![]() |
مشكلة حياتي
السلام عليكم
انا عضوه جديده ليا شهر تقريبا مشتركه في المنتدى اذا ماخاب ظني هذا المنتدى كنت مشتركه فيه قبل 6 سنوات بس الظاهر اتغير اسمه المهم احب اعرفكم بظروف حياتي و اتمنى منكم دعوه صادقه في ظهر الغيب اتزوجت قبل 6 سنوات من شخص من عائله الوالد لما صليت الاستخارة شفت حلم بسيط و مفزع شفت اسمه مكتوب على ورقه بيضه و خفت جدا و صحيت و تمت الملكه و الشبكه و الزواج في وقت قياسي بس انا ماكنت مرتاحه يوم الملكه كانت حرارتي مرتفعه و طفشانه و نمت و سط المعازيم ماكنت احس بحب او انجذاب ناحيه خطيبي بعد الشبكه بشهور حاول يغازلني و انا زعلت و كبرت الموضوع و سويت مشكله ورفضت انه يزورني و طلبت من اهلي يبلغوه اني ماابغاه بس اهلي زعلوا و حلفوا عليا اكمل معاه بحجج كثيرة وفي النهايه كان قضاء و قدر و كملت و سار زواجي اول اسبوع كان جميل جدا (قبل الدخول) وبعد الدخول بيومين اتغير الرجال و ضل 4 ايام مايكلمني عشان طلبت يطلعني للبحر و بدأت المشاكل اسمع كلام سيء يطلع من بيت اهله عني و طلبت الطلاق بعد شهرين من الزواج اهلي رفضوا وهوا رفض و انا كنت تعبانه نفسيا جدا و كل يوم امرض و احس بحزن شديد المهم بعد سنه طلقني في لحظه غضب و حسيت اني سعيده جدا يوم طلاقي لكن بعد كدا بدأت احس بضيق و كثرت مشاكلي و كل ماادخل في وظيفه ماتوفق ضل وضعي على حاله 4 سنوات وبعدها بالصدفه اكتشفت ان قريبتي و صديقتي سحرتني و حتى الكلام اللي كنت اسمع ان اهل طليقي قالوه كانت هيا اللي تطلعه عشان تخرب بيتي المهم انا اتعالجت ولما شفيت بدأت احس بالظلم و الندم على الطلاق طليقي اتزوج خلال هادي الفتره و جاله ولد الحمد لله انا راضيه بقدري و اعرف ان مافي امل لرجعتي لطليقي لكن كل ماطلعت لجمعه في العائله اشوفه و اشوف زوجته المشكله ان صديقاتي اللي كانوا سلفاتي و سلفات اختي مااقدر اجلس معاهم عشان زوجه طليقي متحسسه مره و خايفه مني و نظرات الناس ماتخلينا نعمل علاقه طبيعيه و انا نفسيتي تعبت من دا الموضوع و في نفس الوقت كل مااشوفهم نفسيتي تتعب لاني مطلقه من 5 سنوات و نصف و للان ماتزوجت و صار عمري 29 سنه ماابغى حل لمشكلتي بس ابغى دعوه في ظهر الغييييييييييييب ارجوكم |
الله يعوضك بالي احسن منه ويعوض شبابي وشبابك الي راح بالرجل الصالح الوسيم :22: المرفوع دكره في السماء والارض امين امين امين |
الله يعوضك يارب عاجلا غير اجل وحسبي الله ونعم الوكيل في الا يفرقوا بين الزوج وزوجتوا بي سحر او غيرووا
|
الله يعوضج ويستر عليج وعلى جميع بنات المسلمين ويشافي بنتي.
|
جزاكم الله الفردوس الأعلى من الجنه يالبي قلبي و بنت مكه و ميثى
شفى الله بنتك يا ميثى شفاء لا يغاذر سقما آآآآآآمين |
.. عزيزتي , هونيها وتهون , وان شاء الله ,, الله موجود , وماراح ينساك , وان شاء الله راح يعوضك ..
..الله يفرج همك , ويزيل كربتك , وتتيسر امورك , وتتوظفي , وتتزوجي , وتيجي تفرحينا ,, .. وكل من ظلمك , وتسبب لك بأذيه , الله حسيبه , وراح يلقى جزاه .. .. تحياتي لقلبك الطيب .. |
اقتباس:
و الحمد لله لكن احتاج للدعاء و يظل الزواج حاجه ولا بأس ان اطلبها و اذا تأخرت علينا ان نصبر و ندعوا |
الله يرزقك الزوج الصالح الذي فيه خير لك والذي مواصفاته افضل من ماتتمنيين وبإذن الله ربي بيعوض صبرنا خير .. |
الحمدلله على قضائه وقدره وعوضك الله بخير منه
وعليك بالدعاء والاستغفار واشغلي وقتك بما ينفعها وفقك الله للزوج الصالح التقي |
الله يصبرك حبيبتي ويرزقك من حيث لا تحتسبين.....إن الله يمهل ولا يهمل... إن شاء الله يعوضك ربنا ويقر عينيك بالزوج الصالح الذي تقر به عينك آآآآآمين رب العالمين... |
الساعة الآن 12:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©