محتارة في وضع ابني هل اتركه مع والدتي أو الخادمة
 

السلام عليكم و رحمة الله و بركاته

موضوعي ماني عارفه فين أطرحه ؟ هنا و لا في ركن الأطفال أو المغتربين ؟

الصراحة ، عندي موضوع شاغل بالي مررررررة ،، و بال زوجي ؟؟؟؟

و اللي هو ( ولدي ) عمره 3 سنوات ..

طبعا أنا مغتربة و أدرس بالخارج

1 - طوال الثلاث الأشهر الأخيرة و أنا أغلب وقتي في الجامعة ، و مرات أواصل في الجامعة و يجي
زوجي يجلس معاي ، و مو بس أنا كمان بعض الطلاب نفس الشئ ، و أرجع البيت تاني يوم ، أتغدى
أو أتعشى و على طووووووووووول أنام ، أو أجلس مع زوجي شوي عشان أعوضه عن فترة غيابي.
و الوقت هذا اللي أجلسه معه ، زوجي ما يبغى غلبة الأطفال و يقول خلي الولد مع الشغالة.

2 - أرجع البيت يا دوب أشوف ولدي كم دقيقة و أنام عشان أصحى و أرجع للجامعة و على ذا الحال.
الشئ هذا متعب لي نفسيتي و مخليني ماني قادرة أركز ، لإني أدري إني مقصرة بس غصب عني
أنا عنق الزجاجة حاليا ، و يارب تعدي على خير.

3 - ولدي متعلق فيا و الحمد لله ، و يحبني و يحب أبوه ، بس أغلب الوقت جالس مع الشغالة
و هي ماشاء الله مو مقصرة معاه ، و تلعب معاه و تهتم فيه بس أنا ماني مرتاحة نفسيا ، لإنه
بيتعلم عادات مو من عاداتنا و لا قادر يتكلم إلى الآن.. و أغلب وقته مسكين قدام التلفزيون
و أفلام الكرتون اللي هنا ، ما أقدر أتابعه إيش بيتفرج ، و عندهم مقاطع سيئة أسوأ من اللي عندنا.
و أدري إنه الشئ هذا مو صحي لمخ الطفل ،، بس مضطرة أجلس في الجامعة و أخلص الفترة اللي
مضغوطة فيها علشان أرتاح و يرتاح زوجي و ولدي معاي.

4 - باقيلي شهر و نص و الحمد لله و أخلص الهم اللي عندي ، بس لااااااااااااااازم الشهر و النص هذه
أضغط على نفسي أضعاف أضعاف قبل ،،

5 - وعدت الشغالة إني أسفرها الشهر هذا ، و أنا الصراحة ملييييت من وجودها ، صح مساعدتني
و شايلة شغل البيت عني و تحب ولدي ، بس بنفس الوقت ، أحس وجودها مسبب فجوة بيني
و بين زوجي و هي تبغى تسافر لأهلها و أنا ماني متحملة وجودها عندي.

6 - نزلنا للسعودية أنا و زوجي و ولدي لظروف ، لمدة بسيطة و راجعين بعد كم يوم ..
بس محتارة ؟؟؟

-----------------------------------

عندي شهر و نص ما راح أفضى فيها لأحد أبدا و محتاجة لتركيز تاااااااااااااام ، يعني ولدي راح يجلس
مع الشغالة شهر و نص و مع التلفزيون 24 ساعة ، و أنا شايلة تقريبا مسؤوليتهم ، فبالي يتشتت
مع الدراسة و معهم ..

اقترحوا علي أهلي ، إني أخلي ولدي عندهم و أجي أخده بعد شهر و نص ، و إنه الشهر و النص
تعدي بسرعة ، و أهلي يموتوا عليه ، و يهتموا فيه ، و أولاد أخواتي يجووا في الويك إند و يلعب معهم
أصلا يوم يشوف أولاد أخواتي ، ينساني .. و أخوي ياخده للمسجد معاه ، و اليوم جاء ولدي يقلد الناس
كيف تصلي (أحسن من الأفلام اللي كان يشوفها في التلفزيون و الشوارع)

زوجي عجبته الفكرة ، لإنه نفسه نجلس أنا و هو لوحدنا مثل زمان ،، و نسفر الشغالة و ترجع علاقتنا
تتقوى مثل قبل ، لإن وجود الشغالة أحسه كان كابت علينا ..؟؟؟

فين المشكلة ؟؟؟؟؟؟؟؟؟؟؟؟؟


هل أترك ولدي هنا لمدة شهر و نص مع أهلي و اخواتي ، و أجي بعد شهر و نص و أخده ؟؟؟؟
و أكون فضيت بنسبة 60 بالمية ؟؟؟؟؟؟؟؟؟؟؟ بس هو متعلق فيا .. مع العلم إنه تربى أصلا مع أهلي
يعني متعود عليهم ، بس متعلق فيا لإني أدلعه و أفهمه ..

أوو أخده معاي ، و أصلا ما أشوفه هناك إلا دقايق لمدة شهر و نص ، و راح يكون أغلب وقته مع
الشغالة ؟؟؟؟؟؟؟؟؟؟

------------------------------

لو تركته ، راح أبكي كل ما افتكرته ، بس لو كان الشئ هذا لصالحه فراح أضغط على حالي
و أصبر نفسي شهر و نص ، و راح تتحسن علاقتي مع زوجي ، و اللي ترجع فايدتها لولدي في الأخير .

لو أخدته ، فرااح يجلس أغلب وقته مع الشغالة و التلفزيون ، و هي راح تنكد علي عشان تبغى تسافر
و ولدي ما راح أشوفه كثير خلال الشهر و النص هذه ..

إيش أقرر ؟؟؟؟؟؟؟؟
إيش اللي فيه مصلحة له ؟؟؟؟؟؟

مع العلم بإنه السفر بيكون قريب خلال يومين ، للعودة إلى الغربة

الله يعينك من جد حلين اصعب من بعض

طبعا راح يفتقدك كثييير بس اهلك افضل 1000000 مره من الشغاله

الله يحفظوا يارب وينجحك

والله أنا أشوف أنك تخلينه مع أهلك
أمان أكثر !
هذا أذا كان الطفل متقبل الشي هذا ومبسوط عندهم
أما تخلينه مع الشغاله الوقت هذا كله أحسها صعبه جداً
بالذات أن الشغاله بدت تمل وتبغى تسافر!
الله يحفظه لك كسر خاطري
ويصبركم على فراقه
وبالتوفيق
لو أنك حطيتيه بقسم ثاني عشان الكل يشوفه هنا نادراً مايدخلون

::o:oالأخت قررت انك بتتركينه عند أهلك وبدت تدعيلك:o

طبببببببعا اهلك يا المشغوله


زمان عنك ..لك وحشه والله