .. اي شي ينعس يعني و لا تفكري انك مو قادرة تنامي

أختي الكريمة حور الدنيا

أبد مافيك غير العافية
وأظن والعلم عند الله أنك مدمنة للقهوة ...والقهوة والشاي كما تعلمين من المنبهات إللي تطير النوم

أنا عن نفسي أحب الشاي الثقيل ومع ذالك لا أشربه في الليل
وحين أشربه ليلا ..لا أذوق طعم النوم لأن الشاي من المنبهات اللي تطير النوم

وغير هذا عليك بقراءة القران قبل النوم وإذا شغلك الهم فقومي إلى صلاة الليل لأن فيها راحة وطمئنينة

صدقيني الشيطان ما راح يخليك بمعنى إنه راح ينومك غصب عنك


ولا أنسى ...يبدو أنك متعودة على الحبوب المنومة ..حاولي تتركينها وتعتمدي على ربك ونفسك في النوم

اتمنى لك التوفيق

عادي كلنا ما ننام الا بعد ما نرهق نسفنا بالتفكير

تعوذي من ابليس وحاولي تسمعين الايات والسور اللي حافظتهم

وان شاء االه الليلة تنامين بسرعة

عادي ليه زعلانه اذا حاسه بي ارهاق وتعب من عدم النوم هنا يكون في مشكله بس اذا جسمك يكتفي بي 4 ساعات او 5 ساعات باليوم فاتكون طبيعه جسمك كذا

على فكره انا امي اذا نامت 3 ساعات او 4 قالت خلاص الحمدلله نمت كويس والضهر يمكن 10 دقايق تكفي وخالي برضو كذا ونومه قليل جدا ومتقطع كمان لانه دكتور ويناوب بالليل
وزوجي برضو نفس الشي اما انا انام 7 ومرات الي 9 ساعات واصحى اقول نعسانه ومجهده فا ايش اتسمى حالتي برضو اكون مضايقه من نفسي

بس افحصي هرمون الغده الدرقيه احتمال عندك زياده وهيا الي تسبب الارق