معقوله الفلوس تسوي كذا (حُلت و لله الحمد)
 

بسم الله الرحمن الرحيم

سبق وتكلمت عن مشكلتي مع زوجي اللي كانت بسبب المال يعني مشكلة مادية
ياناااس ياعاالم والله اني بانفجر مادري وش اسوي الله يخليكم دلوني ع الصواب وش اسوي في مشكلتي هذي مادري اشتكي لاهلي واعلمهم بكل شي ولا اكلم اهله ولا وش اسوي
انا توظفت من 3 شهور وظيفة مؤقته وراتبها مررة حلو المهم قلتله من باب المساعدة مصروفي ومصروف ولدي وراتب الخدامة علي لان هو علية ديون واتفقنا ع كذا
لكن وش اللي صار تخيلوا من توضفت قطع عني المصروف بتاتا وعن ولدة وصار كل شي اطلبه بالدين وقاعد يسجل كل شي عنده بورقةتخيلوا وش سجل اول شي مبلغ استقدام الخادمة 12900 ريال ورواتبها 600 وراتب السواق اللي يوديني 600 وكل شي اطلبه حتى لو الله يكرمكم جزمة ب10 ريال
تخيلوا كيف لهالدرجة ولما استلمت راتبي حسبها اجمالي وقال انا بتنازل عن اشياء كثيرة واطلبك بس 12000 مع اني قد بعت من قبل ذهبي ب5000 وعطيته وقالي برجعلك قيمتها لكنه خصمها من المبلغ اللي هو يطلبني تخيلوا كيف الظلم والقهر
انا احاول اساعدة وهو ولا همه
نزلوا لي راتب وعطيته 3000
واخر شي نزلوا لي راتبين مع بعض بقيمة 10000 ريال قال اعطيني فلوسي قلت اوكي باعطيك الحين 5 والباقي بعدين لاني انا بعد محرومة مااخذت شي
قال انا ابي 9700 تخيلوا كل شوي يزود علي
انا قلتله بزعل احسب كم تبي وان باعطيك لكن انا اللي احدد متى الاعطيك يعني مو معقوله اعطيك كل الراتب وانا اللي اتعب واشقى وبالخير مايصفالي شي
زعل وقام يهاوش ويقول انا مابي منك شي هذا حقي ولا انا ماطلبتك ولا باخذ شي
وراق وصرف 9700 وبقالي 300ريال وقال خلاص مافيه دوام اجلسي بالبيت
تخيلوا كيف اخذ فلوسي كلها وجلسني بالبيت قهرررني وظلمني حسبي الله
ابي شوركم وش اسوي اروح يم اهلي مع انهم بعيدين عني ولا عندي احد قريب وش اسوي معاه الله لايسامحة تكفون وربي ماشكيت لاحد وخايفة اشكي لامي وربي عشان مااشوه صورتة
وخايفة اسكت ويضيع حقي تكفون شوروا علي دلوني تكفووووووووووووووووون

أنت اللي خليتيه يتمادى!!!

المفروض ما تقولين مصروفي ومصروف ولدي والخدامة علي!!

لأنه راح يعتبر انه هذا واجب عليك..

يعني توظفي وخلي كأن تكرم منك إذا صرفتي شي للبيت..

لأنه الزوج هو المسؤل عن النفقه.. مو الزوجه..

صدقتي والله انا السبب والرجال مايجي معاهم الطيب مالهم الا العين الحمراء
لكن الحين وش اسوي وش الدبرة
ابي حل

اسمحي لي هذا مو طيب
يعني أنا أستغرب من الموظفة لما تشيل نفسها من زوجها
وانتي ماشاء الله مابقى الا هو تشيلينه
وخوذيها مني الرجل إذا حب يسدد ديونه بيسددها
بس حنا فينا حرارة مالها داعي

ومادام انه بيسوي هالحركة الجلسة بالبيت أفضل
وانتي ليه بتدخلين الناس
أهلك بيكرهونه ويحقدون عليه
واهله بياخذون عنك فكرة انك مادية
وعن حياتكم انها جحيم

صارحيه انتي
قوليله اللي بخاطرك
انا مثل هالامور مستحيل اخليها معلقة
وانتي لاتشيلين هم دينه
خليك باردة
وهو بيشيله
والله اني اشوف زوجي
لاشال همه ابوه بررررد
وإذا بررد ابوه اشتغل هو>>مو دين امور ثانية
اطلبي لك ولولدك بالمعروف واستمتعي بالحياة
الرجل يكره الزوجة إذا خذت دور اهله
انت زوجته وهو مسؤول عنكم وعن توفير حياة كريمة لكم
مو انتي

وصدق اللي قال(لادخلت الفلوس خربت النفوس)

عادي .. أتركي الوظيفة.. على ما تهدى الأمور.. وينسى انك شلتي عنه المسؤولية..

وبعدين قدمي على وظيفة ثانية.. ولا تعلمينه عن راتبك .. فرضا كان راتبك 4000 قولي له راتبي 2000 .. أو 1500

وإذا تكلم معاك عن راتبك.. قولي له: شوف أنت الرجال.. وأنت المسؤول.. وأحنا مانستغني عنك..

وراتبي يادوب يكفي شغلات خرابيط.. من هدايا لصحباتي.. أو أهلي.. وكمالياتي.. ومساهمات خيرية.. و و و الخ.

زي ماقالوا غلطانه

وبما ان وظيفتك مؤقته احمدي ربك ... مو جالس ينهبك كل شهر

اعتبريه درس عرفتي فيه معدن زوجك وانتبهي منه بعدين ولا تسكتين عن حقوقك وخليه يأدي اللي عليه بلا طيبة قلب وحنيه

لأنها مو في محلها

اعانك الله بعض الرجال ماينفع فيهم الطيب ويجب ان يعرف ان الراتب هذامن حقها والنفقة ملزمة للزوج

وانتي غلطتي وهي فترة مؤقته ولكن لعلها درسا لك

ولا تبوحي بهذا الى اهلك تكبر المشكلة وهي مؤقته وتزداد الانفس شحناء اصبري فترة وتزول

الله يستر

بصراحة طريقة زوجك خطأ ، لو يبى فلوس منك ياخدها لكن بطريقة أحسن

عموما الأمور المادية اذا بدت بين الزوجين ما بتنتهى وبتخلى النفوس دايما مو مرتاحة

من رأيى أذا وقفتى عن الشغل يكون أفضل

أما اذا اشتغلتى فلابد انك تنفذى اللى يطلبه ما دام انه بمقدرتك

هذا فقط : كى تستمر حياتك معه بدون متاعب