الدوره بتنزل اكثر من مره بالشهر
 

السلام عليكم يا دكتوره

أرجو ان يتسع صدرك لموضوعى يا دكتورتنا العزيزه لانى بجد بعانى من شهر ونص جعله الله فى ميزان حسناتك بأدن الله
اعانى من لخبطه بالدوره ...الدوره جائت يوم 23 فبراير وكانت مظبوطه جدا 30 يوم وبعد كده جات مره تانيه فى اليوم ال13 اى يوم التبويض رحت للطبيب قالى فى تبويض الحمد لله يمكن تكون لخبطه
اعتبرتها لخبطه ....لكن جات مره تانيه فى المعاد الاصلى يوم 20 مارس طبعا أنزعجت جدا وخوفت يكون فى شئ لا قدر الله
دهبت للطبيب كشف على الرحم بالسونار الداخلى وقالى الحمد لله ما فى أورام ليفيه او شئ عضوى الموضوع كله لخطبه هرمونات واللى عندك أضطراب دوره وظيفى واللى فى السونار دى دوره عاديه وما اعطانى غير دواء أسمه G_ pack و هو تقريبا مكمل غدائى ارجو ان تخبيرينى يا دكتوره عن ماهيه هدا الدواء وما هى اغراض أستخدامه المهم لم يعطينى منظم

مر 12 يوم وجائت مره تانيه فى اليوم ال12 من الدوره الماضيه ......يعنى الدوره بتنزل فى أيام التبويض. وبتنزل بألم شديد قبلها فى الظهر
أشعر يادكتوره انى أحتاج منظم لانى بالكشف على الرحم والمبايض بجد كل شئ سليم ومفيش سبب عضوى ...لكن الطبيب ما اعطانى شئ فما رأيك هل اطلب اخد منظم للدوره
وبعدين يا دكتوره الدوره بتيجى بكل اعراض ما قبل الدوره يعنى الم فى الظهر غير محتمل وعطبيه وأكتئاب وحبوب بالوجه و الم بالمنطقه الحساسه يعنى بشعر بكل اعراضها
مع العلم ياد كتوره انا الدوره عندى منتظمه جدا جدا على طول ولكن حدث هدا الموضوع مره واحده فى اول شهر زواجى من سنتين ونصف ايضا نزلت الدوره يوم التبويض ولكن قلت انه لخبطه هرمونات بسبب الزواج والتوتر وفعلا الشهر التالى انتتظمت الى الان لم يحدث مره ثانيه اطلاقا سوى الشهر الماضى

أرجو ان تفيدينى يا دكتوره وتطمنينى لانى بجد حالتى النفسيه تحت الصفر وجزاكى الله كل الخير بادن الله

ارجو وصف شكل الدورة و كميتها والون الدم و كم مرة تغيري الفوط الصحية التي تحدث باليوم الـ12 ؟

عموما يا دكتوره الدوره مش كتير فى الكميه بالعكس الفوطه الصحيه مش بتمتلى على الاخر لدلك لا اغير الفوطه سوى مره باليوم من ايام اللى بتكون اليوم ال12 وبالنسبه للون الدم اول مره كان أسود او بنى غامق جدا المره بعد كده كان بنى بس عادى او أحمر غامق......لكن المشكله يا دكتوره فى الالم بيكون جامد قبل النزول بكام يوم وبعد ما تنزل ينتهى الألم ومدتها 6او7 ايام وبتقل طبعا فى اخر يومين الى ان تختفى تماما مثل الدوره العاديه بالظبط
وطبعا اعراض الدوره بتكون قبل النزول ايضا من اكتئاب وعصبيه ونرفزه وحب الشباب كل الاعراض السابقه للدوره العاديه بتتكرر قبل كل دوره متقدمه جزاكى الله كل خير يا دكتوره

نسيت اضيف لك يا دكتوره ان اول مره يحدث معى هدا الشئ الشهر الماضى وبدأ بأفرازات ورديه من بعد انتهاء الدوره بيومين وظلت الافرازات الفاتحه مع الالم البسيط الى ان زاد الألم ونزل الدم الغامق جدا وبعد دلك نزل فى اليوم ال12 ولكن بدون هده الافرازات البنى الفاتح او الورديه
وأحب أسألك هل يمكن ان يكون كان فى حمل وبينزل الدم كل فتره ؟

انتظر ردك بشغف يا دكتوره ...تذكرت انى قبل ان يحدث هذا عملت فحص مابعد الجماع وبعدها ب10 ايام عملت فحص مزرعه الألتهابات والاتنين طبعا كانوا بالفحص النسائى بفتح الرحم هل ممكن يكون كان فى حمل ونزل من كثره الفحوص فى نفس الشهر او بطريقه خاطئه ؟ لانى يا دتكوره الألم مستمر عندى بمجرد انتهاء الدم يكون فقى ألم الى ان تنزل مره ثانيه ....معذره تعبتك يا دكتوره بكثره أس~لتى ولكنى بجد قلقه شكره لكى وجعله الله فى ميزان حسناتك أمين يارب

السلام عليكم يا دكتورتنا العزيزه ...لمادا لم تجاوبينى يا دكتوره ..لقد جاوبت على أسئلتك بناء على طلبك وانتظر منك الرد ..جزاك الله خيرا