|
مصروفي لا يكفي و زوجي لا يتفهم حاجاتي
مسائكم سعيد لم اجد افضل من هذا المنتدى الرائع لكي افضفض فيه عما بداخلي فان وجدت منكم قبولا واستحسانا فجزيتم خيرا وان لم ااجد فوفقكم الله مشلكتي ومشكله اغلب بنات جيلي ازواجنا زوجي نعم زوجي فانا احبه واقدرة ولكنه لايفهم ماذا تحتاج المراة بشكل خاص المشكله بالمصروف للمراءة والزوجه فالمعروف ان الرجل غالبا ما يتضجر من كثره طلبات ومستلزمات الزوجه ويعتقد انها مبذره وغير مقتصده ولايدرك ان مستلزمات النساء بشكل عام لاتقارن بمستلزمات الرجل فالمراة كالوردة ان رعيتها بقيت مثمرة وجميله ورائعة وان اهملتها اصفرت وذبلت كورقه شجر سقطت في فصل الخريف فهي تحتاج الى الذهاب للكوافير والى عطر جديد وان تهتم بلباسها ومكياجها ورائحتها زوجي يعطيني 300ريال ويقول هذا مصروفك ولا تطلبي زيادة واذا رحت السوق وشريت عطر200بالله100ريال الباقيه وش بتسوي مع انه اللرجال مايعرفون ان حاجياتنا كثيرة والفلوس ماتكفي ويحسب انه الاكل هو كل حاجه في الدنيا وانه اذا عبي الثلاجه وسدد الفواتير ومانسى حبيبنا الراجحي كنه جاب راس غليص وينسي هى الانسانة اللتي طوال هذا الشهر اكرمت ضيفه وسهرت لراحته وحفظته واسعدته وفرحته بسهرة حلوة واذا قالت ناقص علي شي كشر عن انيابه وسؤى لها محضر في النيابه وش تبغين بها وش بتصرفينها فيه وانا اعطيتك وغيري ترى مايفكر يعطي حرمته (اووووووف ياجيك شان) كني جاريه عندة ماكني زوجته اللي المفروض اكون اول اهتماماته ويشوف انها مسرفة ولا تعرف تتصرف بالمال الله ياذا ال300ريال ماتجيب فستان ولا علبه مكياج ذالني بها مايدري ان الرسول استوصى بالنساء خير وقال رفقا بالقوارير ومايدري ان اللقمه ان رفها ووضعها في فم زوجته صدقة مايدري انها تحتاج المال في ان تتصدق على المساكين وتجيب لامها قطعه قماش ولا تعزمه في مطعم رومنسي تعبت من هالمشكله اللي كل البنات يشتكون منها انا ابغى هو اللي يشتري لي ويقضي كل حاجاتي احس انه وراى رجال يساعدني احس انه ذخر لي وعزوتي بعد اهلي والله اني بفرح اذا وداني مكان وقال خذي اللي نفسك فيه بحطه على راسي واقدر له حبه لي واحس انه قدر انوثتي ماتدري يارجل ان الوردة اللي بريالين كيف تاثيرها على نفس زوجتك وكيف فرحتها بها كنك جبت لها الدنيا ومافيها فلا تبخل عليها تعبت وانا اتناقش معه واكلمه وافهمه ابغاة يفهم ان هذا المصروف مثلا رحت مكان وهو مو معي اصرف منه اوسافرت عند هلي اجيب لهم هدايا او اعزمهم على عشاء اشوف اخواتي كل وحدة عندها وتسلم على امي وابوي ويجيبون لهم هدايا ويعزمونهم وانا لا بالله مو قهر يازوجي حس فيني وانتو يا ازواج حسو فينا وافهمو وجهة نظرنا |
ياحبيبتي هونيها وهي تهون .. طيب عشان مانظلم زوجك أو نظلمك .. ممكن تقولين لنا كم هو راتب زوجك ? وهل بعد الصرف منه في التزامات زوجك الثابته مثل الإيجار والفواتير ومصاريف البيت يتبقى منه شئ أم لا ? وهل يدخر منه ? |
300 هذي مصروف
بس معقوله إذا فيه مناسبة عيد أو زواج مايعطيك اكثر؟ احسني الظن حبيبتي بزوجك واستعطفيه يعطيك اكثر مشكلتنا احتياجتنا كثيرة وصعب يفهمها الزوج بس توددي تاخذين اكثر من حقك الله يجبر خاطرك ويسخرلك زوجك |
جربي تروح السوق مع زوجك
بس بشرط ما تطولي في السوق ربع ساعه او نص ساعه و تخلصي اذا راح معاكي ح يستحي و يتشتريلك وفي نفس الوقت ح يفهم ان اسعار السوق غاليه امممم هادي حيله انا استعملها مع الوالد و كنت استعملها مع طليقي على طول يدفعوا بدون اي كلمه و ترا لا تلومي زوجك لانه مايقدر يفهم احتياجتك خليكي صبورة و استخدمي الحيل بدون افراط او تفريط |
طيب.. أنا أشوف 300 كويسة.. ما أقول تكفي.. بس تسد حاجة..
