|
اختي الصغرى
السلام عليكم
اختي في اولى متوسط عندها في الفصل بنت من دار الايتام بتسوي عمليه واتفقوا البنات انهم يجيبون لها هدايا .. المشكله ان اختي مزعجة امي تبي تشتري للبنت اي بد اللي ب800 ريال وفوق وامي رافضة تقول اشتري شيء ثاني وهي مصرة وتبكي وتقول انتي ما تحبيني اختي متعاطفه مره مع هالبنت اختي نفسها ما عندها اي بد وكانت تزعج امي دائما اشتروا لي اي بد والان صارت بتشتري الاي بد للبنت .. كيف تقنعها امي الله يعين امي .. المشكله الثانية اختي معجبه ببنت في المدرسة وتكتب اسمها في يدها ومن هالحركات لكن رافضه تعلمنا منهي اللي تحبها نحسبها معلمه لكن دريت عن طريق بنت اختي .. ومره كنت اكلم اختي في الماسنجر وسالتها منهي فلانه قالت مدرسه وانها ملتزمه وتنصحنا وووو انا انصدمت ليه اختي تكذب علي صرت ما اثق فيها .. وش الحل تعبنا من هالجيل .. |
علموها اذا بتشتري شي تشتريه من مصروفها،،
او عالاقل الشي اللي بتاخذونه لها او لغيرها يكون بقيمه مصروفها لا اكثر.. مشكله هالجيل انهم تعودوا يلقون اللي يريدونه بسهوله مايعرفون قيمه الفلوس،، على ايامنا مصدر الدخل الوحيد كان عن طريق الوالد ربي يحفظه وبالرغم من انه كان يوفر لنا اللي نباه بس كنا نعرف انه مرات ممكن مايتوفر هالشي وممكن مايقدر عليه بس الحين تلقين فالعايله الوحده كذا شخص يشتغل والصغير ان مالقى طلبه من هذا يلقاه من الثاني.. بالنسبه لكذب اختج،، المفروض انج واجهتيها باللي تعرفينه ساعه كذبها ليش تكذب عليج؟! خايفه من ردت فعلج والا شو؟ |
** ذا ماخاب ظني ان الآي بود تقدرين تحملين فيه كل شي اناشيد وقرآن واغاني بعد ! بس الأقرب ان الأغلبيه يحملون فيه اغاني / من هالباب قولوا لأختك انه لو اهدت لصديقتها اي بود وحملت فيه اغاني راح تتحمل اثمها .. لأنها ساعدتها على ذنب .. من هالباب يمكن تقتنع اختك انه ماتشتريلها الآي بود ~ وعندي اقتراح ليش مو هي وصديقاتها كلهم يتقاطـون وسوا وبفلوسهم كلهم يشترون للبنت هديه مثلا كل بنت تقط 50 ريال ! ويشترون بها هديه ويكتبون اسمائهم عليها !! الصراحه هالحركه حتى البنات الكبار يسسونها .. وتطلع ذكرى حلوه لصديقتها ~ / |
احسن طريقة اقناع البنت بشراء شئ يناسبها و يكون سعره مناسب مثلا ساعة او عطر او شنطة ماركة وتغليفها تغليف حلو بعيدا عن اجهزة التقنية التي مايعرف الواحد ايش يحمل فيها
واختك تقربوا اليها اكثر وتحتاج مراقبة عن بعد دون أن تشعر فهي تمر بمرحلة مراهقة اعانهم الله على تجاوزها |
جزاكم الله خير جميعا ..
ما عندها مانع تشتري من مصروفها لانها في مدرسة تحفيظ ويعطوها مكافئة .. بس حنا ما نبيها تتعاطف زياده مع البنت .. قلنا لها اشتري ساعة اكسسوارات رافضة بالمرة .. |
.. عزيزتي .. أختك جدا متعاطفه مع البنت , وبالعكس هذا شيء يفرح ..
.. واختك لانها بنفس عمر صديقتها فهي أدري بصديقتها , وشنو بخاطرها , وشنو ودها يكون عندها , ويمكن اختك حابه تشتري لها الأي بود , لانها مرة سمعتها تقول انه خاطرها يكون عندها واحد , والآي بود مو بس للاغاني .. وفي أي بود أرخص من 800 ريال , وانتي اكيد تقصدين ماركة ابل , في ماركات ارخص , وتلاقينه ب 120 ريال او اكثر بشوي .. .. بس انتي خبري أختك انه الآي بود يحتاج كمبيوتر علشان تنزيل القرآن والاناشيد فيه , ويمكن البنت ما عندها كمبيوتر , وماتقدر تستفيد من هديتها لها ,, ,, وجيل هاليوم ما يحبون الا التقنيات والتكنولوجيا , يعني ما يحبون لا ساعات ولا اكسسوارات .. ,,وحلوة فكرة الاخت ( دانتيل ) ,, واحنا دائما نطبقها , وقت كنا صغار ..وللحين بعد نطبقها .. ..اما عن كذبها , فأجلسي معاها , وحسسيها بالأمان , وسولفي معها , وخليك قريبه منها .. .. ويوم بعد يوم لما تحسيها خلاص صرات قريبه منك , فاتحيها بالموضوع , وفهميها عاقبة الكذب , وعلميها انها تقول الصدق , حتى لو كان راح يسبب لها مشاكل .. .. وطبيعي البنات يعجبوا ببنت في سنهم , ويكتبوا اسمها على ايدهم , بس اهم شيء انك تتاكدي انه هذه البنت الا اختك معجبه فيها , ماعندها حركات , وراعيه سوالف ,علشان اختك ما تقلدها , لانها ممكن من كثر ما هي معحبه فيها ممكن تقلدها .. .. الله يخليها لكم , ويحفظها من كل شر ,, |
خلوها تتعاطف
حبيت اختك حسيت قلبها ابييييييييييض احتويها وافهميها ورااقبيها بدون لاتحس لله يهديها ويحفظها |
| الساعة الآن 07:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©