|
زميلة زوجي في العمل تحاول التقرب منه ؟
السلام عليكم فالبداية بعطيكم نبذه عن حياتي وانتوا احكموواا انا عمري 22 سنه ومتزوجة من 4 سنوات وعندي ولدين وحياتي مع زوجي ولا أروع الحمدلله زوجي مب امقصر علي في شي امغرقني بالكلام الحلو والدلال والدلع وحنووون علي واااااااااااايد وانا طبيعتي وااايد خجوله حتى منه كنت استحي بس عشانه وااايد تغيرت وصرت ابادله نفس الحب والدلع لدرجة ان اهلي واهله قاموا يضربون المثل فيننا والكل يعرف من اتكون (انا)بالنسبة حق زوجي وربعه يقولون له زوجنا من اهل زوجتك نبي نفس زوجتك وربعي نفس الشي ولين الحين حتى اني وااااااايد بديت اخاف على نفسنا من العين واقول يمكن اللي صار من عيون الناس وزوجي من النوع اللي وايد يسهر مع ربعه خصوصا هالفتره قبل كان فالويك اند الحين صار يوميا لدرجة انه يرجع انا نايمه حتى مافي وقت نقعد مع بعض الا عند الغدا وعادي مايصير بيننا شي الا فالشهر مره وانا اعرف انه واااااااااااااااايد مضغووط فالشغل وباله طوول الوقت مشغول هو زوجي عنده بعد شغله الخاص فاعرف الريال لما يكون مضغوط ونفسيا مب مرتاح مايقدر يفكر فال..... وانا من النوعالخجول فعمري ماطلبت منه المهم مشكلتي بدت من 5 شهور زوجي عنده جوالين واحد معاه طول الوقت والثاني حق الدوام ويخليه فالسياره عشان مايزعجونه وهو فالبيت مره شفته الجهاز محطوط عالطاولة وهو فالاصل كان جهازي فأخذته ابي اشوف مسجاتي اللي كنت امخزنتها وانا ادور المسجات وهو قاعد يشوفني سالني شتسوين قلتله وين مسجاتي الا يقول مسحتهم وكنا انسولف عادي وانا عيني طاحت على اسم بنت وعرفت انها معاه فالدوام لان امسجل عند الاسم اسم المكان اللي يشتغل فيه المهم جاني فضول اقرا المسجات وقريتها وحسيت شعر راسي بيوقف اللي كنت اقراها هي المسجات الصادره الليهي منها وهي البنت اجنبيه واغلب المسجات سوالف (( حبي وينك ,, حياتي انا رايحه المكان الفلاني ,, وضحك ,, وهالمسج اللي ذبحني (((ماما زعلت شوي بس بابا تقبل الموضوع,,وجولي جننتني (من نفسي فسرت يمكن بنتها)) المهم قرب زوجي مني وانا اقرا فاظطريت اسكر الجوال واحطه عشان مايلاحظ وانا ويهي تغير صددددددمة حياتي ووقتها انا كنت طالعه ابي اروح بيت اهلى وهو اللي يوصلني المهم وصلني وطوول مانا قاعده افبيت اهلي مااقدر اكلم احد خانقتني البره وابي اصيييح اعتذرت ورجعت البيت قعدت صحت وانفجرررررررررررررررررررررررررررت فالاخير قررت اني اواجهه ولاول مره افحياتي طرشتله مسج (انا قريت المسجات اللي فالجهاز واحس اني بنفججججججر ,ممكن اعرف من اتكون فلانه ؟) فاتصل فيني وانا كنت اصيح وهو عمره ماشاف دموعي بس من صوتي عرف وصوته وااايد كان هادي وحزين ويكلمني ابكل هدوء فقاللي انه هذي وحده معاه فالدوام وهو خدمها ((نسيت اقولكم ان زوجي من النوع اللي وااايد خدوم ويحب يساعد الناس