|
مشكلتي مع صديقتي!!!!
مسآء الورد . قبل أن أطرح مشكلتي. تحيه خآ1صهـ ..
من ( جمااال الروح) : لكم أيها الأعضآء..... لكل من يقرأء الآن ~ بالنسبة لمشكلتي وأتمنى أن ترشدونني............ أنا لي صديقة مقربة لي درجة أولى يعني أعتبرها زي وحده من خواااتي وأقولها كل أسراااري وهي بعد انسااانه ماتوصف ماشاءالله تقدر وتعزز الصداقه ووفيه ومخلصة بكل الاوقات وبالتحديد أيام الدراااسه كانت تساااعدني وتخدمني وهي الوحيده من بين أخوانها يعني مالها خوات ومعتبرتني أختها وأكثر وكنت أكلمها باليوم مرتين أو أكثر أشكي أسولف وهي بعد.............لكن المشكله اني من العطله الصيفيه اللي فاتت وأنا مادري وش فيني أحس نفسي مو متقبلتهااااااااااا أبدااااا ولاأبي أكلمها وحتى اذا بدت تكلم علي أمل من كلاااامها ....لاتقولون أنتي ملوله ومليتي منها أبدااا وأبدااا بالعكس أنا أقدر الصداقات وفي صديقات الى الان معي وأنا شخصيه اجتماااعيه وأحب الصديقاات لكن هي مادري وش فيني لدرجة اذا دقت والله بدون مبالغه أنكتم واذا أرسلت أتضااايق بس اللي معذبني انها هي متعلقه فيني مررره ولا أبي اني أكون قليلة خاااتمه لكن غصب عني موبيدي حتى أمي تهاااوشني تقولي وين البنت ليش تاااركتها!!! يعني هي الحين مصدومه مني وأنا مصدومه من نفسي...................... عااارفه راح تسألون اذا في سبب لا مافي اسباب كذا مادري وش فيني حتى لما أكون معها كلن يقولنا انتم خوااات وأكثر يعني من دون مباالغه جوالها زي جوالي وعطرها زي عطري وروجها زي روجي والحين ماأدري عنها بين فترة والثانيه أرسلها مسج أسلم عليها وبس:( ياليت تفيدونن بارائكم لان مره مأنبني ضميري وكل ماأقول خلاص أبضغط على نفسي والله ماأقدر:(... وممكن تكون هذي صفحة للفضفضه وتبغى مداخلاتكم........وأعتذر على الاطاله |
مادري ياختي بس ممكن عيون الناس عليكم بيحسوكم على هيك صداقات لان قلا من الزمان من تجدي معه صديق معه كانه نفسه والله يسخركم لبعض ويرجعكم ويديم صداقتكم ويكفيكم شر خلقه
|
مساء الزهور وأحلى العطور
لاحلى ( جمااال الروح) ولك بعد اجمل تحية انا موضوعك لفتني لاني وقعت بنفس المشكلة ونفس القصة عشتها بس من فتره لابأس بها... بالأول ماكنت فاهمه السبب مثلك بس تعاملت مع الموضوع عادي ابتعدت فتره بس ماقطعتها يعني سلام سوالف بسيطه وكنت مرات اجبر نفسي بها ,لاجل ماتاخذ على خاطرها مني ولانها صديقة غالية وبعد قريبتي يعني نلتقي بالمناسبات واثق فيها كصديقة ماكنت حابه اخسرها وهي تعزني وااااايد لدرجة ماتنوصف .. وبعد فترة اشتاقلها حيل ونردنسولف مثل قبل لانها بالنسبة لي صديقة العمر واخلاقها جدا عاليه وملتزمة ولله الحمد. وهذي السالفه مرت عليها اعوام ,لكن الي تبين لي انه صديق العمر , هو قد يصبح جزء منك وزي الاخ تماما لكن يجب عليك ان لا تحصر نفسك بدائرته فقط وماينفع نقعد طول هالعمر كذا بل يكون كل واحد منا له حياة خاصه فيه واصدقاء جدد لكي حتى نستفيد من خبرات الحياة فكل شخص وله قدراته وميزاته تختلف عن الاخرين تستفيد انت منهم وتتعلم من اخطائك ومن تجاربهم بل وحتى من افكارهم وتجد نفسك اكتسبت الكثير ..ومع كل هذا فصديقك هذا قد يكون طرفا اخر في صداقاتك الاخرى ويستفيد كلاكما.. لان الانسان بطبعه يحب التجديد ويكره ان تكون حياته عباره عن روتين لايتغير بالتأكيد سيصيبه الملل.. اخيرا اتمنى لك حياة موفقة واسفه اذا اطلت واتمنى ان اكون استطعت افادتك شكررررررررررررا جزيييييييييييييييييييييييلا |
