|
التواصل مع خطيبي (نصائحكم)
السلام عليكم ورحمة الله وبركاته
انا ابستشيركم بشغله مالي احد بعد الله غيركم استشيره انا مخطوبه لقريبي من سنه وشوي وزواجي محتمل يكون شهر 10 شفنا بعض ولبسنا بعض الدبل وكل شي بس بدون عقد قران واحنا ماعندنا ملكه علا طول زوااااج وانا طبعا طول هالفتره لااكلمه ولا اشوفه امس كلم اخته يبغا يضيفني بالمسن واخته كلمتني وانا ماعرفت وش ارد عليها قلت لها انا ماقدر اضيفه صعبه بكره بيقول هي الي ضافتني قالت خلاص هوا يضيفك انا سكت خفت اقول لها لا يزعل مني او يكرهني لاني كسفته او صديته كلمت ماما قالت عادي ضيفيه بس بدون مكالمات وش رايكم انتم عادي ولا لا ولو ضافني وش اسوي اقبل الاضافه ولا لا محتااااره :( |
لازم تكلمينه قبل الزواااج على الأقل تعرفين أفكاره وتفكيره
صعبه تتلاقون يوم الزواج بدون مقدمآآآت >< ! |
بصراحه موقف صعب
لو رفضتي الان أكيد بياخذ على خاطره منك ويزعل ولو قبلتي فبيتكون فيه محادثات عاديه ثم وكعادة الشباب يحاولون التوغل أكثر وأكثر خصوصا في القضايا الخاصه وعندما سيجد منك عدم التجاوب أيضا سياخذ على خاطره منك |
نصيحتي لك ، لا تضيفينه ،،، ولا تكلمينه ،،، العقد بغض النظر عن شرعيته ،،،، يعطيك احساس ان هالشخص لك ،،، ميثاق غليظ الله سماه ،،،، وانتم بعد ما صار بينكم ،،،، خلك من كلام لازم تفهمينه ومدري وشو ،،،، دكتور مصري خبير في العلاقات الأسرية قال كلمة عجيبة ،،، يقول (( يوم بالبجامة بعد الزواج تعادل سنتين تعارف قبل الزواج )) بعدين انتم خلاص م شهر و تتزوجون وش اللي بيعرفه و يكتشفه ؟ اذا الله كاتب انه زوجك راح يتم لو بينكم اختلافات الدنيا ،،، ولو الله ماهو كاتبه ،، فوالله لو قعدتي تكلمينه الى الصبح ما رااح يكون لك ،، موفقه |
اختى الكريمة لاتضفيه على الماسنجر
انا افضل لا تكلميه بتاتا بشتى الطرق الا بعد عقد القران بينكم لانه محرم عليكى ولايجوز شرعا ان تكلميه باى طريقة مافيها زعل انك ماتضيفيه على الماسنجر احكى انك ماعندك ايميل ومابتعرفى لانتر نت حتى لاياخذ منك موقف او يكرهك موفقة اختى الكريمة |
تسلمون ع النصايح الله يسعد قلوبكم وينولكم كل الي فبالكم
ماننحرم من هالطله |
لا يا اختي نصيحه لايطري على بالك تضيفينه حتى لو اخذ في خاطره بكره راح يفهم ويقدر وضعك وان اللي سويتيه هو الصح لو بعد القران اقولك ممكن بس قبل لاااااا بالتوفيق اختي |
لا لا لا ياأختي الله يستر عليك ويهدي أمك
ما يجوز تكلمينه اذا بيكلمك يتزوجك بالاول او يملك عليك مثل عندنا بالسعودية وبعدين ما يجوز يطلب كذا هو ما يخاف ربة وما يغار عليك وعلى سمعتك أرفضي طلبه بكل ثقة وخليه يصبر وأذا دخل عليك في ليلة زواجك يجلس معك ويسولف الى ان يطفش ((هاذي حلات الزواج)) الله يحفظك ويتمم عليك بالخير والسعادة |
وانا بعد اشوف انك ماتضيفينه عالمسنجر حاولي تتنصلين من الموضوع باي طريقه او قوليها صريحه ما اقدر كلها كم شهر وتتزوجينه بعدها كلميه وجها لوجه مو على المسنجر
|
مشكورين ع النصيحه الله ينولكم كل الي فباااالك يارب
|
| الساعة الآن 02:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©