وسمعته طيبه عند الكل والكل يمدح فيه وهو من النوع الجريء ممكن ياخذ ويعطي مع الكل سواء ريال او مره ويقولي سوالف البنات معاه ودايما اقوله لاتعطيهم ويه يمكن يفهمونك غلط )) المهم هالبنت هو ساعد ابوها فيقول انها واهلها وايد اشكروه ويقولي انا مااقولج يمكن البنت وااااااايد حاولت انها تتقرب مني بس انتي عارفة مكانتج افقلبي ومافي وحده فالدنيا تسواج ووممكن تاخذ مكانتج وانا لما جيت وخطبتج خذتج وانا مقتنع فييج ومستحييل اخوووونج افيوم من الايام وراس امي اللي ربتني احسن تربيه انه هالبنت مالي علاقه فيها واهلي علموني الحلال والحرام لاتتوقعين اني بسوي شي حرام وانا قلتلج حتى لو بتزوج انتي اول وحده بتعرفين ودموعج غاااااااليه وانتي شكلج ماقريتي الرسايلا المرسله ولا كنتي بتعرفين و انتي اتعرفين انا عادي عندي اخذ واعطي مع البنات واتعرفين سوالفي قلتله اي اوكي بس مب لهالدرجه انها اتقولك حبي ووو لازم اتحط لها حد ليش تعطيها مجال ؟ قال اوكي والله اعرف اني غلطان بس اللي ابيج اتعرفينه وتتاكدين انه مافي شي بيني وبينها ووووو و و و المهم فالاخير رضيت ورجع البيت وكان طول الوقت متضايق انه زعلني لاول مره وانا اعرف ان في بنات حرام واااايد مثلها وهي اتعرف انه متزوج وعنده عيال وليش فالبدايه ماقلتله ليش ماسالته عن كل مسج اشتقصد ليش سكت؟؟ من كثر ماكنت اصيح ومصدومه مافكرت اساله المشكله اني كل ماتذكر المسجات اقول انزين هو اشدخله اتقول له وين بتروح وليش تضحك اشكان يقوللها ومتحسفه اني ماقريت الرسايل المرسله بس سكت وماقلتله ,, مع اني كل يوم فالليل اتضااااااااااااااااايق ومااقدر انام بعدها اابفتره رحت اشوف جهازه بدون مايدري لقيت كل المسجات ممسوحه ,, لين اليوم بعد جاني فضول ورحت بالخش خذت جواله وهو نايم حصلت رساله منها ولما فتحتها صورتها شكلها كانت قاعده في كوفي شوب او مطعم لان يبين في شباب خليجين ورى والرساله امطرشتها امس الساعه 12 فالليل .. وفي الرسايل الصادره ماحصلت شي ومن ظمن المكالمات بعد ماكان في رقمها المشكله انا مابي اشك افزوجي يمكن يطلع بريء وهي بنت حراااااام مب راضيه تتركه انا اعرف انا شنو بالنسبه حق زوجي واعرف انه يحبني ومافي شي افحياتنا يدل انه على علاقه ابوحده ثانيه بس مااااااااااااااقدر ابي اكلمه بس شنو اقوله انا من يوم المسجات ماتكلمنا فالموضوع على اساس اننا نسيناه ومانبي وحده سخيفه اتخرب حياتنا بس زوجي ليش مايكلمها ليش مايوقفها عند حدها وليش اتطرش الصوره اشتبي اااااااااخ خاطري اكلمها اذبحها فكرت اخذ رقمها بس شنو اقولها؟؟ وابي اكلمه بس مابيه يعرف اني اراقبه اخاف يسوي شي من وراي انصحوووووووني شوروووو علي شسوي تعبت طوول الوقت مهموومه وقلبي مقبووض مابي افكر وااااااايد بعيييز وانا فبداية شبااااااااابي انا فكرت اقوله اني احلم احلام كئييبه هالايام وعشان جي كله متضايقه وان الحلم يتعلق فيها ومنهاا سأله للحين اتطرشله شي او لا انتوا اشرااااااااااايكم ؟؟؟؟ |
