تأثر ولدي بالقنوات الفضائيه
 

السلام عليكم ورحمة الله وبركاته

الموضوع باين من عنوانه

يا جماعة الخير ولدي عمره 4 سنوات وتأثر كثير بالقنوات عندنا اشتراك بالشوتايم والله يصلح زوجي ويهديه ان شاء الله والولد يموت في قناة ديزني وقناة نكلوديون اللي ما فيها الا الدمار
** ملاحظة قناة نكلوديون مو حصريه على الشوتايم
يا عالم تخيلو يجي ولدي ويقول لي كريسمس سعيد :29: ولا يقول لي بتجي جنية الامنيات وتحقق امنياتي :29: ولا يقول لي بقول لبابا نويل يجيب لي هديه :29: والحين طايح لي يبي حفلة ميلاد :29:

عارفه اهمال مني كنت ارجع من دوامي تعبانه وافرح انه يجلس قدام التلفزيون حتى ما يزعجني وان الخطأ راكبني من راسي لرجولي بس ابي الحل ابي ابعده عنها

لا تقولون شغلي له المجد فأستحاله من بعد ما طاح في ديزني يغيرها كان عندي براعم بس مدري شفيها ما صارت تشتغل مثل اول
ما ابي اخسر ولدي العود من اول ركزه والولد على ما نربيه

طولت عليكم بس ابي نصايحكم بس شوي شوي علي ما اتحمل تكثرون علي اللي فيني مكفيني

يااختي
زين اعترفتي بلخطأ
الحقي علئ ولدك قبل مايكبر عليها .....
خصصي له تلفزيون
وخذي ذاك التلفزيون وحطيه بغرفه لايشؤفها الا الكبار يعيني زوجك وانتي
وامنعيه منها

الشيء الثاني
ابعديه عنها وبقؤه
وخلي ابؤه يساعدك بعد ويمنعه خليه يبكي ماعليك
حرام عليكم هذا حاله الان فما بالك ببعدين .........!!!!

الاهم
خصصي له تلفزيون
فيه هلقنوات

براعم

طيور الجنه

سبيس تون

سنا

كراميش

وكلها للاطفال ....

وام بي سي.....

واما عن المجد مااظن بتعجبه ...لانه تعود علئ اشياء حركيه وخرابيط......

وماعليك بيمل ولكن حرام يتعود عليها وهو توه ,,,,,واذا اصبح بسن الدراسه اجل وش بيصير ؟؟؟!!!!!!
حبيبتي
مثل ماقلت
التلفزيون وقنواته الشؤتايم لاينفتح الا الكبار وهو نايم بعد ...

مافي الا تشفير كل تلك القنوات الهدامة المخصصة للأطفال جميعها بدون استثناء

واتركي فقط القنوات الدينية المخصصة للأطفال عندك مثلا طيور الجنة ... هذي متوفرة وهادفة... بحسب ما اسمع

ولو طلب قوليله القناة راحت ماادري ايش صار لها مثل ماراحت قناة البراعم

بيتعبك يوم يومين وبينسى لانه هذا الحل انك تقطعي عنه هالتفاهات وبأي شكل وبسرعة

طيب اذا احنا الكبار اقتنعنا بهالشي ماذا ننتظر من طفل صغير

لحتى تقنعيه بشي لازم تكوني انتي مؤمنة يه ومقتنعة بيه اقتناع كلي لحتى تحاربي وتخليه يحبها والا فما راح تقدري عليه ولو بأكتر القنوات الدينية المخصصة للأطفال واللي بتحظى بأكبر نسبة تسلية ومشاهدة

اللي ما تعرفونه ان زوجي مسوي اشتراك خاص بولدي
واذا في يوم تعطل الشوتايم على طول يفتح المكان المخصص للبطاقه يشيك عليها

نصيحة للجميع بدون استثناء :
لا تطاوعون عيالكم في كل شي يبونه والله اني احاول ابعده عن هذي القنوات والله يعينني ان شاء الله

الله يهدي زوجك

باين عليه بيطلع ولده محترف درجة اولى والله المستعان

الله يهدي الجميع ان شاء الله

زوجي طلع اشترك لولدي بالشوتايم لان ولدي بلشه في ديزني وحتى يفتك منه اشترك له

وانا الحين اقول لزوجي اول ما ينتهي الاشتراك انسى تجدده قال براحتك ما همني