مشكلتي مع زوجي بخصوص بناء البيت
 

السلام عليكم
ارجوا منكم حل هذه المشكلة
مشكلتي مع زوجي بخصوص بناء بيت لاهله ما يقتنع عندما اقول له بدلوا الارض او اطلبوا بيت جاهز من الحكومة لانه ابوه متقاعد ما يستطيع او حتى اخوانه 2 ما يقدرون على قولتهم او بيعوا بيتهم القديم.
كل ما نفتح هذا الموضوع تصير مشاكل و زعل بيننا ما ابغي افتح هالموضوع بس هو كان بياخذ القرض مليون او 2, اقوله ليش تاخذ القرض اصلا بيتا حتى الآن مرهون و ندفع اقساط و بعد تزيد اذا لا سمح الله صار شي او ما يقدر يدفع انا وعيالي وين بنروح. زوجي اكبر واحد (4 اخوات 3 اخوان) عندنا 7 اطفال(3 اولاد و 4بنات اعمارهم 19-1ونص تقريبا) قبل كان عندنا بيت طابق واحد 3 غرف وصالة و مجلس وبعدين قبل 3 سنين اضفنا دور اول فيه 4 غرف قبل ما يجهز الدور امه قالت انه ولدها صغير26 سنه بيتزوج(وسطي بعد ما تزوج) و بيسكن معنا( اهله ساكنين في منطقه اخرى في بيت ابوهم و ان ابو البنت شرط انها ما تسكن في هذه المنطقه او حتى ما تقعد في بيت لوحدها . ) في غرفة الي تحت كنت رافضة و لكن صار انهم قعدوا عندنا 4 اشهر وطلعوا بروحهم الى بيت اهل زوجي.
قبل ما يجهز الدور الاول زوجي كان يفكر يبني لاهله(لامه وابوه 90 سنه , ولاخوانه رجال و واحد متزوج بعد و اخواته اعمرهن39-18سنه كلهم غير متزوجات) ملحق 5 غرف في بيتنا رغم انه عندهم ارض جنب بيتنا. قلته بدل ما تبني لهم عندنا ابني لهم في ارضهم(السبب لانه اخته هي التي قالت اطلعوا من بيت ابوها و نحن طلعنا و سكنا بالايجار وايضا هي حتى الآن ما تزورنا كلهم ييجون الا هي) او انتظر حتى تطلع لهم المنحة ثم يزيد(على فكرة وحدة من اخواته تدوام وما شاء الله راتبها ممتاز) ايضا امه اتقول تبغي طابقين8 غرف لانه كل الناس يقولون, ما تفكر في ولدها عنده بعد عيال و مسوول عنهم. آخر مرة حسيت انه يرتب مع المقاول و يخفي عني فاتحتة الموضوع و قلتله ابني طابق واحد بس(لانه اخوه الي متزوج يبني له بيت فيه 4 غرف)انقلب علي و يعاند و يقول كيفي انا مقتنع انتي اول قلتي لا تبني في بيتنا والي تبغين تسوين انا بعد كيفي. بعدها كم يوم صالحنا بس عندما اتذكر كيف كان اسلوبه كيف جرح مشاعري ما حبيت اتكلم معه ما اقدر. والله اصلي وادعي من رب العالمين ان يفرج همي و غمي. ادعولي و شكرا

خليه يسوي اللي يبي لااهله لاتتدخلين بااموره هو كبير ويعرف وش يسوي ولاتحرقين اعصابك

هو واهله ينجازون

رأيي من رأي بنت ناس

دام ما ياخد من مالك و يصرفه عليهم .. فهذا ولدهم و اكبر واحد فيهم

لا تقسي قلبه على اهله و امه و ابوه و اخواته

اتركييييييييييييه يتصرف مثل ما يريد .. هو مو طفل

السلام عليكم والله انا ايضا مع راي الاخرين اتركيه يفعل ما يريد مع اهله .المهم الاهتمام باولادك وبنفسك ولا تعدبي نفسك معه ان كان لا يسمك منك

مشكلتي مع زوجي بخصوص بناء البيت
 

مرحبا

شكرا على ردودكم خاصة ssaeed انا ما بستغل ولدي ولكن لازم الكل يشارك(كلهم لازم يشاركون لانهم يداومون) ما بضغط عليه و اطالبه.

بس حبيت اوضح ان هو يبخل علينا ,مثلا 1. اذا رحنا مطعم يقول عصير(اذا ب12 او اكثر) غالي او حتى كولا اذا ب4 دراهم يقول في المطاعم اغلى,( بعد ما نتعشى في المطاعم كل اسبوع مرات شهر و اكثر). كل اسبوع اذا نحن نقوله بنروح نودي العيال ايودينا اذا ما قلنا ما شي طلعه لين شهر بعد ما يقول يلا بوديكم. مرة قلناله جيب سائقة(لانه هو ما يبغي سائق حتى انا ما ابغي سائق بس في سائقات) لانه عيالنا ماشاء الله طلباتهم للمدارس, تعرفون شو قال شوفوا الي اقل عنكم شوفوا ناس الي ما عندهم انا سكت بس ليش ما يقول لهم ليش طابقين(اخواته كل وحدة تبغي غرفة لوحدها)

2. يبخل علينا لاشياء صغيره 20 , 50 او حتى 100, للعيال بعد مثلا ولد يبغي رصيد للتليفون او كفتيريـا يعصب, بس ليش ما يبخل هناك بناء تبغي ملاييين انا ما انقهر ؟

و شكرا

مشكلتي مع زوجي بخصوص بناء البيت
 

مرحبا

و شكرا على ردودكم انا ما اقوله لا تبني لهم بس بياخذ من البنك قرض هذا بعد مو شوي مليوننين و نص للطابقين لهذا السبب ان ارفض القرض, و على فكرة انا بعد اتابع موضوعهم من الاسكان الحكومي ولكن ما يصبرون لانهم بيحصلون منحه و هو بعد يزيد من عنده بيكون اخف عليه هذا الي ابغي ما يورط في الديون. الله يعيننا بس.