تم نقله الى القسم المناسب
.. الإشراف .. |
أولاً : أنصحك إنك تصدقين زوجك
لانه كان صادق معك وأخبرك بالحقيقة مباشرة ولم يحاول أن يتهرب أو يكذب عليك ثانياً : خجلك الزائد قد يكون ممل للزوج بعض الأحيان ويجعله يعجب بالجريئة والحركة ثالثاً : يعني لو عرفت أنه بينه وبينها شئ إيش بتسوين يعني ..؟؟ رابعاً : هذه الكلميتين التي ذكرتيهما في كلامك لاتجوز وأستغفري الله لذلك قولك ( وراس امي اللي ربتني احسن تربيه ) وهذا حلف بغير الله وقولك ( بنت الحرام ) وهذا قذف بأنها ولدت من طريق غير شرعي |
اقتباس:
شوفي حبيبتي اولا لا تتساهلي مع زوجك في مسالة انه يتعود في الكلام مع البنات اقنعيه ان هالشى اولا حرام ثمن مايجور يكلم وحدة في حدود خارجة عن نطاق العمل وماتوصل السالفة لاخذ الرقم والمسجات وان كانت معه بالعمل يقدر يكلمها في حدود العمل وبدون اخذ جوالات وتميع في الكلام لان زوجك جالس يفتح على نفسه ابواب جهنم وهي الشيطان لازم يوقف سوالف مع الحريم في اشياء لا ترضي الله ويسكر هالباب ثانيا انتي صدقي زوجك واعرفي انه يحبك انتي وليس بنات الحرام الي يسلطون انفسهم على الرجال الشى الي ابغاك تركزين عليه هو الحكمة في تصرفك مع زوجك كما فعلتي اول مرة استمري فانتي والله قوية وبطلة لان غيرك ممكن ينهار وينخرب بيته من جد احيك وفي نفس الوقت ابيك تجلسين معه جلسة مغلقة بحوار هادق وراقي وتقنعينه ان هالشى مايجوز وانه ممكن تضيعه اي وحدة بالسوالف التافهة الي ماتودي ولاتجيب اسال الله ان يرزقني وياك الحكمة يابنت الاجواد والله الحكمة في الحياة الزوجية وان كانت المصايب قوية فهي نعمة من الله..الله يسعدك حبيبتي ويبعد عنك اولاد وبنات الحرام |
اختي الحبيبة
والله انا صرت اخاف اني اشارك لانو بعض الاعضاء بعتبرو مشاركاتي صريحة، بس انا متل حبي لمساعدة ومشاركة الجميع ايا تكن هالمشاركات، بحب اعطي رأيي وانتي بتقرئي وبتقيمي فيما اذا كان مناسب لإلك او لأ. انا شايفة انو يمكن كلامو صح، بس هل سألتي مين هي اللي حكتلو عنها في المسج انها جننتها؟؟؟ وطالما انو هو بحكيلك انو هي بتحكيلو اهلي بشكروك، فليش حكتلك بابا زعلان وماما مو متقبلة او شي من هالقبيل؟؟؟ معناتو في موضوع مطروح للنقاش بينو وبينها ايا يكن، عن اي موضوع، مو شرط علاقة بينهم، واهلها بعضهم وافق وبعضهم اعترض. وما كان في شي ممكن يحسم هالظنون الا لو انك قرأتي الرشائل الصادرة منو، لتشوفي شو موقفو منها، هل هو بصدها او بتماشى معها، بس طالما انو مسحها صعب نتأكد، بس متابعة لهالجزئية، لو هو معني يطمنك ليش ما خلى الرسائل الصادرة عشان يريح بالك؟؟؟ لانو هو حكى انو من صندوق الصادر بتأدري تعرفي، ما كان لازم يمسحو. اما بالنسبة لصورتها، ممكن هي بترمي بلاها عليه وبتحاول توقعو بشباكها، وهو من طرفو ما في شي.. الله اعلم. انا لو مكانك بكون عندي بعض الشكوك وعلامات الاستفهام. انا والله يا اختي ما بحاول اخليكي تشكي او تكتئبي، بس انتي هون بتلجئيلنا و المفروض انو كل شخص منا يحكيلك هو كيف شايف بموضوعية وحياد. حاولي تعرفي منو هو شو حقيقة هالعلاقة، وما تبكي وانتي بتسأليه لانو ممكن دموعك تخليه يخاف يصارحك اذا في شي فعلا، حسسيه انك قويه وبتتحملي، وحلفيه، وفهميه انو اذا كان في شي رح يبين هلأ او بعدين، من الاول احسن عشان يضل بينكم ثقة. ما بتوقع هلأ انك رح تأدري تراقبي موبايلو لانو اذا في شي لا سمح الله رح يكون حريص كتير. وممكن يكون ما في شي، بس انتي من كلامو معك ومن احساسك فيه، ومن نظرة عينو ان شا الله رح تقدري تميزي صدقو من عدمو. يارب يكون ما في شي، بالله عليكي تطمنيني عليكي. الله يوفقكم ويسعدكم. |
اقتباس:
وايضا عليك بإشباع زوجك عاطفيا يعني ... ولو ماطلب انت اطلب منه هذا شيء حلال عليك لانه زوجك لانه بعدها ما راح يبحث عن حاجاته |
سبحان الله دوما نحن النساء نجلب لانفسنا العتاء والمشاكل وذلك بسبب التجسس والتفتيش وراء الزوج وعندما نصدم بشيء نقف عاجزين عن الحل لماذا لا نختصر على انفسنا هذا الطريق رب العباد الحكيم الخبير جل في علاه عتدما نهانا عن التجسس لم ينهانا عن ذلك عبث تعالى سبحانه عن ذلك
عزيزتي زوجك انسان ممتاز فلا تجعلي للشيطان مدخلا بينكماماعليك سوى ان تتصحيه وقولي له بان لكل شيء مقدمات والله عزوجل عندما نهى عن الزنى لم يقل لاتزنوا وانما قال( ولا تقربوا الزنى) حاولي معه بالينامايحذف رقم هذه المراة اويطلب منها عدم ارسال مثل هذه الرسايل خصوصا انها تجاوزت حدها ان كان بينهم عمل فليخبرها ان يكون الكلام في نطاق العمل وماعدا ذلك فلا ويبدو ان زوجك باسلوبه فتح لها المجال واعطاها الضوء الاخضر حتى وان كان عن حسن نية اكثري عزيزتي من الدعاء بان يصرف الله كيد هذه المراة واعود واقول لك توقفي عن التفتيش في جوال زوجك فهذه المرة اعتذر المرة القادمة لاتعلمين ردة فعله وكلما حكتك يداك للتفتيش اتركي هذا الفعل لله وفوضي امرك لله فهو حسبك ونعم الوكيل |
طيب وليه ماتاخذي رقمها وتكلميها ....!!
انا هذا من وجهة نظري .... |
اقتباس:
وخليه يدري زوجك !!!عااادي انصحك لاتعدي الموضوع بسهوله مع البنيه راااح تتتمادى اذا سكتي:( |
طيب عزيزتي مدام هو يحبك و يغليك
اطلبي منه انه يقدم الخدمة و لا يترك مجال آخر للتواصل اللي ماله داعي يعني بدلع و غيرة اطلبي منه يمسح الرقم و يبطل يرسل مسجات , لأن هذا لايجوز ويتكلم بجدية مع البنات إذا كان لابد من التواصل لأجل العمل , لأن الكلام بين الجنسين بهذه الأريحية و الفسحة الزائدة لاتجوز.. |
| الساعة الآن 01:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©