اترك اولادي ولا اسافر مع زوجي
 

السلام عليكم ورحمة الله وبركاته
اخواني حابه اخذ رايكم في موضوع محيرني
زوجي ان شاء الله مسافر للصين عنده شغل ويبغاني اروح معاه وهومريض بالسكر وانا بصراحه ما ودي اترك اولادي لاني تركتهم السنه الماضيه في شعبان رحت مع زوجي للصين للعمل يعني رحله متعبه كلها لفلفه في الاسواق وشي من جد تعب بس انا ما همني التعب المهم اولادي مع انه مو اول مره اتركهم تركتهم كذا مره وزجي ما يبغى يروح لوحده لانه مريض سكر وفي نفس الوقت ملل يبغاني اكون معاه وكمان افيده في الاشياء اللي راح يجيبها يعني اعرف الجديد والقديم في السوق واليوم سالت اولادي لو سافرت عادي قالو عادي كنت افتكرهم راح يرفضو لكن عندهم عادي وانا محتاره وزوجي يقولي اعطيني كلمه بكره علشان احجز والسفر راح يكون في اسبوع الاجازة هاذي والاسبوع اللي بعده يعني اسبوعين
نوروني بارائكم
الله يجزاكم الجنه

وعليكم السلام ورحمة الله وبركاته

طبعا يا اختي روحي مع زوجك

مهما كان التعب اللي بتحصلينه هي بس ايام وبترجعون والايام تمر بسرعة بدون ما تحسين

بتساعدينه في شغله, بتحصنينه من ارتكاب الفواحش, غير انك بتكونين سند له

غير ان هذه بتكون لمسة خاصة منك في حياته

توكلي على ربك اذا مش متطمنه صلي ركعتين استخاره اليله قبل ما تنامين

الله يجزاك خير عزيزتي
هاذا اللي ناويه اسويه والله يختار الاصلح

ماشاء الله تبارك الله ، أختي زوجك هذا تشيليه فوق راسك

شوفي ألحين أغلب الرجال يسافر لوحده

بالعكسسسس ، استغليها فرصة تكوني مع زوجك و تجددي فيها حياتكم سواء :)

أولادك مصير كل واحد فيهم يكبر و يمشي زوجته ، عيشي حياتك مع زوجك :)

روح الطير
الله يسعدك
والله كلامك ريحني ادعيلي الله يختار لي الاصلح

روحي مع زوجك وخليه مبسوط وانت اتحرري شوي من مسؤوليات الاولاد وبما انهم كمان ماعندهم مانع بشوف مافي ايييي مشكلة
شكله اولادك عايزين يعيشو بحرية شوي بعيدا عن سلطة الام والاب:D كنا في يوم ما هيك لو طلعو اهلنا نعتبرو احيانا حدث سعيد عشان ناخد حريتنا ونمارس الممنوع من التخبيص في المطبخ او هيك امور ههه
توكلي على الله وروحي:)

سفرتكم مو طويلة

زوجك اولى بحكم انه مريض .. واستمتعي بالرحلة :)

عندي بعض الاسئله يا ليت تجاوبيني علشان أفيدك ..


ماهي نوع رحلتكم ؟


والواضح انها تجارية ، فإذاً ما هو نوع التجارة ؟


وما هي البضائع التي تشترونها من الصين ؟


وكيف الطريقة والمبلغ التقريبي للتكلفة ؟



<< خخخ يبي يصير تاجر ، امزح معك أختي والله يوفقك وهذي زوجتي جنبي وتقول اللللله وناسه الصين ههههههه يعني روحي وتوكلي على الله ..

كم اعمار عيالك شكلهم كبار

بس ودي ادري اذا كبرو عيالي اقدر اتركهم

لاني ما قدر اتنفس الا وعيالي معي

وبالنسبة لك سافري الله يسعدكم