|
ابني وأبيه (حرب لا تنتهي )
السلام عليكم ورحمة الله وبركاته انا متزوجة ولي ولد عمره سنتين و3 اشهور . ولدي متعلق فيني بقوه وكذلك في امي واخواتي واولاد اخواتي ويحب اعمامه وهذا شي كويس بس عيبه انه يكره ابوه لأن ابوه عصبي ودايم ابوه يقول هذا الولد يكرهني والولد صار يخاف من ابوه من كثر ما طقه قبل لكن الابو عقل وقال خلاص ماني طاقه بس اهم شي يسمع كلامي ويحبني مثلك وانا والله ماني عارفه وش اسوي مع العلم ان ولدي يحب ويستانس وينبسط في بيت اهلي . لكن في بيتي انا وزوجي ما ياخذ حريته كثر ماياخذها في بيت اهلي . وش الحل ساعدوني والله سوينا اجتماعات انا وزوجي عشان اسوي حل بينه وبين ولده لكن للأسف . هذا غير ان ابوه يبعده عني ويقول له تعال اجلس عندي والولد مسكين يصيح يبي يقعد عندي لين ابوه صرخ وقال تعال ويجلس عند ابوه بس متضايق الولد فيه ميزة انه يضحك معي حتى وانا في بيتي ويضحك معي . يعني ماخذ راحته معي على الآخر وهذا شي كويس لكن عند ابوه مرة مو مبسوط ومتضايق . وش الحل يابنات او يا اهل الخبرة ساعدوني انا متوهقه والله يعلم الضيقة اللي بداخلي حتى دايم اروح لبيت اهلي اكثر من مرة وانا متهاوشة مع زوجي بسبب خلافه مع ولدي كثير .. هواش وضرب وصرخ .. وانا خلاااااص مليت من هالعيشه كل يوم اروح عند اهلي زعلانه او اقعد مع زوجي زعلانه زعلانه اني رايحه لبيت اهلي وانا زعلانه منه وزعلانه اني قاعده مع زوجي .. و ولدي وزوجي حرب بينهم. دبروني تكفون اختكم في الله ام البراء |
الحل بيدك انتي وبس
انتي تقدري تحببي ولدك في ابوة يعني علمية يروج يجلس عندة لو مشغولة قولي لة اقعد عند بابا يلعبك لاتكوني مثلا مبسوطة لما يتركة ويجيك طبيعي الولد ينبسط بيك فرحانة فية غيري اسلوبك اعطي الاكل مثلا ابوة وقولي لة بابا ياكلك او انتم الاثنين مثلا انتي تلعبية وابوة ياكلة قولي لة قبل لاينام روح وضم بابا علمية الولد دامة يحبك ومتعلق فيك بيسمع كلامك اشتري لة هدياا وقولي لة بابا جابها لك وروح يبوسة انتي احسك بموقف المتفرج لا يااختي ترا الحل بيدك لان الاب مهما تقرب لة مابيحية لكن انتي الاقرب تقدري تغيري حسسية انة ابوة كمان يحبة العبي مع الاب ولما ينبسط الطفل بيشاركمم لو مثلا ترمين كورة على الاب وكذا حاولي وشوفي الفرق |
اقتباس:
وبعد فتره رجعنا لبعض وعمره سنتين فلبدايه يحب يلعب معه بس بعد ماصار يقسى عليه بضرب وصراخ صار يحس بإحباط ويقول "ماأبيه" واذا بس ناده يقول اخاف ويصير قلبه يرجف واذا قال الولد مابي اروح يناديه بلغصب واذا بكاء يضربه يالله اقدر افكه من يده ارجوكم عطوني حل |
اقتباس:
اجل الان اتضح سبب خوفة الاب هو السبب علي بالي بس لانة عصبي شوي وفي اباء يعصب وطبعا الطفل طفل مهما كان اختي اقعدي مع الاب وفهمية ان سبب هالشي اسلوبك انت غير تعاملك معاة وبيحبك اما سنتين ويضربة وربي حرااااااااام لو بلغ عمرة 10 سنوات ويرادد مثل الي عندي بعباطة :18: بس بادب وش بيسوي لة يفتلة :29: حاولي بالاثنين والله يعينك حنني قلب الاب على ولدة مهما كان ابوة وكذاب من يقول لاريد ابني الا لمرض لاقدر الله الله او شي اخر والطفل على ماتعلمية وتعودية صدقيني الطفل مافي احسن منة بسماع الكلام باللطف واللين الله يحنن قلبة على ابنة ويحبب ابنك بابوة ويخلية لكم قرة عين ..وتفرحو فية . |
كنت أحسب مشكلتك نفس مشكلتي :(
أنا ولدي يحب أبوه و دايما أقرب ما بينهم ، بس زوجي (يغااااااااااااااااااااااااار) من ولده لا تستغربي ، بجد و الله و أكره إني أخرج مع الإثنين ، الإثنين حرب ما تنتهي ولدي يحب أبوه و يسمع كلامه ، بس زوجي أحس يستنى عليه أي غلطة تافهة و طول الوقت يتأفف و إذا قلت لولدي ، بوس بابا أو أحضنه ، زوجي يقول بالله فكيني منه (طبعا يقولها بمزحة) مشكلتك غير ، بس احتمال برضو يكون زوجك يغار عليك من ولدك ، ترى ما كنت أصدق بس اكتشفت إنه فيه حالات كثيرة الأب يغار من ابنه على زوجته ، أو الأم تغار من بنتها و أنا زميلتي تقول أنقهر يوم زوجي يدلع بنتي و أغار منها و هي و بنتها أبدا ما يتفقوا بسبب غيرة الأم احتمال يغار زوجك من ولده ؟ حاولي تتفرغي لزوجك و لا تدلعي الولد قدام أبوه ، و يوم تكوني جالسة معاهم لا تدخلي حالك ، خلي الأب يتصرف مع ولده خلاص ولدك كلها كم شهر و يصير 3 إن شاء الله ، يعني بيخرج مرات مع أبوه و لا تزعلي إذا أبوه خاصمه تكلمي بعدين مع زوجك بس مو قدام ولدك |
صراحه أول مره اعرف أن ممكن يكون في تنافر بين أب وأبنه
ماني مستوعبه:29: بس الطبيعي أن الطفل اذا أنظرب من أحد الوالدين يفهمها على طول أنهم مايحبوه هذا شي طبيعي أنتي حاولي دائما تقولي له بابا يحبك شوف جاب لك حلاوه روح بوس البابا وقله شكرا مثل كذا وحاولي مع زوجك بالهداوه واللين أن يحسن تعامله مع أبنه ويتعامل مه برقه اكثر الله يصلح حالك ويسعدكم يارب |
| الساعة الآن 08:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©