اشيروا علي هل اقبل الوظيفه ام ارفضها بسرعه
 

السلام عليكم ورحمة الله وبركاته

انا عضوه قديمه في المنتدى ولكن متابعه له ومعجبه بأعضائه وهذا ما دفعني لطرح استشارتي

انا وعائلتي الصغيره نسكن في الرياض زوجي تعليمه ثانوي متوظف وظيفه جيده راتبه 7000ريال قابله لزياده انا جامعيه ومتفوقه جدا بدراستي تزوجنا بعد التخرج مباشره وكان حصولي على الوضيفه سهل لان نسبتي عاليه وكنت راغبه في الوظيفه ولكنه رفض وبشده لانه من النوع إلي مايبغاني اكون افضل منه ويبغاني احتاج له ماديا وهو غير مقصر معي يعطيني على قدر استطاعته

واهل زوجي واصحابه ساكنين في قريه وزوجي حلم عمره انه ينقل عندهم لانه مايحب الرياض وغير مرتاح في وظيفته وانا لا اريد اسكن في القريه ومرتاحه في الرياض لانها اقرب لاهلي لان اهلي يسكنون في الشرقيه

المهم
تم افتتاح كليه للبنات في القريه واصر زوجي ان افدم اوراقي وفعلا اخذ اوراقي وقدمها وانا لا اريد وحصل ماكنت اخشاه حيث ان اخو زوجي موظف في الكليه واحتمال يوظفوني معيده وقالي زوجي

خلاص اذا صدر تعيينك ابفصل من وظيفتي وتوظف هناك ب300ريال ونسكن هناك قلت له :وانت راضي كذا ؟قال لان هذي هي الوسيله الي نقدر نسكن فيهاهناك
بصراحه انا غير مرتاحه لهذا الوضع لانها راح تنعكس الآيه ويصير على راسي كل شي الان بالله 3000وش تسوي وانا ماني قادره استوعب هذا الشي واحس على حسب معرفتي بزوجي انه ماراح يرتاح لاني بكون اعلى منه واخاف النفسيات اتخرب لان اذا حصلت مشكله او نقاش في اي موضوع لازم يقول انتي تحقريني او شايفه نفسك علي ومثل هالعبارات وهذا وانا ما توظفت ولاعندي استقلالا مادي مع اني ما قد اشعرته بهذا الشي بس هو حساس من هذي النقطه وفوق كذا انا كارهه النقل والسكن هناك

اوانا محتاره ودي ارفض بطريقه تقنع زوجي لان زوجي وجدها فرصه انه ينقل لانه يقول ان السكن في القريه اريح نفسيا واقل تكاليف
ودي اوافق لكن اخاف اندم يوم لا ينفع الندم احقق لزوجي الي يبغى ويرتاح هو بوظيفه سهله وراحه نفسيه واتعب انا

ابغى مشورتكم لو كنتم مكاني كيف تتصرفون اريد تصرف حكيم يقنع زوجي برفض او الايجاب

عزيزتي شي طبيعي انك ترفضين الوظيفه قد ماتحاولين

لانها بتكون سبب لأكثر المشاكل في حيااتك وخااصة لما تكونين مغصوبه على الشي فراح تخلين كل حاجه سيئه تحصل لك تترتب على هالشي .. اقصد اي مشكله راح تصير لك حتى لو بسيطه وصغيره راح تخلين السبب الاساسي وراها هو الوظيفة وانوو مزاجك متعكر بسبب القرية اللى نقلتي لهاااا.

وغير هذاا كله حاولي تقنعين زوجك بمبدأ انو الرجال اولى بالوظيفة من المرأة قولي له يحمد ربه انو في الريااض واهله يعتبرون قريب منه يعني غيره يرووح يسافر اوربااا وامريكااا ويتوظفوون في اماكن ومدن ابعد بكثير عن اهاليهم وكله عشان لقهمة العيش على قولتهم ...

يعني لو مثلا هو لاقي وظيفه براتب مغري بنفس القريه ممكن نقوول معه عذر لكن انو راح يعتمد على الراتب اللى راح يجيك وهو بيشوفله اي وظيفه تمشي حاله صراااااحه ابدااا مو منطق :29:


تحياااااااااااتي
وطمنيني ياعسل وش راااح يصير علييييييييييييك :d

ارى ان الوظيفة غير مناسبة نظراً لانها ستقلب الآية ستصبحين انتي من يصرف على زوجك !!
الانتظار افضل فقد يرزقك الله بوظيفة قريبة من السكن و لا خوف ما دام معدلك عالي

اختي زوجك يمكن ما يدري انك لو تعينتي معيدة فمو معناه وظيفة و خلاص

معناها انك اجباري تكملي دراستك و مشوار طويييييييييييييييل و ما راح يتحمل زوجك الفكرة هذه

فتعالي له من النقطة هذه

و ماظنه راح يقبل انك تكملي لحد ما تاخدي الدكتوراة ؟؟؟؟؟؟؟؟؟؟؟؟ظ

الله يجزاك الف خير سبحان الله من قالي عنها وانا قلبي منقبض والله ماني مرتاحه نهائي

اما مسالة يلقى وظيفه بمرتب مغري مافيه امل وحاول اكثر من مره
ممكن انا اتقبل انقل كذا لكن فوق اني اسكن هناك اتوظف بعد
والله نفسيتي تعبانه وهو لقاها فرصه يعني ادور مصلحته
الله يعين ويكتب الي فبه خيررر

الله يجزاك الف خير وهذي الي مسوي لي قلق والمشكله انه من النوع الي ما يبغاني اكون اعلى منه

واول ما تزوجت كان ما يايد الوظيفه نهائي ولا يبغاها وكان يقولي ان الي زوجته موظفه غير مرتاح ولا يحب يكون مشاوير كثيره يعني يتضايق اذا كثرت طلعاتي
والمشكله دائما يعلق اذا لمحت اني ابتوظف بان كثرة الفلوس تغير النفوس يعني بالعربي كان مأيسني من الوظيفه في الرياض
وانا متاكده انه في قرارة نفسه ماوده لكن كل هذا علشان ينقل هناك

الله يكتبلي الخيره

الله يجزاك خير زوجي يدري اني ابكمل دراستي
وامس عندما قلت له قال اخليك تكملين دراستك علشان الراتب يكون عالي
يعني ما فكر الا بمصلحته يعني ينقل هناك دوام على كيفه وطلعات مع اصحابه واهله ياكل عندهم ويشرب يعني بصير له راتب وفراش وراح يكون بينا فجوه كبيررررررررررررره
الله يعين بس