يااااااحبيبتي ياااشمعه
طمنتيني يعني في أحد زيي............من جد كلامك جاء على بالي قلت ممكن أنا مليت من الروتين هذا اللي هو أنا وهي وهي وأنا و كنت حااااصره نفسي عليها ومكتفيه فيها!!!بس ماحطيت لاحساسي هذا اهتماااام لكن من خلال كلامك تأكدت لكن معليش أسألك وش صااار على علاقتك بصديقتك الان؟؟؟؟؟؟؟؟؟؟................ |
اختي تقريبا فيك عين لأنه مادام علاقتك بها ممتازة اكيد في حسد من الناس
مايحتاج تحليل لأنه التغير هذا بدون سبب الحل: داومي على الرقية اقرأي الاخلاص والمعوذتين في يديك وانفثي فيهما وامسحي جسدك وخاصة بعد الصلوات وكذلك سورة البقرة يوميا ان استطعت |
أحس نفسي مو متقبلتهااااااااااا أبدااااا
ولاأبي أكلمها امل من كلاااامها اذا دقت والله بدون مبالغه أنكتم واذا أرسلت أتضااايق هذه الاعراض تبين ان الامر مو طبيعي والدليل على سبب الحسد انكم على صداقة نموذجية واخوة لأبعد الحدود وهذا كلامك: (( لما أكون معها كلن يقولنا انتم خوااات وأكثر يعني من دون مباالغه جوالها زي جوالي وعطرها زي عطري وروجها زي روجي )) |
الأرواح جنود مجندة ما تشابه منها ءأتلف وما تنافر منها أختلف
أيا كان نوع التنافر ( مو شرط البنت تكون سيئة ) والانسان سبحان الله يتغير قد يكون في ما مضى بينكما توافق ومن بعد تغير أحدكما أو كلاكما حصل التنافر .. تصير |
هلابك ياوخيتي ان شاء الله امرك بسيط ، استغفري ربك ، وحاولي انك تغيري جو بحيث انك تبعدي عنها فتره صدقيني راح تشتاقين لها ، انا عندي صديق والله اني اعزه واغليه وبيننا عشره عمر ، مرات ما اكون رايق له حتى انه يتصل ولا ارد واذا شفته بعدين اتحجج له بأني كنت نايم او اني طالع او الجوال فوق وانا تحت ، او اني مشغول مو عند الجوال ، والا انا والله اشوف اتصالاته بس مالى خلقه ، فا شسوي اطلع لى مكان حلو واجلس واروق لحالي وافضفض همومي واسولف على نفسي واستغفر ربي وارجع والحمد الله انام واصحى وانا مشتاق له حتى اني اتصل عليه واسلم واقوله اشتقت لك :) والله يوفقك ولايفرق شملكم |
اقتباس:
مشكوووووور على الرد وممكن يكون كذا أنا ساعات أشك وأقول ممكن محسووودين بس غرررريب ليش الحسد صار فيني أنا البنت بالعكس ماتغيرت أبد بس أنا اللي تغيرررت وتبقى الاحتمالات واااارده مشكوووور أخي مره أخرى على تفاااعلك:) |
اقتباس:
ممكن ياااحبيبتي لان الاحظ أول لما تكلمني كنت أفهمها وأفهم كلامها وبعدين لما تسولف أحس سوووواااليفهااا بااايخه وماأتفاعل معها ولا أتحمس .........لكن تظل خيره نتفرق الحين قبل ماتفرقنا الدنيااا بعدين..... أشكرك رسل على الرد الشااافي:) |
| الساعة الآن 12:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©