|
اسمع صدى صوتي عندما اتحدث مع خطيبي!
السلام عليكم
كيف الحال جميعا توني جديده على هذا المنتدى بس سجلت لاني محتاجه نصايحكم بقولكم مشكلتي واتمنى القى تفاعل انا توني متملكه صار لنا 2 نكلم بعض المهم في المكالمه الثانيه وانا اسولف الا صوتي يرجع لي يعني كانو فيه صدى سالت قلت ليه صوتي يرجع لي قال حاط السبيكر عندي اختي بعدين زي الي غير الموضوع بعدها سولفنا شوي الا نفس الحركه ترجع قلت احس انو صوتي يرجع لي قال ايه اني رجعت احط سبيكر لانو جوالي خربان وربي ضايق صدري شكل اخته كانت تسمع لك شي يعني معقوله مخليها تسمع وامس ماكلمني صح ارسل لي رساله بس صفت عليه ( سحبت عليه ) لاني منقهره منه واخاف اليوم يكلمني وافتح معه الموضوع واعصب منه لانو متضايقه انصحووني تكفون وربي انا في حيره من مري |
طيب تأكدي ياحبيبتي هي أخته فعلا تسمع لك .............بعدين نااااقشيه بكل هدوء قولي أقله استأذن مني!!!!!!!
والمكالمه خصوصيه بيني وبينك المفروض تكون أحرص ان ماحد يسمعها ........طبعا اذا كانت جد تسمع كلااامكم....... ونصيحتي خوذي وقت لا تردين عليه حد ماتهدين لانك الحين معصبه وأكيد راح تثووووورين عليه............الله يطمن بالك. |
كيف اتاكد اساله مثلا بس اخاف يتضايق مني
المشكله انه يقولي كلام وربي الحين احس انه من تاليف اخته ااااااااااه منه |
عزيزتي ..
خير ان شالله .. في حال انك سالتيه ورد عليك وقال حاط سبيكر وعندي اختي قولي اجل اخليك الان واكلمك بوقت ثاني حسسيه ان هالشي مضايقك وان مانفع هالاسلوب ووصلت له الرساله صارحيه باسلوب واذا خربان يصلحه مو عذر تسمع اخته او غيرها..! كلامكم يكون محصور بينكم الا اذا انت رضيتي انه يحط السبيكر وتشاركم المكالمه ! |
تعوذي من ابليس!!!
الئ الان مالقيتي دليل قاطع علئ ان اخته تسمع !!! وش دراك يمكن جواله خربان انا والله العظيم قد حصلت معي ...وكنت مملكه لكن هو قال لي ...بحط اسبكر لان جوالي خربان ..... وبعد ايااااااام صلحه الاهم انتي اذا رجعت نفس السالفه وهو ان صوتك يرجع لك سؤي نفسك انك ماتسمعي صؤته يعني اقعدي ساعه معه وقولي الو الو الو يافلان الو الو.................! خخخخخخخخخخخخخخخخخخخخ وكانك ماتسمعينه واذا صفئ الصؤت ورجعه عادي قؤلي ؤينك لي ساعه اقؤل الو وقؤلي بعد اذا رجع صوتي يتكرر ثم ينقطع ........صوتك. وبيني له قؤلي مااحب تحط اسبكر مااخذ راحتي بلكلام حبيبي تكفئ لاجلي صلح جوالك ولا تحط اسبكر ........! هذا اذا تبي الكلام الحلو مني .... واضحكي .... لاتقؤلينها وانتي معصبه. |
لالالالالالالالالالا ملكيش حق لأن فعلا ساعات كتير بتحصل معايا بيكون من الشبكة أو من الجوال صلي عالنبي الشيطان بدأ يشتغل اليومين دول كبرييييييييييييييييييييييييي |
حبيبتي ليش مكبره السالفه وهي صغيره؟؟؟
الحين بكل هدووووووووووووء << رجاء بهدوء تام اساليه: حبيبي حاطي السبيكر؟؟ اذا قال ايه ،، قولي حبيبي ما احب اكلمك وانت عالسبيكر ما احس اخذ راحتي،،، تدري حبيبي اكلمك وقت ثاني .... وحتى لو قال لك عادي وكملي ومافيها شي وجوالي خربان ومن هالحكي،،، كملي وانتي من غير ماتسولفين كثير،، يعني قولي ايه طيب ايوه صح خخخخخخخخخخ يعني كانك ما تبغين تسولفين!! يجي يسولف اقطعي السالفه! قولي بس ايوه ممممممم صح صح ايه ........ وهكذا ... وبعدين قولي له: ترا انا ما احب السبيكر ولا احب احد يسمعني!! وانتي اخبر بخطيبك!! وش نوعيته؟ خلك فهيمه وصبورة :) واذا فيه شي مضايقك قوليه الاااااااان!! والمثل يقول لك: كلمة تستحي منها بدها !!! يعني قولها ولا تستحي!! الله يوفقك يارب |
وعليكم السلام والرحمه بخير ربي يخليك ، ماشاء الله مبروك ألف مبروك ، والله يتمم عليكم انا لا ازيد كلامي عن كلام الاخوات ، عطوك كل الحلول ، ولا تستعجلي من امرك انا اعرف واحد ملك وكلم زوجته وبعد اسبوع من مكالمته لها ، تمشكلو وطاحو بمشاكل ماله اول ولا تالي عشان شى سخيف ولايستاهل ، والحمد الله تسيرت بعدين. فلذالك لا تفكري ولا تاخذي بخاطرك ويمكن نيه زوجك صالحه ولا ممكن انه مشغول بشي ومايقدر يمسك الجوال بيده ، موفقه خير |
تاكدي ولا تعصبين
|
هونيها بتهون لاتخلي من اول الخطبه مشاكل ..
اتأكدي واذا اتأكدتي ازعلي منه بهدؤ وادب هو بيندم .. ووضيحيله انك ماتحبين السبيكر .. والله يوفقك ويسر امرك.. |
| الساعة الآن 07:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©