يعني مو كل شهر تشترين عطور.. مو كل شهر تشترين ملابس.. مو كل شهر تصرفين 200 ريال على كوافير... لكن لو كان زوجك راتبة كبير ممكن تدحلسينة عشان يعطيك أكثر.. وإذا هذا بس اللي يقدر عليه الحمد لله.. وش تبين يسوي لك بعد.. |
عفوا بس شكلكم مافهمتو مقصدي انا مو معترضه على 300 انا معترضه علا الفكرة ابغا اجيب فيها هديه له او اعزمه في مكان او اتصدق على المحتاجين او ازكي ذهبي منها او اجيب اشياء للبيت مو قصدي اتقضى منها لنفسي لانها ماتكفي بس زوجي الله يهديه يقول اشتري واتصدقي واهدي وزكي وجيبي والبيسي منها والله لو انها 300مليون |
اقتباس:
معليش أختي.. تقولين مو معترضة على 300.. بس معترضة على الفكرة!!!! أي فكرة؟؟ |
شوفي ياقلبي ترا ماهي قليله 300 ريال طيبه
و اذا على الصدقه نص ريال تكفي للصدقه مو بالضروره تتصدقي بمبلغ كبير و اتوقع زوجك يعطيكي فلوس لكسوه العيد غير 300 طيب و الله مافي مشكله زي ماقلتلك اذا احتجتي تجيبي شي فستان سهر مثلا او هديه خدي زوجك السوق و ح يشتري و هوا ساكت و موضروري تعزمي زوجك على سهره ولا عشا او تجيبي له هديه اذا عملتيها مره في الشهر كويس و بالنسبه لاغراض البيت كمان مسؤوليه زوجك هونيها و تهون يابنت الحلال انا حاسه انك زعلانه من كلام زوجك و مكبره الموضوع ماادري |
عزيزتي قولي الحمد لله يكفي زوجك فوق راسك ترى وجوده بالدنيا ومافيها وصحيح طلباتنا احنا يالحريم كثيره بس ممكن نكيف امورنا على قدنا والحمد لله ترى في ناس مولاقين يأكلوا مو بس يروحوا الكوفير لازم تكوني اكثر عقلانيه هذا على الفلوس اما على انك تعزمي زوجك ممكن تسوي له سهره في البيت وتسوي له طبخه غير وبيشوفها احلى من مية مطعم لانها من يدك والهديه ممكن شهر من شهر تاخذين له هديه وين المشكله وعند الزوج الكلمه الحلوه والابتسامه بوجهه لما يدخل البيت واهتمامك به اغلى هديه .......... هذا رايي اختي.
|
اختي المال ليس بكثرته وقلته المال ببركته ومدام انتي مرتاحه معه صدقيني بترضين تعيشين معه لو مايعطيكي ريال واحد
|
| الساعة الآن 10:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©